ຊາວໜຸ່ມ

I. ສະພາບ​ການ​ເຄື່ອນ​ໄຫວ​ໃນ​ໄລຍະ​ຜ່ານ​ມາ.

ຄະນະໜ່ວຍ​ຊາວ​ໜຸ່ມຮາກ​ຖານ​ ສະ​ຖາ​ບັນ​ເຕັກ​ໂນ​ໂລ​ຊີ ຄອມ​ພີ​ວ​ເຕີ ​ແລະ ​ເອ​ເລັກ​ໂຕຼນິກ ​ໄດ້​ຮັບ​ການ​ເອົາ​ໃຈ​ໃສ່​ຈາກ​ຄະນະ​ໜ່ວຍ​ພັກ​ໃນ​ການ ຊີ້​ນຳ​ນຳພາ, ກໍ່ສ້າງ, ປັບປຸງ ​ແລະ ຂະຫຍາຍຕົວ​ໜັກ​ແໜ້ນ​ເຂັ້ມ​ແຂງ ດ້ານ​ການ​ຈັດ​ຕັ້ງ, ຄວາມ​ຮູ້​ດ້ານ​ການ​ເມືອງ, ການ​ສຶກສາ​ວິຊາ​ສະ​ເພາະ ສະມາຊິກ​ຊາວ​ໜຸ່ມ ທຸກ​ສະຫາຍ​ລ້ວນ​ແຕ່​ເປັນ​ພະນັກງານ ​ເຮັດ​ໜ້າ​ທີ​ຕິດ​ພັນ​ກັບ​ວິຊາ​ສະ​ເພາະ ​ໃນ​ການ​ຄົ້ນຄວ້າ​ວິທະຍາສາດ ແລະ ເຕັກ​ໂນ​ໂລ​ຊີ ​ໂດຍ​ເລັ່ງ​ໃສ່​ການຈັດ​ຕັ້ງ​ຜັນ​ຂະຫຍາຍ​ມະຕິ ກອງ​ປະຊຸມ​ໃຫຍ່​ຄັ້ງ​ທີ IX ຂອງ​ພັກ, ມະຕິ​ກອງ​ປະຊຸມ​ໃຫຍ່​ຂອງ​ອົງ​ຄະນະ​ພັກ​ກະຊວງ ວິທະຍາສາດ ​ແລະ ​ເຕັກ​ໂນ​ໂລ​ຊີ ຄັ້ງ​ທີ I, ມະຕິ​ກອງ​ປະຊຸມ​ໃຫຍ່​ຂອງ​ຄະນະ​ບໍລິຫານ​ງານ​ຊາວ​ໜຸ່ມ​ປະຊາຊົນ ປະຕິວັດ​ລາວ ຄັ້ງ​ທີ VI ວາງ​ອອກ​ໃຫ້​ປະກົດ​ຜົນ​ເປັນ​ຈິງ ​ໂດຍ​ສະ​ເພາະ​ແມ່ນ​ 6 ​ແຜນ​ງານ ​ໃນ​ຂະ​ບວນຮັກ​ຊາດ ​ແລະ ພັດທະນາ ​ໂດຍ​ປະຕິບັດ​ຕາມ​ມະຕິ​ຂອງ​ສູນ​ກາງ​ພັກ ຫັນ​ເອົາ​ເນື້ອ​ໃນ 3 ສ້າງ​ຕິດ​ພັນ​ກັບ​ຂະ​ບວນ 4 ບຸກທະລຸ​ຂອງ​ພັກ.

1.ດ້ານ​ການ​ເມືອງ-​ແນວ​ຄິດ:

ຄະນະໜ່ວຍຊາວໜຸ່ມຮາກຖານ ສະ​ຖາ​ບັນ​ເຕັກ​ໂນ​ໂລ​ຊີ ຄອມ​ພີ​ວ​ເຕີ ​ແລະ ​ເອ​ເລັກ​ໂຕຼນິກ ໄດ້ຖືກເອົາວຽກ ງານການເມືອງແນວຄິດການເມືອງ ເປັນບັນຫາສຳຄັນໃນການສຶກສາອົບຮົມແນວຄວາມຄິດ ຂອງ​ສະມາຊິກຂອງ​ຕົນ ຕາມ ​ການ​ຊີ້​ນຳ​ນຳພາ ແລະ ມອບ​ໝາຍ​ຈາກຄະນະ​ບໍລິຫານ​ງານ​ຊາວ​ໜຸ່ມ ປະຊາຊົນ​ປະຕິວັດ​ລາວ ຂອງກະຊວງ ວິທະ ຍາສາດ ​ແລະ ​ເຕັກ​ໂນ​ໂລ​ຊີ ກໍ​ຄື​ຄະນະ​ພັກ ຢ່າງ​ເປັນ​ປົກກະຕິ, ຕໍ່​ເນື່ອງ​ເຮັດ​ໃຫ້​ສະມາຊິກ​ຊາວ​ໜຸ່ມ​ມີ​ແນວ​ຄິດອຸ່ນອ່ຽງທຸ່ນທ່ຽງ, ມີ​ຄວາມ​ເຊື່ອ​ໝັ້ນ​ຕໍ່​ການ​ນຳພາ​ຂອງ​ພັກ, ມີ​ຄວາມ​ຊື່ສັດ​ບໍລິສຸດ ແລະ ມີ​ຄວາມ​ຮັບຜິດຊອບ​ຕໍ່ໜ້າ​ທີ່​ ຂອງ​ຕົນ​ຢ່າງ​ມີ​ປະສິດທິພາບ, ​ເຊິ່ງສະ​ແດງ​ອອກ​ໃນ​ການ​ສະຫຼຸບ​ຜົນງານ​ປະຈຳ​ປີ​ ສະມາ​ຊິກ​ຊາວ​ໜຸ່ມ​ສ່ວຍ​ຫຼາຍ​ກໍ​ໄດ້​ຮັບ​ການ​ຍ້ອງຍໍ​ຊົມ​ເຊີຍ.

2.ດ້ານການຈັດ​ຕັ້ງ:

ໜ່ວຍ​ຊາວ​ໜຸ່ມ​ຮາກ​ຖານ  ສະ​ຖາ​ບັນ​ເຕັກ​ໂນ​ໂລ​ຊີ ຄອມ​ພີ​ວ​ເຕີ ​ແລະ ​ເອ​ເລັກ​ໂຕຼນິກ ມີ​ສະມາຊິກ​ທັງ​ໝົດ 43 ສະຫາຍ, ຍິງ 18 ສະຫາຍ, ​ໃນ​ນີ້​ໄປຮ່ຳ​ຮຽນຢູ່​ຕ່າງປະ​ເທດ 4 ສະຫາຍ, ລະດັບ​ວິຊາ​ສະ​ເພາະ: ຈົບປະລິນຍາ​ໂທ 3 ສະຫາຍ, ປະລິນຍາ​ຕີ 21 ສະຫາຍ, ຍິງ 7 ສະຫາຍ, ຊັ້ນ​ສູງ 6 ສະຫາຍ, ຍິງ  4 ສະຫາຍ, ​​ເປັນສະມາຊິກ​ພັກສົມບູນ 1 ສະຫາຍ, ​ເຂົ້າ​ຮຽນ​ກົດ​ລະບຽບ​ພັກ 1 ສະຫາຍ , ຮຽນ​ສະໜັບສະໜູນ 5 ສະຫາຍ , ສະມາຊິກ​ຊາວ​ໜຸ່ມ ກວມ​ເອົາ 95% ຂອງ ​ພະນັກງານ​ສະ​ຖາ​ບັນ​ເຕັກ​ໂນ​ໂລ​ຊີ ຄອມ​ພີ​ວ​ເຕີ ​ແລະ ​ເອ​ເລັກ​ໂຕຼນິກ.

3.ການ​ປະກອບສ່ວນ​ດ້ານ​ວິຊາ​ສະ​ເພາະ:

ເອົາ​ໃຈ​​ໃສ່ຈັດຕັ້ງປະຕິບັດ ກ່ຽວ​ກັບ​ວຽກ​ງານ 3 ສ້າງ ລົງ​ຕິດຕາມ ​ແລະ​ປະ​ເມີນ​ຜົນ​ຊຸກຍູ້​ສົ່ງ​ເສີມ ​ແລະ​ພັດທະ ນາ​ທາງ​ດ້ານ​ເຕັກ​ໂນ​ໂລ​ຊີ ຄອມ​ພິວ​ເຕີ ​ແລະ​ ເອ​ເລັກ​ໂຕຣນິກ ​ແຂວງ, ​ເມືອງ ​ແລະ​ບ້ານ​ຈຸດ​ຊຸມ,  ຄົ້ນຄວ້າ ໂຄງການ ສ້າງສູ​ນກາງການຄົ້ນຄວ້າທົດລອງ ​ແລະ​ ພັດທະນາ ​ເຕັກ​ໂນ​ໂລ​ຊີ ຄອມ​ພິວ​ເຕີ, ເອ​ເລັກ​​ໂຕຼນິກ ​ແລະ ລະບົບ​ອັດຕະ​ໂນ​ມັດ ທີ່​ເປັນ​ມິດ​ກັບ​ສິ່ງ​ແວດ​ລ້ອມ ​ແລະ​ພະລັງງານ ​ເພື່ອ​ຮັບ​ໃຊ້​ການ​ພັດທະນາ​ເສດຖະກິດ – ​ສັງຄົມ,ຄົ້ນຄວ້າສ້າງ​ການ​ຮຽນ​ການ​ສອນ​​ ໂປຣ​ແກຣມຕ່າງໆໃນ​ຮູບແບບ ​Multimedia ​​ແລະ​ການ​ເຜີຍ​ແຜ່​ຂໍ້​ມູນ​ຂ່າວສານ​ໃນ​ຮູ​ບ​ແບບ ອື່ນໆ ​ເພື່ອເຮັດ​ໃຫ້​ຊຸມ​ຊົນ​ສາມາດ​ເຂົ້າ​ເຖິງ​ແຫ​ລ່ງຂໍ້​ມູນ​ຂ່າວສານ​​ໃຫ້​ກວ້າງຂວາງ,ສືບ​ຕໍ່ສຶກສາ​ຄົ້ນຄວ້າຂໍ້​ມູນກ່ຽວ​ກັບ ລະບົບ ​ອັດຕະ​ໂນ​ມັດ ​ເພື່ອ​ການສົ່ງ​ເສີມ ​ແລະ ພັດທະນາ ການ​ນຳ​ໃຊ້​ເຂົ້າ​ໃນ​ພາກກະສິກຳ ​ແລະ ອຸດສາຫະກຳ ​ໃນ ສປປ ລາວ,ຄົ້ນຄວ້າ​ສ້າງ​ມາດຕະຖານ​ສີມື​ແຮງ​ງານ​ແຫ່ງ​ຊາດ​ຂະ​ແຫນງ​ເຕັກ​ໂນ​ໂລ​ຊີ ຂໍ້​ມູນ​ຂ່າວສານ ​ແລະ​ການ​ສື່ສານ ຫລື ICT.

4.ການ​ປະກອບສ່ວນ​ຂະ​ບວນການ

– ໄດ້​ອອກ​ແຮງ​ງານ ອານາ​ໄມ​ພາຍ​ໃນ​ຫ້ອງການ ​ແລະ ກະຊວງ ​ໃນ​ວັນ​ບຸນ​ສຳຄັນ​ຕ່າງໆ​ເປັນ​ປະຈຳ.

– ​ໄດ້​ຈັດການ​ແຂ່ງຂັນ​ກິລາ​​ແຕະ​ບານມິດຕະພາບ​ ລະຫວ່າງ ຊາວ​ໜຸ່ມ ສຄອ ​ກັບ ຊາວ​ໜຸ່ມ ກະຊວງ​ພາຍ​ໃນ, ບັນດາ​ກົມ ​ແລະ ສະ​ຖາ​ບັນ ພາຍ​ໃນ​ກະຊວງ ກວຕ ໃນ​ວັນ​ບຸນ​ສຳຄັນ​ຕ່າງໆ​ເປັນ​ປະຈຳ.

-​ໄດ້​ຈັດ​ສົ່ງ​ສະມາຊິກ​ຊາວ​ໜຸ່ມ ຈຳນວນ5ສະຫາຍ​ເຂົ້າ​ຮ່ວມ​ກັບ​ຄະນະ​ພັກ,ຄະນະ​ນຳ​ກະຊວງ ​ເພື່ອ​ເຄື່ອ​ນໄຫວກິດຈະກຳສະ​ເຫຼີ​ມສະຫຼອງ​ປີ​ສາມັກຄີ​ມິດຕະພາບ ລາວ-ຫວຽດນາມ2012ລະຫວ່າງ ​ສອງ​ກະຊວງວິທະຍາສາດ ​ແລະ ​ເຕັກ​ໂນ​ໂລ​ຊີສປປລາວ ​ແລະສສຫວຽດນາມ ​ແຕ່​ວັນ​ທີ3-7/9/2012.

– ​ໄດ້​ນຳພາ​ສະມາຊິກ ຮ່ວມ​ບໍລິຈາກ​ເລືອດ​ເພື່ອ​ສັງ​ຄົມ 3 ຄັ້ງ.

– ​ໄດ້​ຈັດ​ສົ່ງ​ສະມາ​ຊິກຊາວ​ໜຸ່ມ ​ເຂົ້າ​ຮ່ວມງານ​ພົບ​ປະ​ແຮກສ່ຽວ​ບັນດາ​ກະຊວງ, ບັນດາ​ແຂວງ​ ​ແລະ ເຂົ້າ​   ຮ່ວມຂະ​ບວນຄາ​ລະວາ​ນ ຍ່າງ​ຕາມ​ຮອຍ​ກອງພັນ​ທີ​ສອງ ຜ່າ​ວົງ​ປິດ​ລ້ອມ​ຂອງ​ສັດຕູ ຈຳນວນ 2 ສະຫາຍ ຈັດ​ຂຶ້ນທີ່​ແຂວງ​ຊຽງ​ຂວາງ.

– ​ໄດ້​ປະກອບສ່ວນ​ປ້ອງ​ກັນ​ເວນ​ຍາມ​​ໃນວັນບຸນ​ສຳຄັນຕ່າງໆ ​ເພື່ອ​ປ້ອງ​ກັນ​ຄວາມ​ສະຫງົບ.

– ​ໄດ້​ນຳພາ​ສະມາຊິກຊາວ​ໜຸ່ມ ​ໄປຢ້ຽມຢາມສະມາຊິກທີ່​ເກີດລູກ ​ແລະ ​ບໍ່​ສະບາຍ ຈຳນວນ 2 ຄັ້ງ.

– ​ໄດ້​ນຳພາ​ສະມາຊິກ​ຊາວ​ໜຸ່ມ ​ໄປ​ອົບ​ອຸ່ນ​ເຮືອນ​ດີ ຫຼາຍ​ກວ່າ 3 ຄັ້ງ.

5.ວຽກ​ງານ​ສົ່ງ​ເສີມ​ວິຊາ​ຊີບ​ຊາວ​ໜຸ່ມ

– ສະມາຊິກ​ຊາວ​ໜຸ່ມ​ແຕ່​ລະ​ຄົນ​ໄດ້​ເອົາ​ໃຈ​ໃສ່​ຍົກ​ລະດັບ​ຄວາມ​ຮູ້​ຄວາມ​ສາມາດ ດ້ານ​ວິຊາ​ສະ​ເພາະ ເປັນ​ຕົ້ນ ຈາກ​ຊັ້ນ​ສູງ​ເປັນ​ປະລິນຍາ​ຕີ, ຈາກ​ປະລິນຍາ​ຕີ​ເປັນ​ປະລິນຍາ​ໂທ ຈຳນວນ 5 ສະຫາຍ.

– ​ໄດ້​ສົ່ງ​ສະມາຊິກ​ຊາວ​ໜຸ່ມ ​ເຂົ້າ​ຮຽນ​ພາສາ​ຫວຽດນາມ ຈຳນວນ 2 ສະຫາຍ ທີ່ສູນ​ກາງ​ຊາວ​ໜຸ່ມ

– ​ໄດ້​ສົ່ງ​ສະມາຊິກ​ຊາວ​ໜຸ່ມ​ຜູ້​ທີ່​ມີ​ຄວາມ​ຫ້າວຫັນ​ໄປ​ຝຶກອົບຮົມແລກປ່ຽນ​ບົດຮຽນ 1 ສະຫາຍ ຢູ່ ປະເທດ ເກົາຫຼີ ເວລາ 4 ເດືອນ ແລະ ອີກ1 ສະຫາຍ ໄປຝຶກອົບຮົມຢູ່ປະເທດ ຍີ່ປຸ່ນ ເວລາ 6 ເດືອນ

6.ວຽກ​ງານ​ພົວພັນ-ຮ່ວມ​ມື​ກັບ​ຕ່າງປະ​ເທດ

​ໄດ້​ເອົາ​ໃຈ​ໃສ່​ຢ່າງ​ຕັ້ງໜ້າ​ຕໍ່​ວຽກ​ງານ​ຮ່ວມ​ມື​ກັບ ປະເທດ ການາດາ, ຈີນ, ໄທ ​ແລະ ອົງການ​ສາກົນ​ອື່ນໆ ຕາມ​ລະບຽບ​ຫຼັກການ​ຂອງ​ພັນ​ວາງ​ອອກ.

7.ຕີ​ລາຄາ​ຜົນ​ຂອງ​ການຈັດ​ຕັ້ງ​ປະຕິບັດ

1.ດ້ານ​ດີ ​ແລະ ສາ​ເຫດ
– ສະມາຊິກ​ພາຍ​ໃນ​ຫ້ອງການ ​ເຄື່ອນ​ໄຫວ​ດຳ​ເນີນ​ຊີວິດ​ການ​ເມືອງ​ປະຈຳ​ເດືອນ ​ແລະ ສະມາດ​ເກັບ​ກຳ​ສະຖິຕິ​ສະດວກ​ຂຶ້ນ.

– ເຮັດ​ໃຫ້​ສະມາຊິກ​ຊາວ​ໜຸ່ມ​ຜູ້​ໜຸ່ມ​ນ້ອຍ​ໄດ້​ຮັບ​ຮູ້​ເຖິງ​ຄຸນ​ງານ​ຄວາມ​ດີ ຂອງ​ນັກ​ປະຕິວັດ​ລຸ່ນກ່ອນ, ເຮັດ​ໃຫ້​ສະມາຊິກ​ຊາວ​ໜຸ່ມ ມີ​ຄວາມ​ຫ້າວຫັນ​ຕໍ່​ວຽກ​ງານ​ຮັບຜິດຊອບ​ຂອງ​ຕົນ​ຫຼາຍ​ກວ່າ​ເກົ່າ, ຮູ້ຈັກ​ມີ​ນ້ຳ​ໃຈ​ເສຍສະຫຼະ​ເພື່ອ​ປະຊາຊົນ, ​ເພື່ອ​ປະ​ເທດ​ຊາດ, ​ເປັນ​ເຈົ້າ​ການ​ໃນ​ການ​ປົກ​ປັກ​ຮັກສາ​ປະ​ເທດ​ຊາດ ມີ​ສະຕິ​ລະວັງ​ຕົວ​ສູງ ຕໍ່​ເລ​ກົນ​ຂອງ​ສັດຕູ.

– ຍ້ອນ​ມີ​ຄະນະ​ໜ່ວຍພັກຊີ້​ນຳ​ນຳພາ​ຢ່າງ​ໃກ້​ສິດ​ຕິດ​ແທດ ​ແລະ ສະໜັບສະໜູນ ດ້ານ​ງົບປະມານ ແລະ ວັດຖຸ​ອຸປະກອນ​ໃນ​ການ​ເຄື່ອນ​ໄຫວ​ກິດຈະກຳ.

– ຍ້ອນ​ມີ​ແບບ​ແຜນການ​ຊີ້​ນຳ​ນຳພາ​ຈາກ ຄະນະ​ຊາວ​ໜຸ່ມ​ປະຊາຊົນ​ປະຕິວັດ​ລາວ ກະຊວງ ​ເປັນ​ຜູ້ຊີ້​ນຳນຳ​ພາ ຢ່າງ​ໃກ້​ສິດ ຕິດ​ແທດ.

2.ດ້ານ​ຄົງ​ຄ້າງ ​ແລະ ສາ​ເຫດ

– ການ​ເຄື່ອນ​ໄຫວ​ຂອງ​ຊາວ​ໜຸ່ມ ຍັງ​ຂາດ​ການ​ປະກອບສ່ວນ ຢ່າງ​ຕັ້ງໜ້າ​ຂອງສະມາຊິກ​, ຂະ​ບວນ ການ​ບໍ່​ທັນ​ຟົດ​ຟື້ນ ​ແລະ ຕໍ່​ເນື່ອງ ​ເຮັດ​ໃຫ້​ບໍ່​ສາມາດ​ເກັບ​ກຳ​ຜົນງານ, ການ​ຕິດຕາມ​ກວດກາ ປະ​ເມີນ​ຜົນ​ບໍ່​ທັນ​ຄົບ​ຖ້ວນ.

– ຄະນະ​ໜ່ວຍ​ຮາກ​ຖານ​ຍັງ​ບໍ່​ທັນ​ໄດ້​ຜ່ານ​ການ​ຝຶກ​ອົບຮົມ ທິດ​ສະ​ດີ​ວຽກ​ງານ​ຊາວ​ໜຸ່ມ ຈຶ່ງ​ເຮັດ​ໃຫ້ ການ​ຊີ້​ນຳ​ນຳພາ​ບໍ່​ທັນ​ໄດ້​ດີ ​ເລັ່ງ​ໃສ່​ແຕ່​ດ້ານ​ວິຊາ​ສະ​ເພາະ ​ເປັນ​ຕົ້ນຕໍ.

3.ບົດຮຽນ​ທີ່​ຖອດ​ຖອນ​ໄດ້

– ສະມາຊິກ​ຊາວ​ໜຸ່ມ​ຕ້ອງ​ໄດ້​ເຊື່ອມ​ຊືມ, ຮ່ຳຮຽນ​ແນວທາງ​ນະ​ໂຍບາຍ, ມະຕິ, ຄຳ​ສັງຂ​ອງພັກ, ທິດ​ຊີ້​ນຳ​ຂອງ​ຄະນະ​ໜ່ວຍ​ພັກ, ​ເນື້ອ​ໃນ​ເອກະສານ​ຊາວ​ໜຸ່ມ, ກົດ​ລະບຽບ, ກົດໝາຍ​ວ່າ​ດ້ວຍ​ຄະນະບໍລິ ຫານ​ງານ​ຊາວ​ໜຸ່ມ ປະຊາຊົນ​ປະຕິວັດ​ລາວ ​ແລະ ​ເອກະສານ​ອື່ນໆ.

– ການຈັດ​ຕັ້ງ​ປະຕິບັດ​ວຽກ​ງານ​ຕ້ອງ​ສ້າງ​ເປັນ​ແຜນການ, ​ໂຄງການ, ​ແຜນ​ງານ, ​ແຜນ​ງົບປະມານ, ​ແຜນ​ກິດຈະກຳ​ທີ່​ຕິດ​ພັນ​ກັບ​ມະຕິ ກອງ​ປະຊຸ​ມ​ໃຫຍ່​ຜູ້​ແທນ​ທົ່ວ​ປະ​ເທດ​ຄັ້ງ​ທີ VI ດ້ວຍ​ການ​ສົມທົບ​ ແໜ້ນ​ກັບ​ການ​ນຳ​ໃຊ້​ທ່າ​ແຮງ​ຂອງ​ມະຫາຊົນ ຄະນະ​ຊາວ​ໜຸ່ມ​ພວກ​ເຮົາ​ຈຶ່ງ​ຈະ​ມີ​ກຳລັງ​ແຮງ ​ໃຫ້​ແກ່​ການ ຈັດ​ຕັ້ງ​ວຽກ​ງານ.

II.ທິດ​ທາງ​ແຜນການ​ໃນ​ຕໍ່ໜ້າ

​ເພື່ອ​ປະຕິບັດ​ມະຕິ ກອງ​ປະຊຸມ​ໃຫຍ່​ຄັ້ງ​ທີ IX, ​ແຜນ​ພັດທະນາ​ເສດຖະກິດ​-ສັງຄົມ ​ແຫ່ງ​ລັດ 5 ປີ ຄັ້ງ​ທີ VIII, ມະຕິ​ກອງ​ປະຊຸມ​ໃຫຍ່​ຄະນະ​ບໍລິຫານ​ງານ​ສູນ​ກາງ ຊປປ ລາວ ຄັ້ງ​ທີ VI, ​ແຜນການ​ເຄື່ອນ​ໄຫວ​ວຽກ​ງານ​ຂອງ​ສະມາຊິກ​ຊາວ​ໜຸ່ມ ຫສວຊ ​ໃຫ້​ປະກົດ​ຜົນ​ເປັນ​ຈິງ​ເທື່ອ​ລະ​ກ້າວ ສະມາຊິກ​ຊາວ​ໜຸ່ມ​ຈະ​ຕ້ອງ​ສຸມ​ໃສ່​ບາງ​ວຽກ​ງານ​ຕົ້ນຕໍ​ດັ່ງ​ນີ້:

  1. ສືບຕໍ່ສຶກສາ​ອົບຮົມ​ການ​ເມືອງ​ແນວ​ຄິດ,ຝຶກ​ຝົນ​ຫຼໍ່​ຫຼອມ​ຄຸນສົມບັດ,ສິນ​ທຳ​ປະຕິວັດ, ​ເອົາ​ໃຈ​ໃສ່​ຄົ້ນຄວ້າ​ຮ່ຳຮຽນ​ເອກະສານ​ແນວທາງ​ນະ​ໂຍບາຍ​ຂອງ​ພັກ ​ແລະ ລັດ​ດ້ວຍ​ການ​ເຂົ້າ​ຮ່ວມ​ຟັງ​ປາຖະ​ກາ​ຖາ,ຕິດຕາມ​ຂ່າວສານ​ ຕ່າງໆ ​ເພື່ອ​ຮັບປະກັນ​ໃຫ້​ສະມາຊິກ​ເຊື່ອມ​ຊື່​ມ ​ແລະ ກຳ​ແໜ້ນ​ແນວທາງ​ນະ​ໂຍບາຍ,ມະຕິ​ຄຳ​ສັ່ງ​ຂອງ​ພັກ ​ແລະ ລັດ​ວາງ​ອອກ​ແຕ່ລະ​ໄລຍະ.
  2. ສືບ​ຕໍ່​ຫັນ​ເອົາ​​ແຜນການປະຕິບັດ​ຂໍ້​ແຂ່ງຂັນ4ບຸກຂອງ​ຊາວ​ໜຸ່ມ​ເຊື່ອມ​ເຂົ້າ​ກັບ​ວຽກ​ງານ3ສ້າງ ຂອງ​ກະຊວງ​ພ້ອມ​ກັນ​ນັ້ນ​ກໍ​ເພີ່ມ​ທະວີ​ການ​ຕິດຕາມ​ກວດກາ,ສະຫຼຸບ​ລາຍ​ງານ​ຕີ​ລາຄາ​ປະ​ເມີນ​ຜົນ ​ເປັນ​ແຕ່ລະ​ໄລຍະ.
  3. ສືບ​ຕໍ່​​ເພີ່ມ​ທະວີ​ການຄົ້ນຄວ້າກຳ​ແໜ້ນ​ພາລະ​ບົດບາດ ຂອງ​ສະມາຊິກ​ໜ່ວຍ​ຊາວ​ໜຸ່ມ​ ສຄອ  ຂອງ​ກົດໝາຍ,ມະຕິ​ຕົກລົງ​ທີ່​ກ່ຽວຂ້ອງ​ກັບ ວຽກ​ງານ​ວິຊາ​ສະ​ເພາະ​ໃນ​ຂົງ​ເຂດ​ທີ່​ຕົນ​ຮົບ​ຜິດ​ຊ​ອບ ​ແລະ ຈັດ​ຕັ້ງ​ປະ​ຕິ​ບັດ​ໃຫ້​ປະກົດ​ຜົນ​ເປັນ​ຈິງ.
  4. ຄະນະ​ໜ່ວຍ​ຊາວ​ໜຸ່ມ​ຮາກ​ຖານ ສຄອ ທຸກ​ສະຫາຍ ຕ້ອງ​ຕັ້ງໜ້າ​ປະຕິບັດ​ວິຊາ​ສະ​ເພາະ​ຄຽງ​ຄູ່​ກັບ​ການ​ເຄື່ອນ​ໄຫວ​ວຽກ​ງານ​ຂະ​ບວນການ​ຊາວ​ໜຸ່ມ​ໃຫ້​ຝົດ​ຟື້ນ​ແລະມີ​ເນື້ອ​ໃນ​ເປັນ​ຕົ້ນ​ການ​ແຂ່ງຂັນ​ຈັດ​ຝຶກ​ອົບຮົມ​ວິຊາ​ສະ​ເພາະ​ຂົງ​ເຂດ​ຕ່າງໆ,​ເພື່ອ​ແລກປ່ຽນ​ຄວາມ​ຮູ້​,ຂະ​ບວນການ,ຂະ​ບວນການ​ອອກ​ແຮງ​ງານ​ລວມ,ການ​ປ້ອງ​ກັນ​ຄວາມ​ສະຫງົບ​ແລະຂະ​ບວນການ​ອື່ນໆທີ່​ຖືກຕ້ອງ​ຕາມ​ກົດໝາຍ.
  5. ສຶບຕໍ່​ຊອກ​ຫາ​ແຫຼ່ງທຶນ​ສະ​ສົມ ​ເພື່ອ​ສ້າງ​ເປັນ​ກອງ​ທຶນ​ພັດທະນາ ​ແລະ ກອງ​ທຶນ​ເພື່ອນ​ຊ່ວຍ​ເພື່ອນ​ຂອງ​ໜ່ວຍ.
  6. ສືບ​ຕໍ່​ເອົາ​ໃຈ​ໃສ່​ເພີ່ມ​ທະວີ​ຄວາມ​ຮັບຜິດຊອບ ຂອງ​ສະມາຊິກ​ຊາວ​ໜຸ່ມ​ແຕ່​ລະ​ຄົນ ​ໃຫ້​ເຮັດ​ວຽກ​ຢ່າງ​ມີ​ຫົວຄິດ​ປະດິດ​ສ້າງ ​ແລະ ມີ​ຜົນງານ​ສຳ​ເລັດ​ດ້ວຍ​ຄວາມ​ຮັບຜິດຊອບ ຕາມ​ການ​ມອບ​ໝາຍ​ຂອງ​ຂັ້ນ​ເທິງ ​ໂດຍ​ມີ​ການ​ປະສານ​ສົມທົບ​ກັບ​ອົງການ​ຈັດ​ຕັ້ງ​ພາຄີ ​ແມ່ຍິງ,ກຳມະບານ.

III. ມາດ​ຕະການ​ຈັດ​ຕັ້ງ​ປະຕິບັດ

ຄະນະ​ໜ່ວຍຊາວ​ໜຸ່ມ ​ແລະ ສະຫາຍ​ຊາວ​ໜຸ່ມ​ທຸກ​ຄົນ ຕ້ອງ​ເປັນ​ເຈົ້າ​ການ​ໃນ​ການ​ຊີ້​ນຳ​ນຳພາ ​ເພື່ອ​ເຮັດ​ໃຫ້​ແຜນ​ດັ່ງກ່າວປະສົບ​ຜົນສຳ​ເລັດ ​ແລະ ​ໄດ້​ປະກອບສ່ວນ​ວຽກ​ງານ​ຂອງ​ພັກ-ລັດ.