ຍຸດທະສາດ ແລະ ວິໄສທັດ

ຍຸດທະສາດ ແລະ ວິໄສທັດ

ແຜນ​ພັດທະນາ​ເສດຖະກິດ​ສັງຄົມ 6​ ເດືອນ​ຕົ້ນປີ ​ແລະ ທິດ ​ທາງ​ແຜນການປະຈຳ 6​ ເດືອນ​ທ້າຍ​ສົກ​ປີ 2012-2013

     ຂອງ​ ສະ​ຖາ​ບັນ ​ເຕັກ​ໂນ​ໂລ​ຊີ ຄອມ​ພິວ​ເຕີ ​ແລະ ​ເອ​ເລັກ​ໂຕຼນິກ.

            – ອີງຕາມ ​ແຜນການ​ເຄື່ອນ​ໄຫວ​ວຽກ​ງານ ຂອງ​ກະຊວງ ວິທະຍາສາດ ​ແລະ ​​ເຕັກ​ໂນ​ໂລ​ຊີ  ສົກ​ປີ 2012-2013.

– ອີງ​ຕາມ​ຂໍ້​ຕົກລົງ ວ່າ​ດ້ວຍ​ການຈັດຕັ້ງ ​ແລະ ​ການ​ເຄື່ອນ​ໄຫວ​ຂອງ​ສະ​ຖາ​ບັນ ​ເຕັກ​ໂນ​ໂລ​ຊີ ຄອມ​ພິວ​ເຕີ ​ແລະ ​ເອ​ເລັກ​ໂຕຼນິກຂອງ​ລັດ

ຖະມົນຕີວ່າການ ​ກະຊວງ​ວິທະຍາສາດ​ແລະ​ເຕັກ​​ໂນ​ໂລ​ຊີສະບັບ​  ເລກທີ 0833/ກວຕ ລົງ​ວັນ​ທີ 21/12/2011. ສະ​ຖາ​ບັນ​ເຕັກ​ໂນ​

ໂລ​ຊີຄອມພິວ​ເຕີ ​ແລະ ​ເອ​ເລັກ​ໂຕຼນິກ ສະຫລຸບ ​ແຜນ​ພັດທະນາ​ເສດຖະກິດ-ສັງຄົມ 6 ​ເດືອນ​ຕົ້ນປີ ​ແລະ ທິດ​ທາງ ​ແຜນການປະຈຳ

6​ ເດືອນ ​ທ້າຍ​ສົກ​ປີ 2012-2013 ຄື​ດັ່ງ​ນີ້:

      1. ບົດສັງລວມຫຍໍ້ :

​    ອີງ​ໃສ່​ທິດ​ຊີ້ນຳ​ຂອງ  ການ​ນຳ​ ກວຕ ​​ເພື່ອສຸມ​ໃສ່​ການຈັດຕັ້ງ  ປະຕິບັດ​ຕາມ​ແຜນການ ປັບປຸງ​ລະບົບ ​ເຄືອ​ຂ່າຍ​ ຄອມ​ພີ​ວເຕີ ​ແລະ ລະບົບ​ເຊີ​ເວີ  ຂອງ (ກວຕ) ​​ໃຫ້​ສຳ​ເລັດ​ເຊັ່ນ: ໄດ້ປັບປຸງການຕິດຕັ້ງ​ ເຄື່ອງ​ອຸປະກອນ​  ແບ່ງ​ສັນຍານ​ອິນ​ເຕີ​ເນັດ, ສ້າງລະບົບ​ເຄືອຂ່າຍ​ພາຍ​ໃນ ​ໃຫ້ແກ່ ຫ້ອງການ,    ກົມ,  ສະ​ຖາ​ບັນ  ພາຍໃນກະຊວງ ວິທະຍາສາດ  ແລະ ເຕັກໂນໂລຊີ   ອອກ​ເປັນ​ແຕ່​ລະ​ວົງ  ເຄືອຂ່າຍ ທີ່​ແຕກ​ຕ່າງ​ກັນ,  ຕິດຕັ້ງ ​ລະບົບ​ປ້ອງ​ກັນ  ​   ຄວາມ​ປອດ​ໄພ, ຕິດຕັ້ງ​ເຄື່ອງ ອຸປະກອນເຊື່ຶອມຕໍ່ ​ແລະ  ເຄື່ອງລະບົບ ເຊີເວີຖານ​ຂໍ້​ມູນ ທີ່ຮັບໃຊ້ວຽກງານ ເວັບໄຊ, ອີເມວ, ການປ້ອງກັນລະບົບ ຄວາມປອດໄພ ທາງດ້ານລະບົບເ ຊື່ອມຕໍ່ເຄືອຂ່າຍ ອິນເຕີເນັດ. ແລະ ອື່ນໆ ທີ່ຈຳເປັນ, ແຍກລະບົບເຄືອຂ່າຍຄອມພິວເຕີ ຂອງ ກະຊວງ ວິທະຍາ ສາດແລະ ເຕັກໂນໂລຊີ ອອກຈາກສູນບໍລິຫານ ລັດແບບເອເລັກໂຕຼນິກ. ເພື່ອສ້າງໃຫ້ເປັນລະບົບເຄືອຂ່າຍ ຄອມພິວເຕີ ​ໂດຍສະເພາະຂອງກະຊວງ ​   ຊຶ່ງສະດວກ​ໃນ​ເວລາ​ຕິດຕາມກວດກາ ການແກ້​ໄຂ​ບັນຫາ​ຕິດ​ຂັດ​ຕ່າງໆ ​ປະຈຸ​ບັນ​ສຳ​ເລັດ​ໄດ້ 90 ​ເປີ​ເຊັນ%, ພ້ອມ​ທັງກະກຽມ​ອອກ​ແບບ-ວາງແຜນ     ​ຄິດ​ໄລ່​ການເດີນລະບົບສາຍ​ໃຍ​ແກ້ວ ​ໄປ​ຍັງ​ຕຶກ 100 ​ເພື່ອ​ສ້າງ​​ເປັນ​ ລະບົບ ການ​ເຊື່ອມ​ຕໍ່  Back up Network, ​ນອກຈາກ​ນັ້ນ​ ແມ່ນ​ການ​ສ້າງ  ແຜນ ລະບົບຕິດຕັ້ງ​ ໄຟຟ້າ​ສຳຮອງ ສຳລັບ ເຊີ​ເວີ​ເຄືອ​ຂ່າຍ.

       2. ສະພາບການປະຕິບັດ​ແຜ​ນພັດທະນາ​ເສດຖະກິດ-ສັງຄົມ 6​ເດືອນ​ຕົ້ນປີ (2012-2013):

       2.1. ວຽກງານການເມືອງ​ແນວ​ຄິດ:

ໂດຍ​ຖື​ເອົາ​ວຽກ​ງານ​ ການ​ເມືອງ​ແນວ​ຄິດ​ເປັນ​ກົກ, ເອົາໃຈໃສ່ ຄົ້ນຄວ້າເຊື່ອມຊືມ  ມະຕິກອງປະຊຸມໃຫຍ່ ຄັ້ງທີ IX ຂອງພັກ ເພື່ອນຳມາຜັນຂະ ຫຍາຍເຂົ້າໃນວຽກງານຂອງຕົນ,ໄດ້ສຶກສາອົບຮົມ ພະນັກງານລັດຖະກອນດ້ວຍການຖືເອົາບັ້ນດຳເນີນຊີວິດການເມືອງປະຈຳເດືອນເປັນການສຶກສາ  ອົບຮົມ,ເຮັດໃຫ້ພະນັກງານລັດຖະກອນ ມີຄວາມອຸ່ນ​ອ່ຽນ​ທຸ່ນ​ທ່ຽງ, ມີສະຕິຕໍ່ການຈັດຕັ້ງ ​ແລະ ປະຕິບັດ ລະບຽບວິໄນດີ.

– ພະນັກງານ​ລັດຖະກອນ​ຂອງ​ສະ​ຖາ​ບັນ​ທັງ​ຫມົດ​ໄດ້​ເຂົ້າເຊື່ອມ​ຊືມມະຕິ​ກອງ​ປະຊຸມ​ ໃຫຍ່ຄັ້ງ ທີ IX ຂອງ​ພັກ ປະຊາຊົນ​ປະຕິວັດ​ລາວ.

– ຄະນະ​ສະ​ຖາ​ບັນ​ ໄດ້​ເຂົ້າຮ່ວມ​ກອງ​ປະຊຸມ ເຊື່​ອມຊືມມະຕິ​ຕົກລົງ​ ຂອງ​ກົມ​ການ​ເມືອງ​ ສູນ​ກາງ​ພັກ ວ່າ​ດ້ວຍ ການ​ສ້າງ​ແຂວງ​ເປັນ​ຫົວຫນ່ວຍ​ຍຸດ​ທະ

ສາດ, ສ້າງ​ເມືອງເປັນຫົວຫນ່ວຍ​ເຂັ້ມ​ແຂງຮອບດ້ານ ແລະ ສ້າງ​ບ້ານ​ເປັນ​ຫົວຫນ່ວຍ​ພັດທະນາ.

– ພະນັກງານ​ຂອງ​ສະ​ຖາ​ບັນ​ຈຳນວນ 4 ຄົນ​ໄດ້​ເຂົ້າຮ່ວມ​ເຄື່ອ​ນ​ໄຫວ​ວຽກ​ງານ ພົບ​ປະ​ຂອງ 2 ກະຊວງ ​ເພື່ອ​ສະ­ເຫຼີມ­ສະ­ຫຼອງ​ສອງ​ວັນ​ປະ­ຫວັດ­ສາດວັນ​

ສ້າງ­ຕັ້ງ​ສາຍ​ພົວ­ພັນ​ການ​ທູດ ຄົບ­ຮອບ 50 ປີ ​ແລະວັນ​ ເຊັນ​ສົນ­ທິ­ສັນ­ຍາ​ການ​ຮ່ວມ​ມື​ລະ­ຫວ່າງ ລາວ-ຫວຽດ­ນາມ ຄົບ­ຮອບ 35 ປີ ທີ່​ທັງ 2 ກະຊວງ​

ໄດ້​ຈັດ​ຮ່ວມ​ກັນ ທີ່ ​ແຂວງ​ຄຳ​ມ່ວນ ​ແລະ ​ແຂວງ​ກວາງ​  ບິ້ງ ​ໃນ​ລະຫວ່າງ​ວັນ​ທີ 3-9 ກັນຍາ 2012.

– ພະນັກງານ​ລັດຖະກອນ ຂອງ​ສະ​ຖາ​ບັນ​ໄດ້​ເຂົ້າຮ່ວມ​ຮັບ​ຟັ​ງການ​ເຜີຍ​ແຜ່ :

– ດຳລັດ​ວ່າ​ດ້ວຍ​ການຈັດຕັ້ງ ​ແລະການ​ເຄື່ອນ​ໄຫວ​ຂອງ​ກະຊວງ ວິທະຍາສາດ ​ແລະ ​ເຕັກ​ໂນ​ໂລ​ຊີ.

– ເອກະສານ​ມູນ​ເຊື້ອ​ວັນ​ທີ 12 ຕຸລາ ​ແລະ ​ເອກະສານ​ ວັນ​ຄູ​ແຫ່ງ​ຊາດ.

– 3 ​ເອ​ກະ​ສານ​ ຫ​ວນ​ຄືນ​ ​ວັນຊາດ​ ​ທີ​ 2 ​ທັນວາ​, ​ວັນ​ຄ້າຍ​ວັນເກີດ​ ​ປະທານ​ ​ໄກ​ສອນ​ ​ພົມ​ວິຫານ​ ​ແລະ​ ​ເອ​ກະ​ສານ​ຕ້ານ​ການ​ສໍ້​ລາດບັງ​ຫຼວງ​.

– ປາຖະກະຖາ ເນື່ອງໃນໂອກາດວັນ ສ້າງຕັ້ງກອງທັບ ປະຊາຊົນລາວ ຄົບຮອບ 63 ປີ ທີ່ຄະນະພັກ ກະຊວງຈັດຕັ້ງຂຶ້ນ.

– ເອກະສານ ​ເນື່ອ​ງ​ໃນ​ວັນ​ສ້າງ​ຕັ້ງ​ພັກ ຄົບຮອບ 57 ປີ.

– ຜົນສຳ​ເລັດ​ ຂອງ​ກອງ​ປະຊຸມ​ໃຫຍ່​ຜູ້​ແທນ​ຊາວ​ຫນຸ່ມ​ທົ່ວ​ປະ​ເທດ​ຄັ້ງທີ VI ຂອງ​ຄະນະ​ບໍລິຫານ​ງານ​ຊາວ​ຫນຸ່ມ​ປະຊາຊົນ​ປະຕິວັດ​ລາວ.

– ເອກະສານ-ປາຖະກະຖາ ເນື່ອງ​ໃນ​ໂອກາດ​ວັນ​ສ້າງຕັ້ງກຳລັງ​ປ້ອງ​ກັນ​ຄວາມ​ ສະຫງົບ​ ຄົບຮອບ 51 ປີ (05/04/1961-05/04/2012) ​ແລະ​ ຮັບ​

ຟັງ​ການ​ເຜີຍ​ແຜ່​ ກ່ຽວ​ກັບ ​ວຽກ​ງານ​ການ​ຈໍລະ​ຈອນ.

– ກົດລະບຽບ ຂອງພັກປະຊາຊົນ ປະຕິວັດລາວ ຈາກຄະນະພັກກະຊວງ.

– ວັນເຊັນສັນຍາມິດຕະພາບ ແລະ ການຮ່ວມມືຄົບຮອບ 35 ປີ ແລະ ວັນສ້າງຕັ້ງສາຍພົວພັນການ ທູດ ລະຫວ່າງ ລາວ-ຫວຽດນາມ ຄົບຮອບ 50 ປີ.

– ລະບຽບການຄຸ້ມຄອງເງິນຕາຕ່າງປະເທດ ແລະການສົ່ງເສີມການນຳໃຊ້ເງິນກີບ.

– ບັນດາພະນັກງານ​ຂອງ​ສະ​ຖາ​ບັນ​ ໄດ້ເຂົ້າຮ່ວມຟັງປະຖະກະຖາ “​ເນື່ອງ​ໃນ​ວັນສ້າງຕັ້ງກຳມະບານ​ລາວ ຄົບຮອບ 57 ປີ”.

– ພະນັກງານ​ 95% ຂອງ​ສະ​ຖາ​ບັນ​ທັງ​ຫມົດ​ໄດ້​ເຂົ້າ​ເຊື່ອມ​ຊືມ ກົດ​ລະບຽບ​ຂອງ​ລັດຖະກອນ.

   2.2. ວຽກຈັດຕັ້ງ​ພະນັກງານ:

  • ດ້ານ​ການຈັດຕັ້ງ :

– ປັບປຸງ​ ​ແລະ ​ຊັບຊ້ອນ​ພະນັກງານ​ຄືນ​ໃຫມ່​ ​ເພື່ອ​ຊັບ​ຊ້ອນ​ເຂົ້າ​ໃນ​ແຕ່​ລະຕຳ​​ແຫນ່​ງງານ ​ໄດ້​ກຳນົດ​​ແຜນ​ຄວາມ​ຕ້ອງການ​ລັດຖະກອນ​ໃຫມ່ ​ແລະ​ໄດ້​ສົ່ງ​     ໃຫ້​ກົມ​ຈັດຕັ້ງ ​ແລະ​ກໍ່ສ້າງ ​ພະນັກງານ. ພະນັກງານ ທັງຫມົດ  ຂອງສະຖາບັນ ມີ 29 ຄົນ, ຍິງ 10 ຄົນສັງກັດລັດສົມບູນ 100% ຈຳນວນ 9 ຄົນ, ຍິງ 1   ຄົນ;/ງ 95% ຈຳນວນ 9 ຄົນ,   ຍິງ 5 ຄົນ ແລະ ພ/ງ ຝຶກງານ (ອາສາສະຫມັກ) ຈຳນວນ 11 ຄົນ, ຍິງ 4 ຄົນ. ລະດັບວິຊາສະເພາະ ປະລິນຍາໂທ    2 ຄົນ; ປະລິນຍາຕີ 25 ຄົນ, ຍິງ 9 ຄົນແລະ ຊັ້ນສູງ 2 ຄົນ, ຍິງ 1 ຄົນ (ປະຈຸບັນມີຫນ້າຕົວຈິງ 26 ຄົນ ​​ໄດ້ສົ່ງ 2 ຄົນ​ ​ໄປຕໍ່ປະລິນຍາໂທຢູ່ສປ ຈີນແລະ 1 ຄົນໄປຕໍ່ປະລິນຍາໂທ ຢູ່ ສສ ຫວຽດນາມ).

– ພະນັກງານຂອງສະຖາບັນ 1 ຄົນ ຄື ທ່ານ ຄຳແກ້ວ ກົມມະດຳ ຮອງຫົວຫນ້າພະແນກລະບົບອັດຕະໂນມັດໄດ້ເສຍຊີວິດ ຍ້ອນອຸປະຕິເຫດໃນວັນທີ 5 ກຸມພາ 2013.

  • ການ​ກໍ່ສ້າງ​ພະນັກງານ :

– ພະນັກງານ ຂອງສະຖາບັນ ຈຳນວນ ​4 ຄົນ ​ໄປ​ສຶກສາ​ຕໍ່​ລະດັບ ປະລິນຍາ​ໂທ​ ທີ່ ສປ ຈີນ ​2 ຄົນ, ສ.ສ ຫວຽດນາມ 1 ຄົນ ​ແລະ​ ຢູ່​ໂຮງຮຽນ​ແສງ​ສະຫວັນ ພາກ​ຄໍ່າດ້ວຍ​ທຶນ​ຕົນ​ເອງ 1 ຄົນ.

– ພະນັກງານ​ຂອງ​ສະ​ຖາ​ບັນໄດ້​ສຳ​ເລັດ​ການໄປ​ຝຶກ​ອົບຮົມ​ທາງ​ດ້ານ​ວິຊາ​ການໄອທີ ຢູ່​ ສູນ​ຝຶກ​ອົບຮົມ ລາວ-​ສິງກະ​​ໂປ 6 ຄັ້ງ ​ແຕ່ລະຄັ້ງ ​ໃຊ້​ເວລາ 2 ອາທິດ ລວມທັງ​ຫມົດ 12 ຄົນ. ​

– ພະນັກງານ​ຂອງ​ສະ​ຖາ​ບັນ 1 ຄົນ ​​ສຳ​ເລັດ​ການ​ໄປ​ຮ່ວມສຳ​ມະ​ນາ ກ່ຽວ​ກັບ ວຽກ​ງານ​ລິ​ຂະ​ສິດ ​ຢູ່​ປະ​ເທດ​ສິງກະ​ ໂປ, ​ຈຳນວນ 3 ຄົນ ​ໄປ​ຝຶກ​ອົບຮົມ​ດ້ານ​ວິ​ຊາ​ສະ​ເພາະໄອ​ທີ  ​ແລະ ​ພາສາ​ອັງກິດ ທີ່​ປະ​ເທດ​ອິນ​ເດຍ ​​ໄລຍະ​ເວລາ 2 ​ເດືອນ, ສຳເລັດການ ໄປ​ຝຶກ​ອົບຮົມ​ທາງ​ດ້ານ​ວິຊາ​ການ ໃນຫົວຂໍ້ “ການ​ພັດທະນາ​ເວ​ບ​ໄຊ ​ແລະ​ການ​ບໍລິຫານ​ສຳລັບ ການຈັດ​ຊື້​ທາງ​ດ້ານ​ເອ​ເລັກ​ໂຕຼນິກ” ທີ່​ປະ​ເທດ​ມະ​ເລ​ເຊຍ 1 ຄົນ ​​ແລະ 1 ຄົນ ​​ໄດ້​ສຳ​ເລັດ​ການ​ເຂົ້າຮ່ວມ​ສຳ​ມະ​ນາ ​ໃນ​ຫົວ​ຂໍ້  “Seminar on E-Governance for Developing Countries”  ​ທີ່​ນະຄອນຫລວງ ​ປັກ​ກິ່ງ ສປ ຈີນ.

​       – ພະນັກງານຂອງ​ສະ​ຖາ​ບັນ ຈຳນວນ ​​3 ຄົນ ​​ໄດ້​ໄປ​ຝຶກ​ອົບຮົມຍົກ​ລະດັບ​ພາສາ​ອັງກິດ ​ແລະ​ອີກ 3 ຄົນໄປ​ຝຶກ​ອົບຮົມຍົກ​ລະດັບ​ພາສາ​ຫວຽດນາມ ຢູ່​ສູນ​ກາງ​ຊາວ​ຫນຸ່ມ​ປະຊາຊົນ​ປະຕິວັດ​ລາວ.

​       – ໄດ້​ຮັບ​ນັກ​ສຶກສາ​ຈາກ​ມະຫາວິທະຍາ​ໄລ​ແຫ່ງ​ຊາດ ຈຳນວນ 13 ຄົນ, ຈາກ​​ໂຮງຮຽນ​ວິຊາ​ຊີບ​ມິດຕະພາບ ວຽງ​ຈັນ-ຮ່າ​ໂນ້​ຍ ຈຳນວນ 7 ຄົນ ​​ແລະ​ຈາກ​ໂຮງຮຽນ​ປາກ​ປາ​ສັກ ຈຳນວນ 3 ຄົນ ລວມ 23 ຄົນ ເຂົ້າມາຝຶກງານແຕ່ລະງວດ ປະມານ 2 ​ເດືອນ.

2.3. ວຽກ 3 ອົງການຈັດຕັ້ງມະຫາຊົນ ແລະ ການເຄື່ອນໄຫວອື່ນໆ

– ພະນັກງານ​ຂອງ​ສະ​ຖາ​ບັນ​ ໄດ້​ເຂົ້າຮ່ວມ​ຂະ​ບວນການ​ ອອກ​ແຮງ​ງານ​ລວມ ອ້ອມ​ຂ້າງ​ກະຊວງ ​ແລະ ​ຂະ​ບວນການ​ແຂ່ງ​ຂັນ​ກິລາ​ເປຕັ້ງ ​​​ເພື່ອ​ສ້າງ​ຂະ​ບວນການ ສະ​ເຫລີ​ມສະຫລອງ​ວັນ ສ້າງຕັ້ງກຳມະບານ​ລາວ​ຄົບ​ຮອບ 57 ປີ.

– ເຄື່ອນ​ໄຫວ​ແຂ່ງຂັນ​ກິລາ​ເຕະບານ​ມິດຕະພາບ​ກັບ ສູນ​ບໍລິຫານ​ລັດ​ດ້ວຍ​ເອ​ເລັກ​ໂຕຼນິກ ຂອງ​ກະຊວງ​ໄປສະນີ ​ໂທລະ​ຄົມມະນາຄົມ ​ແລະ​ການ​ສື່ສານ.

– ໄດ້​ສົ່ງ​ສະມາຊິກ​ຊາວ​ຫນຸ່ມ​ທີ່​ຫ້າວຫັນຂອງສະຖາບັນ ​ຈຳນວນ 1 ຄົນ​ ໄປ​ຮ່ວມ​ງານການໂຮມຊຸມນຸມ ຊາວຫນຸ່ມອາຊຽນເກົາຫຼີ ໃນຫົວຂໍ້ “ສະຖານະພາບຂອງມື້ນີ້ ແລະມື້ອື່ນຕໍ່ກັບອານາຄົດຂອງຊາວຫນຸ່ມ ອາຊີ ໂດຍຜ່ານຊື່ກາງຕ່າງໆ ຢ່າງຄົບວົງຈອນ” ທີ່ປະ​ເທດ​ເກົາຫລີ.

– ພະນັກງານ​ລັດຖະກອນໄດ້ເຂົ້າຮ່ວມ​ຂະ​ບວນ​ຍ່າງ “ມິ​ນິມາ­ລາ​ທອນ” ເນື່ອງ​ໃນ​ໂອ­ກາດ​ສະເຫຼີມ­ສະ­ຫຼອງ​ວັນ​ສາ­ກົນ ແລະ ສັບ­ປະ­ດາ​ແຫ່ງ​ຊາດ ເພື່ອ​ລຶ­ບລ້າງ​ຄວາມ­ທຸກ​ຍາກ.

– ພະນັກງານຂອງສະຖາບັນ​ໄດ້ເຂົ້າ​ຮ່ວມ​ງານຊຸມນຸມ​ ເນື່ອ​ງ​ໃນ​ວັນ​ຊັບ​ສິນ​ທາງ​ປັນຍາ​ໂລກ,

– ພະນັກງານ​ລັດຖະກອນ ​ໄດ້ເຂົ້າຮ່ວມ​ຂະ​ບວນກາ​ນຍ່າງ​​ເພື່ອ​ສຸຂະພາບ​ ​ແລະ ​ຂະ​ບວນການ​ແຂ່ງຂັນ​ກິລາ​ເປຕັ້ງ ​ເພື່ອສະ​ເຫລີ​ມສະ​ຫລອງ ​ວັນ​ກຳມະກອນ​ສາກົນ​ຄົບຮອບ 126 ປີ.

– ເຂົ້າຮ່ວມງານໂຮມຊຸມນຸມຊາວຫນຸ່ມ ເພື່ອສະເຫລີມສະຫລອງ ວັນສ້າງຕັ້ງສາຍພົວພັນການທູດ ລາວ – ຫວຽດນາມ ຄົບຮອບ 50 ປີ ແລະ ວັນເຊັນສົນທິສັນຍາມິດຕະພາບ ແລະ ການຮ່ວມມື ລາວ – ຫວຽດນາມ ຄົບຮອບ 35 ປີ.

– ​​​ເຂົ້າຮ່ວມກອງປະຊຸມສຳມະນາ ເຜີຍແຜ່ວຽກສົ່ງເສີມຄວາມກ້າວໜ້າ ຂອງແມ່ ຍິງ.

– ພະນັກງານຂອງສະຖາບັນ ໄດ້ເຂົ້າຮ່ວມຂະບວນການອອກແຮງງານ ​ຢ່າງ​ເປັນ​ປົກກະຕິ​ ​ເນື່ອງ​ໃນ​ວັນ​ບຸນ​ສຳຄັນ​ຕ່າງໆ​ເຊັ່ນ: ການ​ອອກ​ແຮງ​ງານອ້ອມຂ້າງຮົ້ວ ເຂດຫ້ອງວ່າການລັດຖະບານ ເພື່ອກະກຽມໃສ່ ຕ້ອນຮັບກອງປະຊຸມ ອາ​ເຊບ 7, ກອງ​ປະຊຸມສຸດຍອດອາເຊັມຄັ້ງທີ IX ທີ່ ສປປ ລາວ ເປັນເຈົ້າພາບ.

– ເຂົ້າຮ່ວມຄືນໄຫວແຂ່ງຂັນກິລາເປຕັງ ກັບ ສູນກາງຊາວຫນຸ່ມ ປະຊາຊົນປະຕິວັດລາວ.

– ສະມາຊິກຊາວ​ຫນຸ່ມ ຂອງ​ສະ​ຖາ​ບັນ ໄດ້​ເຂົ້າຮ່ວມ​ຂະ​ບວນການອອກ​ແຮງ​ງານ​ລວມ ຢູ່​ ທີ່​ຫໍພິພິດທະພັນປະ​ທານ ​ໄກສອນ ພົມວິຫານ ທີ່​ທາງ​ສູນ​ກາງ​ຊາວ​ຫນຸ່ມ​ປະຊາຊົນ​ປະຕິວັດ​ລາວ ຈັດ​ຂື້ນ ​ແລະ ອອກ​ແຮງ​ງານ​ລວມ ອ້ອມ​ຂ້າງ​ກະຊວງ ເພື່ອ​ສ້າງ​ຂະ​ບວນການ ສະ​ເຫລີ​ມສະຫລອງ​ວັນຊາດ​ທີ 2 ທັນວາ ຄົບຮອບ 37 ປີ ​ແລະ​ວັນ​ຄ້າຍ​ວັນ​ເກີດ​ຂອງ​ປະທານ ​ໄກສອນ​ ພົມວິຫານ ຄົບຮອບ 92 ປີ.

– ​ເຄື່ອນ​ໄຫວແຂ່ງຂັນກິລາບານເຕະ ກັບທິມໂຄງການບໍລິຫານລັດດ້ວຍເອເລັກໂຕຣນິກ, ​ທິມ ສະຖາບັນພະລັງງານທົດແທນແລະວັດສະດຸໃຫມ່, ທິມຫ້ອງການສະພາວິທະຍາສາດແຫ່ງຊາດແລະອື່ນໆ.​

– ເຂົ້າຮ່ວມ​ຂະ​ບວນການ​ເວນຍາມ​ໃນ​ໄລຍະ​ສະ​ເຫລີ​ມສະຫລອງ​ວັນຊາດ​ທີ 2 ທັນວາ ຄົບຮອບ 37 ປີ, ​ໄລຍະ​ສະ​ເຫລີ​ມສະຫລອງປີ​ໃຫມ່​ລາວ ​ແລະ ໄລ​ຍະ​ກະກຽມ​ກິລາ​ມະຫາວິທະຍາ​ໄລ​ອາ​ຊຽນ ຄັ້ງທີ 16.

2.4. ດ້ານການເຄື່ອນໄຫວວຽກງານວິຊາສະເພາະ

       2.4.1. ວຽກ​ງານ​ຄົ້ນຄວ້າ ​ແລະ ພັດທະນາ

– ໄດ້ອອກ​ແບບ ​ແລະ ຕິດຕັ້ງລະບົບ​ເຄືອຂ່າຍ ​ຄອມ​ພິວ​ເຕີພາຍ​ໃນ, ລະບົບ​ອິນ​ເຕີ​ເນັດ​ຂອງ​ກະຊວງ ​ແລະ​ໄດ້​ເຊື່ອມ​ຕໍ່ລະບົບສາຍໃຍແກ້ວ ​ໄປ​ຫາຫ້ອງການ ​ເຂດດອນ​ຕິ້ວ ​ແລະ​ດ່ານ​ຊ້າງ ເຂົ້າຫາເຄືອຂ່າຍຫລັກ ຂອງ​ກະຊວງ​ ຈໍານວນ 5 ຕຶກ.

– ສຳ​ເລັດ​ການຕິດ​ຕັ້ງ ລະບົບ WiFi ​ຂອງ​​ກະຊວງ, ຕິກລາວ-ເກົາຫລີ, ຕຶກຫ້ອງການສະພາວິທະຍາສາດ ແຫ່ງຊາດ ລວມທັງຕຶກ ເຂດດອນຕິ້ວ ແລະເຂດດ່ານຊ້າງ.

– ສຳເລັດການຕິດຕັ້ງລະບົບເວບເຊີເວີ ​ແລະ ​ເຊີ​ເວີ​​ເວ​ບສຳຮອງຂອງກະຊວງ.

– ສຳ​ເລັດ​ການ​ສ້າງ​ເວ​ບ​ໄຊ​ຂອງ​ກະຊວງ (www.most.gov.la).

– ສຳເລັດການຕິດຕັ້ງລະບົບ Mail Server ຂອງກະຊວງ.

– ໄດ້ຄົ້ນຄວ້າ​ໂຄງການສ້າງໂປຼແກຼມຖານ​ຂໍ້​ມູນ​ ການຄົ້ນຄວ້າ​ວິທະຍາສາດ ຮ່ວມ​ກັບ​ ຫ້ອງການ​ສະພາ​ວິທະຍາສາດ​ແຫ່ງ​ຊາດ.

​       – ໄດ້​ຮ່ວມ​ກັບ​ສູນ​ກາງ​ຊາວ​ຫນຸ່ມ​ ປະຊາຊົນປະຕິວັດລາວ ​ເພື່ອ​ຈັດຕັ້ງປະຕິບັດ​ໂຄງການ “ສ້າງຕັ້ງສູນ​ຂໍ້​ມູນ​ຂ່າວສານ ​ແລະ​ໃຫ້​ຄຳ​ປຶກສາ​ດ້ານ​ໄອ​ທີ ສຳລັບ​ຊາວ​ຫນຸ່ມ” ​ໂດຍ​ໄດ້​ມອບ​ໃຫ້​ສະ​ຖາ​ບັນ 3 ຫນ້າ​ວຽກ: ຮ່ວມ​ສຳ​ຫລວດ​ຂໍ້​ມູນ ແລະ​ສ້າງ​ຖານ​ຂໍ້​ມູນ​ຂອງ​ຊາວ​ຫນຸ່ມ, ປັບປຸງ​​ເວ​ບ​ໄຊ​ຂອງ​ຊາວ​ຫນຸ່ມ ແລະຊ່ວຍ​ໃນ​ວຽກ​ງານ​ຝຶກ​ອົບຮົມ​ໄອ​ທີ.

​​       – ໄດ້​ປັບປຸງລະບົບ​ເຄືອ​ຂ່າຍ​ຄອມ​ພິວ​ເຕີ​ ຂອງ​ກະຊວງ​ໃຫມ່ ​​ແລະ ​ຕິດຕັ້ງ​ສັນຍານ​ອິນ​ເຕີ​ເນັດ ​ຂອງ​ກະຊວງ​​​ ​ເປັນສະ​ ເພາະຕ່າງຫາກ ​​ໃນ​ຄວາມ​ໄວ​ 20 Mbps ຈາກ​ໂຄງການ​ສື່ສານ​ຮັບ​ໃຊ້​ການ​ນຳ.

       2.4.2. ວຽກ​ງານ​ຄຸ້ມ​ຄອງ ​ແລະ ສົ່ງ​ເສີມ

– ສຳ​ເລັດ​ການ​ຂື້ນ​ບັນຊີ ​ເຄື່ອງ​ອຸປະ​ກອນ ຂອງສະ​ຖາ​ບັນ ​ແລະ ຮ່ວມ​ກັບ​ຄະນະ​ກຳມະການ​ກວດກາ​ຊັບ​ສິນ​ຂອງ​ກະຊວງ​​ ກຳນົດ​ບັນຊີຊັບ​ສິນ​  ​ແລະ​ກວດກາ​ເຄື່ອງ​ອຸປະກອນ ທີ່​ແຍກ​ອອກ​ຈາກ​ໂຄງການ ​ບໍລິຫານ​ລັດ ດ້ວຍ​ເອ​ເລັກ​ໂຕຼນິກ.

– ໄດ້​ກຳນົດບັນຊີ​ປະ​ເພດ​ທຸລະ​ກິດ​ຄວບ​ຄຸມ ​ຫລື​ທີ່​ຕ້ອງ​ກວດ​ສອບ​ຜ່ານ ກ່ອນ​ຂື້ນ​ທະບຽນວິ​ສາ​ຫະກິດ ຂອງ​ສະ​ຖາ​ບັນ ​ເຕັກ​ໂນ​ໂລ​ຊີ ຄອມ​ພິວ​ເຕີ ​ແລະ ​ເອ​ເລັກ​ໂຕຼນິກ.

– ໄດ້ມອບເຄື່ອງຈັກ ອັດເອກະສານ ຈຳນວນ 1 ເຄື່ອງ ​ໃຫ້ແກ່ກົມຈັດຕັ້ງ ແລະພະນັກງານ.

– ໄດ້​ຈັດ​ກອງ​ປະຊຸມປຶກສາ​ຫາລື​ ທາງ​ດ້ານ​ວິຊາ​ການ​ໄອ​ທີ ຮ່ວມ​ກັບ​ກົ​ມ ​ເຕັກ​ໂນ​ໂລ​ຊີ ຂໍ້​ມູນ​ຂ່າວສານ.

       2.4.3. ວຽກ​ງານ​ສ້າງ ​ແລະ ປັບປຸງ​ນິຕິ​ກຳ

       2.4.4. ວຽກ​ງານ ​ໂຄສະນາ​​ເຜີຍ​ແຜ

– ໄດ້ຕິດຕາມກ່ຽວ​ກັບ​ “ການ​ນຳ​ໃຊ້ Facebook ຂອງ​ກຸ່ມ​ຄົນ​ບໍ່​ດີ ​ເພື່ອ​ຫາ​ວິທີ​ທາງ​ສະກັດ​ກັ້ນ ​ແລະ ​ກວດ​ສອບ​ການ​ນຳ​ໃຊ້​ Facebook ຂອງ​ກຸ່ມ​ຄົນ​ດັ່ງກ່າວ ຮ່ວມ​ກັບກົມ​ໃຫ່ຍ​ເສນາ​ທິການກອງທັບ, ກະຊວງ​ ປ້ອງ​ກັນ​ປະ​ເທດ.

– ໄດ້​ຈັດ​ກອງ​ປະຊຸມ​ສຳ​ມະ​ນາ​ ການ​ສ້າງ​ຄວາມ​ເຂົ້າ​ໃຈ, ຈຸດ​ປະສານ​ງານ ​ແລະ​ ຄະນະ​ຮັບຜິດຊອບ​​ເວ​ບ​ໄຊ​ຂອງ​ກະຊວງ.

– ຈັດ​ຝຶກ​ອົບຮົມ​ດ້ານ​​ເວ​ບ​ໄຊ ​ໃຫ້​ແຕ່​ລະ​ພາກ​ສ່ວນ ​ພາຍ​ໃນກະຊວງ ​ແລະ ພະ​ແນ​ກ ວິທະຍາສາດ ​ແລະ​ເຕັກ​ໂນ​ໂລ​ຊີ ນະຄອນຫລວງ.

​​​       – ໄດ້​ຈັດ​ກອງ​ປະຊຸມປຶກສາ​ຫາລື​ ທາງ​ດ້ານ​ວິຊາ​ການ​ໄອ​ທີ ຮ່ວມ​ກັບ​ກົ​ມ ​ເຕັກ​ໂນ​ໂລ​ຊີ ຂໍ້​ມູນ​ຂ່າວສານ.

– ສຳ​ເລັດ​ການ​ສ້າງປຶ້ມຄູ່​ມືການ​ນຳ​ໃຊ້ ​ໂປຣ​ແກຣມ Microsoft office 2007 (Microsoft Word, Microsoft Excel ​ແລະ Microsoft PowerPoint) ​​ຈຳນວນ 500 ຫົວ.

– ສຳ​ເລັດການ​ສ້າງ​ຄູ່​ມື​ ການຮຽນ​ການ​ສອນ​​ ວິທີ​ການ​ສ້າງ​ເວ​ບ​ໄຊ ດ້ວຍ​ໂປຼ​ແກຼມJoomla ໃນ​ຮູບແບບ ​Multimedia ​ອັດ​ລົງ​ແຜ່ນ DVD ເພື່ອ​ໃຫ້ຜູ້ນຳ​ໃຊ້​ສາມາດ​ຮຽນ​ຮູ້​ດ້ວຍ​ຕົນ​ເອງ​ ​ເພາະ​ມີ​ວິທີການ​ແນະນຳ​​ໃນການ​ນຳ​ໃຊ້​ເປັນ​ຮູບ​ແບບ​ ວິ​ດີ​ໂອ (ມີ​ທັງ​ພາບ ​ແລະ​ສຽງ)​​​. ພ້ອມ​ທັງຄົ້ນຄວ້າ​ສ້າງ​ຄູ່​ມື​ ການຮຽນ​ການ​ສອນ​​ ​ໂປຼ​ແກຼມ ຕ່າງໆ ໃນ​ຮູບແບບ ​Multimedia​​​.

       2.4.5.​ວຽກ​ງານບໍລິການ

– ໃຫ້ບໍ​ລິ​ການ​ລົງ​ທະບຽນ​ລະຫັດຊື່ອີ​ເມ​ວ​: ຊື່@most.gov.la ຂອງ​ກະຊວງໄດ້ຈຳນວນ 200 ຜູ້​ຊົມ​ໃຊ້.

– ໄດ້​ຕິດຕັ້ງລະບົບ​ເຊີ​ເວີຂອງໂປ​ຣ​ແກ​ຣມ ຄຸ້ມ​ຄອງ​ເອກະສານ​ຂາເຂົ້າ-ອອກ ພ້ອມ​ທັງ​ຄົ້ນຄວ້າສ້າງ​ໂປຼ​ແກຼມ ດັ່ງກ່າວໄດ້ທົດລອງນຳໃຊ້ ​ແລະ​ ຝຶກ​ອົບຮົມ​ໃຫ້​ພາກສ່ວນ​ຕ່າງໆ.

– ໄດ້ລົງໄປຊ່ວຍກວດກາ ແລະ ແນະນຳການນຳໃຊ້ໂປຣແກຣມ ຄຸ້ມຄອງການຈຳຫນ່າຍ ຫວຍພັດທະນາ ທຸກປະເພດ (ລະບົບ​ຫວຍ​ທາງ​ໂທລະສັບ​ມື​ຖື​ຜ່ານ​ລະບົບ​ຂໍ້ຄວາມ​ສັ້ນ SMS ​ແລະ​ຫວຍ​ໂລ​ໂຕ​ອອນ​ລາຍ) ໃຫ້ບໍລິສັດລັດວິສາຫະກິດຫວຍພັດທະນາ.

– ພະນັກງານຂອງສະ​ຖາ​ບັນ 1 ຄົນ ​ໄດ້​ສຳ​ເລັດ​ການເຂົ້າຊ່ວຍ​ຮັບ​ໃຊ້​ດ້ານ ​ໄອ​ທີ ​ໃນ​ງານ​ມະຫາ​ກຳ​ກິລາມະຫາ ວິທະຍາ​ໄລ​ອາ​ຊຽນ ຄັ້ງທີ 16 (​​ໂດຍໄປ​ຄວບ​ຄຸ​ມ​ເຊີ​ເວີ ​ໂປຼ​ແກຼມການ​ແຂ່ງຂັນ ຂອງ 2 ປະ​ເພດ​ກິລາ ຄື: ກິລາ​ດອກ​ປີກ​ໄກ່ ​ແລະ​ກິລາ​ບານສົ່ງ).

– ບໍລິການຕິດຕັ້ງສ້ອມ​ແປງ ແກ້​ໄຂ​ບັນຫາ​ ຕ່າງ​ໆ​ ຂອງ​ເຄື່ອງ​ຄອມ​ພິວ​ເຕີ​ ໃຫ້ກັບ​ບັນດາຫ້ອງການ, ກົມ, ສະ​ຖາ​ບັນ, ພາຍ​ໃນ​ກະຊວງ ພ້ອມ​ທັງ​ສ້ອມ​ແປງ​ເຄື່ອງ​ທີ່​ເປ່​​ເພ ສົ່ງ​ມາ​ຈາກ​ຕ່າງ​ແຂວງ ​ແລະ​ຊ່ວຍ​ຫ້ອງການ​ກວດສອບເຄື່ອງອຸປະ​ກອນ ​ທີ່​ໄດ້​ຮັບ​ໃຫມ່.

       2.4.6. ວຽກ​ງານ​ຮ່ວມ​ມື​ຕ່າງ​ປະ​ເທດ ​ແລະ ຮ່ວມ​ມື​ພາຍ​ໃນ

– ຄົ້ນຄວ້າ ໂຄງການ​ ສ້າງ​ສູນຖານ​ຂໍ້​ມູນ​ວິທະຍາສາດ ແລະ​ເຕັກ​ໂນ​ໂລ​ຊີ ​ແຫ່ງ​ຊາດລາວ  ຮ່ວມ​ກັບ​ບໍລິສັດ​ Huawei, ​ໂດຍ​ສຶກສາ​ຄວາມ​ຈຳ​ເປັນ, ຄວາມ​ຕ້ອງການ, ລົງ​ສຳ​ຫຼວດພື້ນ​ທີ່​ອອກ​​ແບບ​ລະບົບ, ສຶກສາ BoQ, ຮ່າງ​ສັນຍາ ​ແລະ ​ ໄດ້ໄປ​ທັດສະນະ​ສຶກສາ​ ຢູ່​ ບໍລິສັດ Huawei ​ ສປ ຈີນ.

– ຄະນະນຳຂອງສະຖາບັນ ​​ແລະ​ວິຊາ​ການ ໄດ້ໄປເຄື່ອນໄຫວວຽກງານ ຮ່ວມກັບການນຳຂອງກະຊວງ ແລະ ກົມເຕັກໂນໂລຊີ ຂໍ້ມູນຂ່າວສານ ເ​ພື່ອຜັນ​ຂະຫຍາຍ​ວຽກ​ງານ​ຮ່ວມ​ມື​ກັບ ​ກະຊວງ ວິທະຍາສາດ ​ແລະ​ເຕັກ​ໂນ​ໂລ​ຊີ ຂອງ ສສ ຫວຽດນາມ ດ້ານ ​​ໄອ​ທີ ທີ່ ສສ ຫວຽດນາມ.

– ຄະນະນຳຂອງສະຖາບັນໄດ້ໄປເຄື່ອນໄຫວວຽກງານ ຮ່ວມກັບການນຳຂອງກະຊວງ ເ​ພື່ອຜັນ​ຂະຫຍາຍ​ວຽກ​ງານ​ຮ່ວມ​ມື​ກັບ ສະພາ​ບັນດິດ​ວິທະຍາສາດ ​ແລະ​ເຕັກ​ໂນ​ໂລ​ຊີ ຂອງ ສສ ຫວຽດນາມ ທີ່ ສສ ຫວຽດນາມ.

– ຄະນະ​ນຳ​ຂອງ​ສະ​ຖາ​ບັນ​ໄດ້​ເຂົ້າຮ່ວມ​ກອງ​ປະຊຸມອາຊຽນ COST (ອະນຸ​ກຳມະການ​ໄມ​ໂຄຣ​ເອ​ເລັກ​ໂຕຣນິກ ​ແລະ​ເຕັກ​ໂນ​ໂລ​ຊີ ຂໍ້​ມູນ​ຂ່າວສານ)​ ຄັ້ງທີ 63 ທີ່​ປະ​ເທດ​ມຽນມາ.

– ຄົ້ນຄວ້າໂຄງການ ຂອງອາຊຽນ ກ່ຽວກັບລະບົບການແປພາສາ ໃນເຄື່ອງຄອມພິວເຕີ ​(Network-based ASEAN Languages Translation Public Service Project) ​​ ຮ່ວມກັບ NECTEC ປະເທດໄທ, ຊຶ່ງປະຈຸ​ບັນ​ແມ່ນ​ໄດ້​ກະກຽມ ສ້າງ​ທີ​ມງານ​ ວິຊາ​ການ ​ແລະ ​ໄດ້​ສົ່ງ​ນັກວິຊາການ​ຄົ້ນຄ້ວາ​​ໄປ​ຮ່ວມ​ຝຶກ​ອົບຮົມ ຢູ່​ທີ່ ປະ​ເທດ​ໄທ, ​ໄດ້​ສ້າງແຜນການ​ຈັດຕັ້ງປະຕິບັດ​ໂຄງການ ​ໄລຍະ​ທີ 1 ​ແລະ ກະກຽມ​ການຈັດ​ຝຶກ​ອົບຮົມ​ໃຫ້​ແກ່​ທີ​ມງານ

– ຄົ້ນຄ້ວາໂຄງການລະບົບ​​​ໂປຼ​ແກຼມ​ເປີດ (Establishment of ASEAN open Source Software Resource Portal Project) ຮ່ວມກັບ NECTEC ປະເທດໄທ.

– ຄົ້ນຄ້ວາ​ໂຄງການ​ນຳ​ໃຊ້​ລະບົບ​ໄອ​ທີ ​ເຂົ້າ​ໃນ​ການ​ຄຸ້ມ​ຄອງ​ພາຫາ​ນະ ຢູ່ ສປປ ລາວ ຮ່ວມ​ກັບບໍລິສັດ ນໍ​​ແທັກ ປະ​ເທດ​ກາ​ນາ​ດາ

– ຄົ້ນຄ້ວາ​ ບັນດາໂຄງການ​ຮ່ວມ​ມື ລາວຫວຽດ, ​ໂຄງການ​ຮ່ວມ​ມື​ລາວຈີນ, ​ໂຄງການ​ຮ່ວມ​ມື ລາວ-​ເກົາຫຼີ​     ເໜືອ, ໂຄງການ​ຮ່ວມ​ມື​ລາວມະ​ເລ​ເຊັຍ ທີ່​ກ່ຽວ​ພັນ​ກັບ​ການຄົ້ນຄ້ວາ ​ແລະ ພັດທະນາ​ດ້ານ IT

2.4.7. ວຽກ​ງານ​ລົງທຶນ (ການ​ລົງທຶນ​ຂອງ​ລັດ, ລົງທຶນ​ຕ່າງປະ​ເທດ ​ແລະ ລົງທຶນ​ພາຍ​ໃນ)

2.5     ການຈັດຕັ້ງຜັນ​ຂະຫຍາຍ​ວຽກ​ງານ 3 ສ້າງ :

– ໄດ້ລົງ​ເຮັດ​ວຽກ ກັບ​ພະ​ແນ​ກວິທະຍາສາດ ​ແລະ​ເຕັກ​ໂນ​ໂລ​ຊີ ນະຄອນຫລວງ ກ່ຽວ​ກັບ​ວຽກ​ງານ ​ເຕັກ​ໂນ​ໂລ​ຊີ ຄອມ​ພິວ​ເຕີ ​ແລະ​ເອ​ເລັກ​ໂຕຼນິກ ​ແລະ​ໄດ້​ເຊັນຮ່າງ​ບົດ​ບັນທຶກ​ຮ່ວມ​ກັນ ພ້ອມ​ທັງ​ປຶກສາ​ຫາລື ກ່ຽວ​ກັບ​ວຽກ​ງານ 3 ສ້າງ ​ແລະ​ ​ການ​ສ້າງ​ຖານ​ຂໍ້​ມູນ​ ຂອງພະ​ແນ​ກການ​ເງິນ​ນະຄອນຫລວງ​ວຽງ​ຈັນ ​​ໃຫ້​ 9 ຕົວ​ເມືອງ​ໃນ​ນະຄອນຫລວງ​ວຽງ​ຈັນ.

– ໄດ້​ປະສານ​ງານ​ຂື້ນ​ທະບຽນ​ລະຫັດ​ຊື່ການ​ນຳ​ໃຊ້​​ໂປຼ​ແກຼມຮັບ-ສົ່ງ​ເອກະສານ (RTX) ໃຫ້​ພະ​ແນ​ກ ວິທະຍາສາດ ​ແລະ​ເຕັກ​ໂນ​ໂລ​ຊີ ​ແຂວງ​ຈຳປາ​ສັກ 7 ຊື່​ນຳ​ໃຊ້ ​ແລະ​ໃຫ້ບັນດາ​ກົມ​ ແລະ ສະ​ຖາ​ບັນພາຍ​ໃນ​ກະຊວງ 11 ຊື່​ນຳ​ໃຊ້​.

​       – ສຳ​ເລັດ​ການຈັດ​ຝຶກ​ອົບຮົມ ​ໂປຼ​ແກຼມ​ເກັບ​ກຳເອກະສານ ຂາ​ເຂົ້າ-ຂາອອກ ​ໃຫ້​ພະ​ແນ​ກວິທະຍາສາດ ​ແລະ​ເຕັກ​ໂນ​ໂລ​ຊີ ນະຄອນຫລວງ, ຫ້ອງການ​ເມືອງ ສີ​ສັດຕະ​ນາກ, ​ເມືອງຈັນທະ​ບູລີ ​ແລະ​​ເມືອງໄຊ​ທານີ, ກົມ​ເຕັກໂນໂລຊີ  ຂໍ້ມູນຂ່າວສານ ແລະຫ້ອງການ​ສະພາ​ວິທະຍາສາດ​ແຫ່ງ​ຊາດ.

​       – ໄດ້​ຮັບ​ເອົາ​ວິຊາ​ການ​ຂອງ​ພະ​ແນ​ກວິທະຍາສາດ ແລະ​ເຕັກ​ໂນ​ໂລ​ຊີ​ແຂວງ​ຫລວງ​ນ້ຳທາ ຈຳນວນ 1 ຄົນ ​ເຂົ້າມາ​ຝຶກ​ອົບຮົມ​ ຍົກ​ລະດັບວຽກ​ງານ​ດ້ານ​ໄອ​ທີຕົວ​ຈິງ​ ຢູ່​ກັບ​ສະ​ຖາ​ບັນ ​ເປັນ​ເວລາ 1 ​ເດືອນ.

– ຄົ້ນຄວ້າ​ ສ້າງ​​ໂປຣ​ແກຣມຖານ​ຂໍ້​ມູນ​ຂອງ​ບ້ານ (​ເກັບ​ກຳ​ປື້​ມສຳມະ​ໂນ​ຄົວ, ​ໃບຢັ້ງຢືນ​ທີ່ຢູ່ ​ແລະ​ອື່ນໆ) ເພື່ອ​ປະກອບ​ໃຫ້​ຫ້ອງການ​ບ້ານ.

2.6. ວຽກ​ງານ​ທ້ອງ​ຖີ່​ນ :

– ສຳ​ເລັດ​ການຈັດ​ຝຶກ​ອົບຮົມ​ກ່ຽວກັບການນຳໃຊ້​ໂປຼ​ແກຼມ Microsoft office Visio, ການຕິດຕັ້ງ ລະບົບປະຕິບັດການ Windows ແລະ ລະບົບປ້ອງກັນໄວຣັສ ​ໃຫ້​ແກ່​ພະນັກງານ​ຂອງ​ພະ​ແນ​ກ ວິທະຍາສາດ ​ແລະ​ເຕັກ​ໂນ​ໂລ​ຊີ ​ແຂວງ​ຜົ້ງສາລີ, ພະແນກ ວິທະຍາສາດ ແລະ ເຕັກໂນໂລຊີ ນະຄອນຫຼວງວຽງຈັນ, ພະນັກງານ​ຫ້ອງການ​ເມືອງ​ຈັນທະ​ບູລີ, ພະນັກງານ​ຫ້ອງການ​ເມືອງສີ​ສັດຕະ​ນາກ, ຫ້ອງການສະພາວິທະຍາສາດແຫ່ງຊາດ ​ແລະກົມ​ເຕັກ​ໂນ​ໂລຊີ ຂໍ້ມູນຂ່າວສານ​.

– ໄດ້​ມອບ​ປື້​ມຄູ່​ມື ການ​ນຳ​ໃຊ້ ​ໂປຣ​ແກຣມ Microsoft office 2007 (Microsoft Word, Microsoft Excel ​ແລະ Microsoft PowerPoint) ​ ຈຳນວນ 15 ຫົວ ໃຫ້ພະ​ແນ​ກວິທະຍາສາດ ​ແລະ​ເຕັກ​ໂນ​ໂລ​ຊີ ​ແຂວງຫົວພັນ.

– ໄດ້​ສົ່ງ​ວິທະຍາກ​ອນຂອງ​ສະ​ຖາ​ບັນ​ ຈຳນວນ 1 ຄົນ ໄປ​ຝຶກ​ອົບຮົມ​ດ້ານ​ໄອ​ທີ ​ໃຫ້​ຊາວ​ຫນຸ່ມ​​ເມືອງກັວນ, ເມືອງວຽງໄຊ ແລະເມືອງຊຳເຫນືອ ​​ແຂວງ​ຫົວພັນ ​ຈຳນວນ 1 ຄັ້ງ.

– ໄດ້​ຂື້ນ​ທະບຽນ​ລະຫັດ​ຊື່​ການ​ນຳ​ໃຊ້ e-mail ​ໃຫ້​ພະນັກງານ​ພະ​ແນ​ກວິທະຍາສາດ ​ແລະ​ເຕັກ​ໂນ​ໂລ​ຊີ ​ແຂວງ​ຜົ້ງສາລີ 19 ຊື່​ຜູ້​​ໃຊ້, ​ເມືອງ​ບຸນ​ເຫນືອ 3 ຊື່​ຜູ້​​ໃຊ້, ​ເມືອງ​ບຸນ​​ໃຕ້ 2 ຊື່​ຜູ້​​ໃຊ້, ​ເມືອງ​ສຳພັນ 1 ຊື່​ຜູ້​​ໃຊ້, ​ເມືອງ​​ໃຫມ່ 3 ຊື່​ຜູ້​​ໃຊ້, ​ເມືອງ​ຂວາ 2 ຊື່​ຜູ້​ໃຊ້ ​ແລະ​ເມືອງ​ຍອດ​ອູ 4 ຊື່​ຜູ້​ໃຊ້.

2.7. ວຽກງານ​ໂຄງການ​ລົງທຶນ​ຂອງ​ລັດ (ພາກ 17)

ຮ່ວມ​ກັບ​ຫ້ອງການ​ ເພື່ອຈັດຕັ້ງປະຕິບັດ​ໂຄງການ​ ຫັນ​ຫ້ອງການ​ເປັນ​ທັນ​ສະ​ໄຫມ ​ຊຶ່ງທາງ​ຫ້ອງການ​​ໄດ້​ສັ່ງ​ຊື້​ເຄື່ອງ​ອຸປະກອນ​ເພື່ອ​ມາ​ຈັດຕັ້ງປະຕິບັດ​ໂຄງການ.

3. ຕີ​ລາຄາສະພາບການຈັດຕັ້ງ​ປະຕິບັດ​ວຽກ​ງານ

3.1. ຈຸດ​ດີ ​ແລະ ຜົນງານ:

* ດ້ານ​ດີ:

– ຍ້ອນ​ມີ​ການ​ຊີ້​ນຳ​ ນໍາພາ​ຢ່າງ​ໃກ້ຊິດ​ຂອງ​ຄະນະ​ນຳ​ກະຊວງ.

– ຍ້ອນ​ມີ​ການຈັດຕັ້ງນຳ​ພາ​ ​ແລະ​ ມີ​ແບບ​ແຜນ​ວິທີ​ເຮັດ​ວຽກ, ການຕິດຕາມ​ກວດກາ ​ແລະ ປະ​ເມີນ​ຜົນ

– ຍ້ອນ​ພະນັກງານ​ ມີ​ຄວາມ​ອຸ່ນ​ອ່ຽນ​ທຸ່ນ​ທ່ຽງ ​ແລະ​ ເສຍສະຫລະ​ສູງ, ມີ​ຄວາມ​ສາມັກຄີ, ມີນ້ຳ​ໃຈ​ເອື້ອ​ເຟື້ອ​ເພື່ອ​ແຜ່ ຊ່ວຍ​ເຫລືອ​ຊຶ່ງ​ກັນ ​ແລະ​ກັນ ຮ່ວມກັນ​ເຮັດ​ວຽກ​ເປັນ​ທີ​ມງານ, ປະຕິບັດການ​ເຮັດວຽກ​ແບບ​ລວມສູນ ​ປະຊາທິ ປະ​ໄຕ ​ເພື່ອ​ເຮັດ​ໃຫ້​ວຽກງານ​ດຳ​ເນີນໄປ​ໄດ້​ດີ ​.

– ຍ້ອນມີ​ສະຖານ​ທີ່​ຫ້ອງການ ອຳນວຍ​ຄວາມ​ສະດວກ​ໃນ​ການ​ເຮັດ​ວຽກ, ມີ​ອຸປະກອນ ​​ແລະ ​ເຄື່ອງຮັບ​ໃຊ້​, ມີລະບົບ​ເຄືອ​ຂ່າຍ​ອິນ​ເຕີ​ແນັດ​ ເຂົ້າມາ​ນຳ​ໃຊ້​ໃນ​ການ​ສື່ສານ ​ແລະ ​ເພື່ອຊອກ​ຫາ​ຂໍ້​ມູນ

3.2 ຈຸດອ່ອນ ​ແລະ ຂໍ້ຄົງຄ້າງ:

– ພະນັກງານ​ວິ​ຊາ​ການ ​ດ້ານ​ວຽກ​ງານ​ວິຊາ​ສະ​ເພາະ​ ທີ່ຕ້ອງການຍັງ​ມີ​ຈຳນວນຫນ້ອຍ​ບໍ່​ພຽງພໍ ​ແລະ​ ຄວາມ​ຮູ້​ດ້ານ​ວິຊາ​ສະ​ເພາະ​ຍັງ​ຈຳກັດ, ສ່ວນຫຼາຍ​ແມ່ນ​ພະນັກງານ​ໜຸ່ມ​ນ້ອຍ ທີ່​ຮຽນ​ຈົບ​ວິຊາ​ສະ​ເພາະ​ມາ​ໃໝ່

– ຍັງ​ຂາດ​ເຂີນ​ອຸປະກອນ​​ເຄື່ອງມື ​ແລະ ຊອບ​ແວໃນ​ການຄົ້ນຄວ້າ​ທົດ​ລອງ.

– ຍັງ​ມີ​ພະນັກງານ​ບາງ​ຄົນ​ຍັງ​ປະຕິບັດ​ໂມງ​ການ​ບໍ່ທັນ​​ເຂັ້ມງວດ ​ແລະ​ໄດ້​ດີ​ເທົ່າ​ທີ່​ຄວນ.

– ການ​ໃຫ້​ບໍລິການ​ລະບົບ​ເຄືອ​ຂ່າຍ​ອິນ​ເຕີ​ເນັດ​ ໃຫ້​ພາກສ່ວນ​ຕ່າງໆ​ພາຍ​ໃນ​ກະຊວງ ​ແມ່ນ​ຍັງ​ມີ​ບັນຫາ ​ເນື່ອງຈາກ ສັນຍານ​ອິນ​ເຕີ​ເນັດ ທີ່​ມາຈາກ​ສູນ​ບໍລິຫານ​ລັດ​ ດ້ວຍ​ເອ​ເລັກ​ໂຕຼນິກມີ​ບັນຫາ​ຂັດຂ້ອງ.

3.3. ບົດຮຽນທີ່ຖອດຖອນໄດ້

ການຖອດ​ຖອນ​ບົດຮຽນ ຈາກ​ການ​ເຄື່ອນ​ໄຫວ​ວຽກ​ງານ​ຕົວ​ຈິງ​ມີ​ດັ່ງ​ນີ້:

– ດ້ານຜົນສຳ​ເລັດ, ທາງການ​ນຳ​ຂອງ​ກະຊວງ​ໄດ້​ໃຫ້​ຄວາມ​ສຳຄັນ ​ໃນ​ວຽກງານການຄົ້ນຄ້ວາ ​ແລະ ພັດທະນາ ດ້ານ​ເຕັກ​ໂນ​ໂລ​ຊີ ຄອມ​ພີ​ວ​ເຕີ ​ແລະ ​ເອ​ເລັກ​ໂຕຼນິກ ​ໂດຍ​ສະ​ເພາະ​ແມ່ນ​ການ​ນຳ​ເອົາ​ເຕັກ​ໂນ​ໂລ​ຊີ​ໃໝ່​ເຂົ້າມາ​ຮັບ​ໃຊ້​ໃນ​ວຽກ​ງານ ​ແລະ ​ເພື່ອການ​ຫັນ​ເປັນ​ອຸດ​ສະຫະ​ກຳ​ທັນ​ສະ​ໄໝ ​ໂດຍ​ມີ​ແຜນ​ຍຸດ​ທະ​ສາດ, ມີ​ແນວທາງ​ນະ​ໂຍບາຍ ​ເປັນ​ບ່ອນ​ອີງ​ໃນ​ການ​ເຄື່ອນ​ໄຫວ​ວຽກ​ງານ​

– ບັນຫາທີ່​ຕ້ອງ​ໄດ້​ປັບປຸງ​ແກ້​ໄຂ ທີ່​ຕ້ອງ​ໄດ້​ຈັດຕັ້ງປະຕິບັດ ຄື​ກາ​ນ​ພັດທະນາ​ຊັບພະຍາກອນ​ມະນຸດ, ການວາ​ງນະ​ໂຍບາຍ ລະບຽບ​ແບບ​ແຜນ​ໃນ​ການ​ເຮັດ​ວຽກ​ ໃຫ້​ມີ​ປະສິດທິ​ຜົນ​ ແລະ​ວ່ອງ​ໄວ, ການ​ຕິດຕາມ​ກວດກາ​ຢ່າ​ງ ເປັນ​ປະຈຳ, ການ​ປະ​ເມີນ​ຜົນໜ້າ​ວຽກ ​​ໃນ​ການຈັດຕັ້ງປະຕິບັດ​ໃນ​ແຕ່ລະ​ໄລຍະ, ການ​ສ້າງ​ແຜນ​ການທີ່ຄຽງຄູ່​ກັບການ ນໍາ​ໃຊ້​ງົບປະມານ, ການຄຸ້ມ​ຄອງລະບົບບັນຊີ-ການ​ເງິນ ຢ່າງລະອຽດ​ ແລະ ຖຶກຕ້ອງຕາ​ມ​ລະບຽບ

4. ທິດທາງ​ແຜນພັດທະນາ​ເສດຖະກິດ-ສັງຄົມ 6 ​ເດືອນ​ທ້າຍ​ສົກປີ (2012-2013)

4.1 ບ່ອນອີງ

– ອີງຕາມ ດຳລັດ ວ່າ​ດ້ວຍ​ການຈັດຕັ້ງປະຕິບັດ ​ແຜນ​ພັດທະນາ​ເສດຖະກິດສັງຄົມ ​ແລະ ​ແຜນ​ງົບປະມານ​ແຫ່ງ​ລັດ ສົກ​ປີ 2012-2013, ສະບັບ​ເລກທີ 398/ນຍ, ນະຄອນຫລວງ​ວຽງ​ຈັນ ລົງ​ວັນ​ທີ 12 ກັນຍາ 2012

– ອີງຕາມບົດແນະນຳ ຂອງ​ລັດຖະມົນຕີ​ວ່າການ ກະຊວງ​ແຜນການ ​ແລະ ການ​ລົງທຶນ ສະບັບເລກທີ 2525/ຜທ, ລົງວັນທີ 14 ກັນຍາ 2012 ກ່ຽວກັບ ການຈັດຕັ້ງແຜນພັດທະນາ ເສດຖະກິດສັງຄົມສົກປີ 2012-2013 ​ແລະ ການ​ກະກຽມ​ສ້າງ​ແຜນການ ສົກ​ປີ 2013-2014.

– ອີງ​ຕາມ ​ແຜນ​ພັດທະນາ​ເສດຖະກິດ-ສັງຄົມ 5 ປີ ຄັ້ງທີ VII (2011-2015) ຂອງ​ອົງການ​ວິທະຍາສາດ ​ແລະ ​ເຕັກ​ໂນ​ໂລ​ຊີ ​ແຫ່ງ​ຊາດ, ສະບັບ​ເລກທີ 1866/ອວຕຊ-ສນຍ, ລົງ​ວັນ​ທີ 05 ພະຈິກ 2009.

– ອີງ​ຕາມ​ ການ​ເຄື່ອນ​ໄຫວ​ວຽກ​ງານ​ຕົວ​ຈິງ ​ແລະ​ ​ແຜນພັດທະນາ​ເສດຖະກິດ-ສັງຄົມ ຂອງ​ສະ​ຖາ​ບັນ​ເຕັກ​ໂນ​ໂລ​ຊີ ຄອມພິວ​ເຕີ ​ແລະ ​ເອ​ເລັກ​ໂຕຼນິກ ສົກ​ປີ 2012-2013.

4.2  ຈຸດໝາຍລວມ

ຄົ້ນຄ້ວາທົດລອງ ແລະ ພັດທະນາເຄື່ອງຄອມພີເຕີ, ເອເລັກໂຕຼນິກ ແລະ ລະບົບອັດຕະໂນມັດ ທີ່ເປັນມິດກັບສິ່ງແວດລ້ອມ ແລະ ພະລັງງານເພື່ອມາຮັບໃຊ້ການພັດທະນາເສດຖະກິດສັງຄົມ

ເຮັດ​ການຄົ້ນຄ້ວາ ​ແລະ ພັດທະນາ​ເຕັກ​ໂນ​ໂລ​ຊີ ຂໍ້​ມູນ​ຂ່າວສານ ມີ​ຄວາມ​ເຂັ້ມ​ແຂງ ​ເພື່ອ​ກາຍ​ເປັນ​ສູນ​ກາງ ທີ່ດີ​ເລີດ ພາຍ​ໃນ ສປປ ລາວ ​ແລະ ສາມາດ​ເຊື່ອມ​ໂຍງ​ກັບ​ພາກ​ພື້ນ ​ແລະ ສາກົນ.

4.3  ຄາດໝາຍ​ສູ້​ຊົນ:

ຕ້ອງ​ດຳ​ເນີນ​ການຈັດຕັ້ງປະຕິບັດ​ໜ້າ​ທີ່​ວຽກ​ງານ ທີ່​ຖືກ​ມອບ​ໝາຍ​ໃຫ້​ສຳ​ເລັດ ​ຕາມ​​ແຜນການ​ທີ່​ໄດ້​ກຳນົດ​ໄວ້ ​ໃນ​ແຕ່ລະ​ໜ້າ​ວຽກ​ເຊັ່ນ:

       – ວຽກ​ຄົ້ນຄ້ວາ​ແລະ ພັດທະນາ​​ໂປຼ​ແກຼຣມ

       – ວຽກບໍລິການ ​ແລະ ຖ່າຍ​ທອດ​ເຕັກ​ໂນ​ໂລ​ຊີ ຂໍ້​ມູນ​ຂ່າວສານ

       – ວຽກ​ຕິດຕັ້ງສ້ອມ​ແປງ​ເຄື່ອງອຸປະກອນ​ຄອມ​ພີ​ວ​ເຕີ​ທີ່​ເປ່​ເພ

       – ວຽກ​ຄົ້ນຄ້ວາ ລະບົບ​ອັດ​ຕະ​ໂນ​ມັດ ​ເພື່ອ​ນຳ​ໃຊ້​ເຂົ້າ​ໃນ​ກາ​ນພັດທະນາ ອຸດ​ສະຫະ​ກຳ ​ແລະ ທັນ​ສະ​​​ໄໝ

       – ວຽກຕິດຕັ້ງ ​ແລະ ປັບປຸງລະບົບ​ເຄືອ​ຂ່າຍ

       – ວຽກ​ການ​ຮ່ວມ​ມື​ດ້ານ​ເຕັກ​ໂນ​ໂລ​ຊີ ຄອມ​ພີ​ວ​ເຕີ ​ແລະ​ເອ​ເລັກ​ໂຕຼນິກ

4.4 ວຽກງານ​ຈຸດ​ສຸມ

– ການຈັດ​ຝຶກ​ອົບຮົມ ​ເພື່ອພັດທະນາ ຊັບພະຍາກອນ​ມະນຸດ

– ການຄົ້ນຄ້ວາ ​ແລະ ພັດທະນາ​ຊອບ​ແວ

– ຄົ້ນຄວ້າ ​ແລະ​ພັດທະນາ ​​ລະບົບພາສາລາວ ​ໃນ​ເຄື່ອງຄອມພິວເຕີ ​ແລະ​ເອ​ເລັກ​ໂຕຼນິກ.

– ຄົ້ນຄວ້າ, ປັບປຸງ ລະບົບເຄືອຂ່າຍການເຊື່ອມຕໍ່ຄື້ນສັນຍານ ແບບບໍ່ມີສາຍທີ່​ທັນ​ສະ​ໄໝ​ດ້ວຍ​ລະບົບ WiFi ​ແລະ ລະ​ບົບ Wimax ເພື່ອ​ໃຫ້​ສາມາດ​ ຮັບ-ສົ່ງ​ ສັນຍານ​ໄດ້​ໄລຍະ​ໄກ ​ແລະ​ມີ​ຄວາມ​ໄວ​ສູງ ເພື່ອຂະຫຍາຍ ເຄືອຂ່າຍ ວິທະຍາສາດ ແລະເຕັກໂນໂລຊີ ລົງສູ່ຊຸມຊົນ.

– ລົງ​ສຳ​ຫລວດເກັບກຳຂໍ້​ມູນ ກ່ຽວ​ກັບ ການ​ນຳ​ໃຊ້​ສູນບໍລິການ​ຂໍ້​ມູນ​ຂ່າວສານ​ຊຸມ​ຊົນ​ ແບບ​ເອ​ເລັກ​ໂຕຼນິກ (Tele Center) 10​ ແຫ່ງ ທີ່​ທາງ​ສະ​ຖາ​ບັນ ​ເຕັກ​ໂນ​ໂລ​ຊີຄອມ​ພີ​ວ​ເຕີ ​ແລະ ​ເອ​ເລັກ​ໂຕຼນິກ ​​​ໄດ້ດຳ​​ເນີນ​ການ​ສ້າງ, ສົ່ງ​ເສີມ ​ແລະ ພັດທະນາ ຢູ່​ໃນ​ບັນດາ​ເຂດ​ແຂວງ​ໃນ​ໄລຍະ​ຜ່ານ​ມາ ​ເພື່ອ ຈະ​ໄດ້ນຳ​ເອົາ​ຂໍ້​ມູນ ດັ່ງກ່າວ ​ທີ່​ໄດ້ມາ​ເຮັດ​ການກຳນົດ​ຈຸດ​ສຸມ ​ແຜນກາ​ນພັດທະນາ​ໃນຕໍ່ໜ້າ

– ສຶກສາຄົ້ນຄ້ວາ​ ເຕັກ​ໂນ​ໂລ​ຊີ​ຄອມ​ພີ​ວ​ເຕີຍຸກ​ໃໝ່, ສ້າງ​ລະບົບ​ປ້ອງ​ກັນ​ຄວາມ​ປອດ​ໄພ​ ໃນ​ລະບົບ​ເຄືອ​ຂ່າຍ ສື່ສານ​ຂໍ້​ມູນ​ຂ່າວສານ ​ເພື່ອ​ນຳ​ໃຊ້​ເຂົ້າ​ໃນ​ວຽກງານ ການ​ສຶກສາຄົ້ນຄ້ວາ, ພັດທະນາ ​ລະບົບຖານຂໍ້​ມູນ

– ສຶກສາຄົ້ນຄ້ວາໂຄງການ ຂອງອາຊຽນ ກ່ຽວກັບ ລະບົບການແປພາສາ ໃນເຄື່ອງຄອມພິວເຕີ ​(Network-based ASEAN Languages Translation Public Service Project) ​​ ​ແລະ ຄົ້ນຄ້ວາໂຄງການລະບົບ​​​ໂປຼ​ແກຼມ​ເປີດ (Establishment of ASEAN open Source Software Resource Portal Project) ຮ່ວມກັບ NECTEC ປະເທດໄທ ​ແລະ ປະ​ເທດ​ຫວຽດນາມ.

– ຄົ້ນຄວ້າ ໂຄງການ​ ສ້າງ​ສູນຖານ​ຂໍ້​ມູນ​ວິທະຍາສາດ ແລະ​ເຕັກ​ໂນ​ໂລ​ຊີ ​ແຫ່ງ​ຊາດລາວ  ຮ່ວມ​ກັບ​ບໍລິສັດ​ Huawei

– ຄົ້ນຄ້ວາ​ໂຄງການ ນຳ​ໃຊ້​ລະບົບ​ໄອ​ທີ ​ເຂົ້າ​ໃນ​ການ​ຄຸ້ມ​ຄອງ​ພາຫາ​ນະ ຢູ່ ສປປ ລາວ ຮ່ວມ​ກັບບໍລິສັດ ນໍ​​ແທັກ ປະ​ເທດ​ກາ​ນາ​ດາ

– ຄົ້ນຄ້ວາ​ ບັນດາໂຄງການ​ຮ່ວມ​ມື ລາວຫວຽດ, ​ໂຄງການ​ຮ່ວມ​ມື​ລາວຈີນ, ​ໂຄງການ​ຮ່ວມ​ມື ລາວ-​ເກົາຫຼີ​     ເໜືອ, ໂຄງການ​ຮ່ວມ​ມື​ລາວມະ​ເລ​ເຊັຍ ທີ່​ກ່ຽວ​ພັນ​ກັບ​ການຄົ້ນຄ້ວາ ​ແລະ ພັດທະນາ​ດ້ານ IT

– ການເຜີຍ​ແຜ່ ​ແລະ ຖ່າຍ​ທອດ​ເຕັກ​ໂນ​ໂລ​ຊີ ຂໍ້​ມູນ​ຂ່າວສານອອກ​ສູ່​ສັງຄົມ

       4.4.1 ວຽກງານການເມືອງແນວຄິດ

– ສືບຕໍ່ເອົາໃຈໃສ່ຄົ້ນຄວ້າເຊື່ອມຊືມມະຕິກອງປະຊຸມໃຫຍ່ຄັ້ງທີ IX ຂອງພັກ, ສຸກຍູ້​ການຈັດຕັ້ງປະຕິບັດ ມະຕິ 03/ກມສພ ກ່ຽວ​ກັບ​ວຽກ​ງານ 3 ສ້າງ (ສ້າງ​ແຂວງ​ເປັນ​ຫົວຫນ່ວຍ​ຍຸດ​ທະ​ສາດ, ສ້າງ​ເມືອງ​ເປັນ​ຫົວຫນ່ວຍ​ເຂັ້ມ​ແຂງ​ຮອບດ້ານ ​ແລະ ສ້າງ​ບ້ານ​ເປັນ​ຫົວຫນ່ວຍ​ພັດທະນາ) ແລະນຳມາຜັນຂະຫຍາຍ ເຂົ້າໃນວຽກງານ ຂອງຕົນ ​ແລະ ສືບຕໍ່ເອົາໃຈໃສ່ນຳພາ ທາງດ້ານແນວຄິດການເມືອງ ຂອງພະນັກງານໃຫ້ອຸ່ນອ່ຽນທຸ່ນທ່ຽງ ຕັ້ງຫນ້າປະຕິບັດ ຫນ້າທີ່ວຽກງານ ຂອງສະຖາບັນ ຢ່າງເປັນປົກກະຕິ.

– ປຸກລະດົມພະນັກງານພາຍໃນສະຖາບັນ ໃຫ້ມີຄວາມສາມັກຄີ, ມີ​ສະຕິຄວາມຮັບຜິດຊອບຕໍ່ວຽກງານ ຢ່າງຫ້າວ ຫັນ ແລະເປັນແບບຢ່າງ ເພື່ອກາຍເປັນມະຫາຊົນ ທີ່ກ້າວໜ້າ ​ແລະ ​ກໍ່ສ້າງ​ໃຫ້ເປັນ​​ພະນັກງານ​ຫຼັກ​ແຫຼ່ງ ​ເພື່ອ​ກ້າວ​ເຂົ້າ​ເປັນຊະ​ມາ​ຊິກ​ພັກ.

       4.4.2 ວຽກຈັດຕັ້ງພະນັກງານ ​ແລະ ພັດທະນາ​ຊັບພະຍາກອນ​ມະນຸດ

– ສືບ​ຕໍ່ປັບປຸງ​ ​ແລະ ​ຊັບຊ້ອນ​ພະນັກງານ​ຄືນ​ໃຫມ່​ ​ເພື່ອ​ຊັບ​ຊ້ອນ​ເຂົ້າ​ໃນ​ແຕ່​ລະຕຳ​​ແຫນ່​ງງານ ​ໃຫ້ຖຶກຕ້ອງ​ແທດ​ເຫມາະ​ກັບ​ວຽກ​ງານ​ ວິຊາ​ສະ​​ເພາະທີ່​ໄດ້​ຮຽນ​ມາ

– ​ຝຶກ​ອົບຮົມ​ຍົກ​ລະດັບດ້ານ​ວິຊາ​ການ​ດ້ານ ​ເຕັກ​ໂນ​ໂລ​ຊີ ຄອມ​ພິວ​ເຕີ ​ແລະ ​ເອ​ເລັກ​ໂຕຼນິກ ​ໃຫ້​ແກ່​ພະນັກງານ​ພາຍ​ໃນ​ສະ​ຖາ​ບັນ​ດ້ວຍ​ກັນ.

– ຊຸກ​ຍູ້ ​ແລະ​ ສົ່ງ​ເສີມ ພະນັກງານ​ພາຍ​ໃນ​ສະ​ຖາ​ບັນ​ ໃຫ້​ໄປ​ຍົກ​ລະດັບດ້ານ​ວິຊາ​ສະ​ເພາະ​ໄລຍະ​ສັ້ນ-​ໄລຍະ​ຍາວ ປະລິນຍາ​ຕີ, ປະລິນຍາ​ໂທ ​ແລະ​ປະລິນຍາ​ເອກ, ຈັດ​ໃຫ້ມີ​ການ​ໝູນ​ວຽນ ​ດ້ານ​ຄວາມ​ຮູ້​ໃຫ້​ເປັນ​ລັກສະນະທ່ີ​ສາມາດ​ສືບ​ທອດ​ປ່ຽນ​ແທນ​ ໃນ​ການ​ເຮັດ​ວຽກ​ໃຫ້​ມີ​ປະສິດທິ​ຜົນ.

– ຍົກ​ລະດັບ​ທາງ​ດ້ານ​ທິດ​ສະ​ດີກາ​ນ​ເມືອງ​ໃຫ້​ແກ່​ ພະນັກງານ.

       4.4.3 ວຽກ 3 ອົງການຈັດຕັ້ງມະຫາຊົນ ​ແລະ ການ​ເຄື່ອນ​ໄຫວ​ອື່ນໆ

ສືບ​ຕໍ່​ເຂົ້າຮ່ວມ​ການ​ອອກ​ແຮງ​ງານ​ລວມ, ຂະ​ບວນການ​ກິລາ, ຂະ​ບວນການ​ປ້ອງ​ກັນ​ຄວາມ​ສະຫງົບ​ພາຍ​ໃນ​ກະຊວງ ​ແລະ​ ຂະ​ບວນການ​ອື່ນໆ ຕາມ​ການ​ມອບ​ໝາຍ.

       4.4.4 ວຽກງານວິຊາສະເພາະ

               4.4.4.1 ວຽກ​ງານ​ໂຄ​ສະນາ​ເຜີຍ​ແຜ່

– ສືບ​ຕໍ່​ສ້າງປຶ້ມຄູ່​ມືແບບຮຽນ-ແບບສອນ ກ່ຽວ​ກັບ​ ວຽກ​ງານ​​ເຕັກ​ໂນ​ໂລ​ຊີຄອມ​ພິວ​ເຕີ ​ແລະ​ເອ​ເລັກ​ໂຕຼນິກ.

– ຈັດ​ກອງ​ປະຊຸມ​ສຳ​ມະ​ນາ​ວິຊາ​ການ ດ້ານ​ເຕັກ​ໂນ​ໂລ​ຊີ ຄອມ​ພິວ​ເຕີ ​ແລະ​ເອ​ເລັກ​ໂຕຣນິກ ​ແລະ​ຈັດ​ຝຶກ​ອົບຮົມ​ໃຫ້​ພາກສ່ວນ​ ຕ່າງໆ ທີ່ຢູ່​ໃນ​ເຂດ​ສູນ​ກາງ ​ແລະ ​ເຂດ​ແຂວງ.

– ສືບ​ຕໍ່​ຄົ້ນຄວ້າ ສ້າງ​ການ​ຮຽນ-​ການ​ສອນ​​ ໂປຣ​ແກຣມຕ່າງໆໃນ​ຮູບແບບ ​Multimedia ​ເພື່ອຜູ່ນຳ​ໃຊ້​ສາມາດຮຽນ​ຮູ້​ດ້ວຍ​ຕົນ​ເອງ​ ​ເພາະ​ມີ​ການ​ແນະນໍາ​ໃນການ​ນຳ​ໃຊ້ ​ເປັນ​ຮູບ​ແບບ​ວິ​ດີ​ໂອ (ມີ​ທັງ​ພາບ ​ແລະ​ສຽງ).

– ຈັດ​ຝຶກ​ອົບຮົມ​ການ​ນຳ​ໃຊ້ ໂປຼ​ແກຼມຄຸ້ມ​ຄອງ​​ເອກະສານ ຂາ​ອອກ – ຂາ​ເຂົ້າ, ການຂຽນ​ຖານ​ຂໍ້​ມູນ​, ການ​ນຳ​ໃຊ້​ຄອມ​ພິວ​ເຕີ ສຳລັບ​ວຽກ​ງານ​ຫ້ອງການ ​ແລະ ການ​ຮັກສາ​ຄວາມ​ປອດ​ໄພ​ໃນ​ລະບົບ​ເຄືອ​ຂ່າຍ​ຄອມ​ພິວ​ເຕີ ​

               4.4.4.2 ວຽກ​ງານ​ສ້າງ ​ແລະ ປັບປຸງ​ນິຕິ​ກຳ

              4.4.4.3 ວຽກ​ງານ​ຄົ້ນຄ້ວາ ​ແລະ ພັດທະນາ

– ຄົ້ນຄວ້າ, ພັດທະນາ ລະບົບໂປຼແກຼມ ​ແລະ ລະບົບໂປຼແກຼມລະບົບເປີດ ເພື່ອສົ່ງເສີມການຫັນ​ເປັນ​ອັດຕະ​ໂນ​ມັດ ​ແລະພັດທະນາ ອຸດສາຫະກຳຊອບແວພາສາລາວ ​ເພື່ອ​ຂະຫຍາຍການ​ນຳ​ໃຊ້​ເຂົ້າທຸກຂະ​ແຫນງ​ການ.

– ສືບ​ຕໍ່​ຄົ້ນຄວ້າ​​ລະບົບພາສາລາວ ​ໃນ​ເຄື່ອງຄອມພິວເຕີ ​ແລະ​ເອ​ເລັກ​ໂຕຼນິກ.

– ສືບ​ຕໍ່ຄົ້ນຄວ້າປັບປຸງ ​ແລະ ທົດ​ລອງ​ລະບົບ WiFi, Hotspot ຢູ່​ພາຍ​ໃນ​ຕຶກຂອງ​ກະຊວງ ​​ແລະ ການ​ເຊື່ອມ​ຕໍ່​ທາງ​ໄກ​ ພ້ອມ​ທັງ​ການ​ທົດ​ສອບ​ການ​ຮັບ​ສົ່ງ ສັນຍານ ​ແລະ ຕິດ​ຕັ້ງ​ລະບົບ Network ​ໃໝ່ທີ່​ກຳລັງ​ຕິດ​ຕັ້ງ​ໃນ​ປະຈຸ​ບັນ ​ໃຫ້​ສຳ​ເລັດ​ຕາມ​ແຜນການ​ທີ່​ກຳນົດ​ໃວ້.

– ຄົ້ນ​ຄ້ວາ ຜັນ​ຂະຫຍາຍ​ວຽກ​ງານເຄືອຂ່າຍ ເຂົ້າໄປຊ່ວຍໃນວຽກງານຂະແໜງການຕ່າງໆ

– ຄົ້ນຄວ້າ​ການ​ເຊື່ອມ​ຕໍ່​ລະບົບ​ເຄືອ​ຂ່າຍ​ ຫາ​ແຕ່​ລະ​ພະ​ແນ​ກວິທະຍາສາດ ​ແລະ​ເຕັກ​ໂນ​ໂລ​ຊີ ​ແຂວງ.

– ສືບຕໍ່ປັບປຸງ​ລະບົບໂປ​ຣ​ແກ​ຣມ ​ຄຸ້ມ​ຄອງເອກະສານ​ຂາເຂົ້າ-ອອກ.

– ສືບ​ຕໍ່​ຈັດຕັ້ງປະຕິບັດ​ໂຄງການ ສ້າງໂປຼແກຼມ ຖານ​ຂໍ້​ມູນ​ການຄົ້ນຄວ້າ​ວິທະຍາສາດ ຮ່ວມ​ກັບ​ຫ້ອງການ​ສະພາ​ວິທະຍາສາດ​ແຫ່ງ​ຊາດ ​ໄລະຍະ​ທີ 2.

– ສືບ​ຕໍ່​ຈັດຕັ້ງປະຕິບັດ​ໂຄງການ​ ສ້າງ​​ໂປຼ​ແກຼມຖານ​ຂໍ້​ມູນ Inventory ຮ່ວມ​ກັບ​ກົມ​ເຕັກ​ໂນ​ໂລ​ຊີ ຂໍ້​ມູນ​ຂ່າວສານ.

– ສືບ​ຕໍ່​ໂຄງການ​ຮ່ວມມື ​ກັບ​ສູນ​ກາງ​ຊາວ​ຫນຸ່ມ​ປະຊາຊົນປະຕິວັດລາວ ​ຈັດຕັ້ງປະຕິບັດ​ໂຄງການ “ສ້າງຕັ້ງສູນ​ຂໍ້​ມູນຂ່າວສານ ​ແລະ​ ໃຫ້​ຄຳ​ປຶກສາ​ດ້ານ​ໄອ​ທີ ສຳລັບ​ຊາວ​ຫນຸ່ມ”

– ສ້າງລະບົບໂປຼແກຼມ ເກັບກຳລະບົບຖານຂໍ້ມູນ ຂອງພະແນກການເງິນ ຮ່ວມກັບ ພະແນກວິທະຍາ ສາດ ນະຄອນຫຼວງ.

– ສືບ​ຕໍ່ ຈັດຕັ້ງປະຕິບັດ​ໂຄງການ ​ຄົ້ນຄວ້າ​ວິທະຍາ​ສາດ “ການ​ຫັນ​ຫ້ອງການ ກະຊວງ​ເປັນ​ທັນ​ສະ​ໄຫມ” ຮ່ວມ​ກັບ​ຫ້ອງການ ແລະ​ ທົດ​ສອບ​ສັນຍາ​ອິນ​ເຕີ​ເນັດ​ຂອງ​ກະຊວງ​ສະ​ເພາະ

– ຄົ້ນຄວ້າ​ການ​ຫັນ​ເປັນ​ອັດຕະ​ໂນ​ມັດ ​​ແລະ​ການ​ນຳ​ໃຊ້ລະບົບ​ອັດຕະ​ໂນ​ມັດ ​ໃນ ສປປ ລາວ ເພື່ອ​ຮັບ​ໃຊ້​ໃຫ້​ແກ່​ການ​ຫັນ​ເປັນ​ອຸດ​ສາ​ຫະກຳ ​ແລະ​ທັນ​ສະ​ໄຫມ.

– ສຶກສາຄົ້ນຄ້ວາ ​ທົດລອງ ການນຳໃຊ້ເຕັກໂນໂລຊີໃໝ່ (ດ້ວຍລະບົບ IOS​ແລະ ລະບົບ Android) ​ເພື່ອຮັບໃຊ້ເຂົ້າໃນວຽກງານຕົວຈິງ

– ສືບ​ຕໍ່ຄົ້ນ​ຄົ້ວ​ ລະບົບ​ເຄືອ​ຂ່າຍ​ ​ໃນ​ຮູບ​ແບບ​ໃໝ່ໆ​ເພື່ອ​ໃຫ້​ທັນ​ຍຸກ​ທັນ​ສະ​ໃໝ ​ເພື່ອ​ໃຫ້​ເປັນ​ທີ່​ຍອມຮັບ ​ແລະ ​ໃດ້ມາດຕະຖານ​ໃນ​ທຸກໆ​ດ້ານ.

              4.4.4.4 ວຽກ​ງານ​ບໍລິການ

– ສືບ​ຕໍ່​ປັບປຸງ​ ​ແລະ​ຕິດຕັ້ງລະບົບ​ເຄືອ​ຂ່າຍ​ຂອງ​ກະຊວງ​​ ແລະ​ທົດ​ສອບ​ສັນຍາ​ອິນ​ເຕີ​ເນັດ​ຂອງ​ກະຊວງ​ສະ​ເພາະ ໃນ​ຄວາມ​ໄວ​ເບື້ອງ​ຕົ້ນ 20 Mbps ຈາກ​ໂຄງການ​ສື່ສານ​ຮັບ​ໃຊ້​ການ​ນຳ.

– ສືບ​ຕໍ່ເບິ່ງແຍງລະບົບເວບເຊີເວີ, ​ເມ​ວ​ເຊີ​ເວີ ​ແລະບໍ​ລິ​ການ​ລົງ​ທະບຽນ​ລະຫັດຊື່ ອີ​ເມ​ວ​ -ຊື່@most.gov.la ຂອງກະຊວງ ​ແລະ ການ​ຄຸ້ມ​ຄອງ​ຮັກສາລະບົບ​ເຊີ​​ເວີ​ສຳຮອງຂອງກະຊວງ​ ຢ່າງ​​ເປັນ​ປົກກະຕິ.

– ຕິດຕັ້ງກວດກາ ລະບົບເຄືອຂ່າຍ ຢູ່ແຕ່ລະພາກສ່ວນໃຫ້ມີຄວາມສະຖຽນ ແລະ ປັບປຸງແກ້ໄຂບັນຫາ ທີ່ເກີດຂື້ນ ເພື່ອບໍ່ໃຫ້ມີຜົນກະທົບຕໍ່ວຽກງານອື່ນໆ

– ສືບຕໍ່່ສ້າງມາດຕະຖານ ສີມືແຮງງານ ດ້ານ ICT ຢູ່ສປປລາວ ຮ່ວມກັບ ກົມພັດທະນາສີມືແຮງງານ ແລະ ຈັດຫາງານ, ກະຊວງແຮງງານ ແລະ ສະຫວັດດີການສັງຄົມ.

– ຄົ້ນຄວ້າ ​ໂຄງການສ້າງ​ສູນ​ກາງ​ການຄົ້ນຄວ້າ​ທົດ​ລອງ, ສົ່ງ​ເສີມ, ຖ່າຍ​ທອດ​ເຕັກ​ໂນ​ໂລ​ຊີ ຄອມ​ພິວ​ເຕີ ​ແລະ​ເອ​ເລັກ​ໂຕຣນິກ

– ສືບ​ຕໍ່​ຄົ້ນຄວ້າ​ໂຄງການ​ຮ່ວມ​ມື​ກັບ ບັນດາບໍລິສັດຕ່າງໆ ເພື່ອການ​ສົ່ງ​ເສີມ​ພາສາ​ລາວ​ໃນ​ລະບົບ​ຄອມ​ພິວ​ເຕີ ​ແລະ​ເອ​ເລັກ​ໂຕຼນິກ ​ແລະການ​​ແປ​ພາສາ​ລາວ​ໃນ​ລະບົບ ​ໂປຣ​ແກຣມ​ເປີດ (Open Source)

– ສືບຕໍ່ການບໍລິການ ແກ້​ໄຂ​ບັນຫາ ​ຕ່າງໆ​ ຂອງ​ເຄື່ອງ​ຄອມ​ພິວ​ເຕີ ພາຍ​ໃນ​ກະຊວງ ​ແລະ​ພາກສ່ວນ​ຕ່າງໆ.

              4.4.4.5 ວຽກ​ງານ​ຮ່ວມ​ມື (ຮ່ວມ​ມື​ຕ່າງປະ​ເທດ ​ແລະ ຮ່ວມ​ມື​ພາຍ​ໃນ)

– ເພີ້​ມທະວີ​ການຮ່ວມ​ມື​ກັບ​ທຸກ​ພາກສ່ວນ ທັງ​ພາຍ​ໃນ ​ແລະ​ຕ່າງປະ​ເທດ ​ເພື່ອ​ສ້າງ​ຄວາມ​ເຂັ້ມ​ແຂງ ​​ໃຫ້​ວຽກ​ງານຄອມ​ພິວ​ເຕີ ​ແລະ​ເອ​ເລັກ​ໂຕຼນິກ ​ເພື່ອ​ຮັບ​ໃຊ້​ໃຫ້​ແກ່​ການ ​ພັດທະນາ ​​ເສດຖະກິດ​ສັງຄົມ.

– ສືບ​ຕໍ່ຄົ້ນຄວ້າໂຄງການ ​ສ້າງ​ສູນຖານ​ຂໍ້​ມູນ​ວິທະຍາສາດ ​ແລະ​ເຕັກ​ໂນ​ໂລ​ຊີ ​ແຫ່ງ​ຊາດລາວ  ຮ່ວມ​ກັບ​ບໍລິສັດ​ Huawei.

– ສືບ​ຕໍ່​ຄົ້ນຄວ້າໂຄງການ ຄົ້ນຄວ້າ​ຫັນ​ເປັນ​ອັດຕະ​ໂນ​ມັດ ຮ່ວມ​ກັບ​ ສະ​ຖາ​ບັນ​ເຕັກ​ໂນ​ໂລ​ຊີ ຂໍ້​ມູນ​ຂ່າວສານ ຂອງສະພາ​ບັນດິດ​ວິທະຍາສາດ ​ແລະ​ເຕັກ​ໂນ​ໂລ​ຊີ ຂອງ ສສ ຫວຽດນາມ.

– ສືບ​ຕໍ່ຄົ້ນຄວ້າໂຄງການ ຂອງອາຊຽນ ກ່ຽວກັບລະບົບການແປພາສາ ໃນເຄື່ອງຄອມພິວເຕີ ​(Network-based ASEAN Languages Translation Public Service Project) ​ໃຫ້​ໄດ້ 20000 ປະ​ໂຫຍ​ກ ​​ແລະ ​ໂຄງການລະບົບ​​​ໂປຼ​ແກຼມ​ເປີດ (Establishment of ASEAN open Source Software Resource Portal Project) ຮ່ວມກັບ NECTEC ປະເທດໄທ.

– ກະກຽມ​ຈັດຕັ້ງປະຕິບັດ​ໂຄງການ​ຮ່ວມ​ມື ລາວ-ສປປ ​ເກົາຫລີ ​ໃນ​ຂະ​ແຫນງ​ການ​ບໍລິການ​ເຕັກ​ໂນ​ໂລ​ຊີ ຂໍ້​ມູນ​ຂ່າວສານ.

– ຮ່ວມ​ກັບ​ກົມ​ພັດທະນາ​ສີມື​ແຮງ​ງານ ​ແລະ​ຈັດ​ຫາ​ງານ ຂອງ​ກະຊວງ​ແຮງ​ງານ ​ແລະ​ສະຫວັດດີ​ການ​ສັງຄົມ​ເພື່ອ​ສ້າງ​ມາດຕະຖານ ​ສີມື​ແຮງ​ງານ​ແຫ່ງ​ຊາດ ​ຂະ​ແຫນງ​ເຕັກ​ໂນ​ໂລ​ຊີ ຂໍ້​ມູນ​ຂ່າວສານ ​ແລະ​ການ​ສື່ສານ ຫລື ICT ​ໂດຍ​​​ແມ່ນ​ການ​ຊ່ວຍ​ເຫລືອ​ຈາກ ລັດຖະບານ ສ ​ເກົາຫລີ ​ໂດຍ​ຜ່ານ​ອົງການ​ແຮງ​ງານ​ສາກົນ​ປະຈຳ​ພາກ​ພື້ນ.

– ​ເຂົ້າຮ່ວມການຈັດຕັ້ງປະຕິບັດ​ໂຄງການ ຄົ້ນຄວ້າ​ການ​ນຳ​ໃຊ້ ​ເຕັກ​ໂນ​ໂລ​ຊີ​ຂໍ້​ມູນ​ຂ່າວສານ (IT) ​ເຂົ້າ​ໃນ​ການ​ຄຸ້ມ​ຄອງ​ພາຫາ​ນະ​ຢູ່ ສປປ ລາວ.

            4.4.4.6 ວຽກ​ງານ​ລົງທຶນ (ລົງທຶນ​ຂອງ​ລັດ, ລົງທຶນ​ຕ່າງປະ​ເທດ ​ແລະ ລົງທຶນ​ພາຍ​ໃນ)

4.4.5  ການຈັດຕັ້ງຜັນ​ຂະຫຍາຍ​ວຽກ​ງານ 3 ສ້າງ :

– ສືບ​ຕໍ່​ເອົາ​ໃຈ​​ໃສ່ຈັດຕັ້ງປະຕິບັດ ກ່ຽວ​ກັບ​ວຽກ​ງານ 3 ສ້າງ ລົງ​ຕິດຕາມ ​ແລະ​ປະ​ເມີນ​ຜົນ​ຊຸກຍູ້​ສົ່ງ​ເສີມ ​ແລະ​ພັດທະນາ​ທາງ​ດ້ານ​ເຕັກ​ໂນ​ໂລ​ຊີ ຄອມ​ພິວ​ເຕີ ​ແລະ​ເອ​ເລັກ​ໂຕຣນິກ ​ແຂວງ, ​ເມືອງ ​ແລະ​ບ້ານ​ຈຸດ​ຊຸມ.

– ສືບ​ຕໍ່ຄົ້ນຄວ້າ​ໂຄງການຮ່ວມ​ກັບ​ພະ​ແນ​ກວິທະຍາສາດ ​ແລະ​ເຕັກ​ໂນ​ໂລ​ຊີ ນະຄອນຫລວງວຽງ​ຈັນ ກ່ຽວ​ກັບ​ວຽກ​ງານ ​ການ​ສ້າງ​ຖານ​ຂໍ້​ມູນ​ ຂອງພະ​ແນ​ກການ​ເງິນ​ນະຄອນຫລວງ​ວຽງ​ຈັນ ​​ໃຫ້​ 9 ຕົວ​ເມືອງ​ໃນ​ນະຄອນຫລວງ​.

– ສືບ​ຕໍ່​ຈັດ​ຝຶກ​ອົບຮົມໂປຣ​ແກຣມຄຸ້ມ​ຄອງ​ເອກະສານ ຂາ​ເຂົ້າ-ຂາອອກ ​ໃຫ້​ແຕ່​ລະ​ພາກ​ສ່ວນ​.

4.4.6 ວຽ​ກງານ​ທ້ອງ​ຖີ່​ນ :

– ສືບ​ຕໍ່​ຈັດ​ຝຶກ​ອົບຮົມ​ຍົກ​ລະດັບ ​ວິຊາ​ການ​ດ້ານ​ໄອ​ທີ ​ໃຫ້​ພະນັກງານ​ຂອງ​ແຕ່​ລະ​ແຂວງ.

– ປັບປຸງ, ພັດທະນາ ​ແລະ ສ້າງຄວາມເຂັ້ມແຂງ​ໃຫ້ສູນບໍລິການຂໍ້ມູນຂ່າວສານຊຸມຊົນ ດ້ວຍເອເລັກໂຕຼນິກ ​​ເຮັດ​ໃຫ້​ຊຸມ​ຊົນ​ສາມາດ​ເຂົ້າ​ເຖິງ​ແຫ​ລ່ງຂໍ້​ມູນ​ຂ່າວສານ​​ ໃຫ້​ກວ້າງຂວາງ ​ແລະ ​ຂະຫຍາຍ​ສູນ​ດັ່ງກ່າວ​ເພີ້​ມ ຕື່ມ​ອີກ.

– ສືບ​ຕໍ່ສຶກສາຄົ້ນຄວ້າ ​ສ້າງ​​ໂປຣ​ແກຣມຖານ​ຂໍ້​ມູນ​ຂອງ​ບ້ານ ​​ໃຫ້​ສໍາ​ເລັດ

5. ມາດຕະການ​ຈັດຕັ້ງປະຕິບັດ:

– ມີການຄົ້ນຄ້ວາຍຸ​ດທະ​ສາດ ​ແລະ ວາງ​ແນວທາງ​ນະ​ໂຍບາຍ​ ທີ່​ສອດຄ່ອງກັບ​ການຈັດ​ຕັ້ງ​ປະຕິບັດ ແຜນ​ພັດທະນາ​ເສດຖະກິດ-ສັງຄົມ​ ສົກ​ປີ 2013-2014 ບົນ​ຈິດ​ໃຈ​ບຸກທະລຸ​ທັງ 4 ດ້ານ ຂອງ​ມະຕິ​ກອງ​ປະ​ຊຸມ​ໃຫ່ຍ ຄັ້ງທີ IX ຂອງ​ພັກ, ຍົກ​ສູງ​ສະຕິ​ຄວາມ​ເປັນ​ເຈົ້າ ຕໍ່​ຂໍ້​ກຳນົດ​ກົດ​ລະບຽບ ​ແລະ ນິຕິ​ກຳ​ຕ່າງໆ​ທີ່​ກ່ຽວຂ້ອງ ​ເພື່ອ​ຮັບປະກັນ ປະສິດທິພາບ, ປະສິດທິ​ຜົນ ​ແລະ ກາ​ນພັດທະນາ​ແບບ​ຍືນ​ຍົງ​.

– ປະຕິບັດຕາມ​ລະບອບການ​ເຮັດ​ວຽກ ​ແບບ​ລວມສູນປະຊາທິປະ​ໄຕ, ມີ​ການ​ປະຊຸມ​ປຶກສາ​ຫາລື ​ເພື່ອ​ວາງ​ແຜນ​ງານ ​ແລະ ມອບ​ໝາຍໜ້າ​ທີ່​ອັນລະອຽດ ໃຫ້​ແຕ່ລະ​ໜ່ວຍ​ງານຮັບຜິດຊອບ, ສຳ​ຫລວດ​ກວດກາ​ຄວາມ​ຄືບ​ໜ້າ, ຕີ​ລາຄາ​ຂໍ້​ດີ-ຂໍ້​ເສຍ ​ແລະ ການ​ແກ້​ໄຂ​ບັນຫາ​ທີ່​ຍັງ​ຄົງ​ຄ້າງ

– ເຄື່ອນ​ໄຫວວຽກງານ ​ຕາມ​ແຜນການ ​ແລະ ບັນດາ​ກິດຈະກຳ​ທີ່​ວາງ​ໄວ້​ໃນ​ແຕ່ລະ​ໜ້າ​ວຽກ ​ໃຫ້​ສຳ​ເລັດ​ຜົນ ​ແລະ ປະກົດ​ຜົນ​ເປັນ​ຈິງ​ຕາມ​ຄາດໝາຍ

– ຊຸກຍູ້ ​ແລະ ສົ່ງ​ເສີມ​ດ້ານທ່າ​ແຮງ ກໍາລັັງບຸກຄະ​ລະກ​ອນ

– ໝູນໃຊ້​ພະນັກງານ ​​ເຂົ້າ​ຮັບຜິດຊອບວຽກ​ງານ ໃຫ້​ຖືກ​ຕ້ອງກັບ​ວິຊາ​ສະ​ເພາະຕົວ​ຈິງທີ່​ໄດ້​ຮຽນ​ມາ

– ສ້າງ​ແຜນການ, ​ແຜນງົບປະມານ, ກຳນົດ​ແບບ​ແຜນ​ລະບຽບ​ຫລັກການ ພາລະ​ໜ້າ​ທີ່​ຄວາມ​ຮັບຜິດຊອບ​ ແລະ ວິທີການຈັດຕັ້ງປະຕິບັດ,​ ແຜນການ​ດຳ​ເນີນ​ງານ​ ແລະ ການ​ຄຸ້ມ​ຄອງ​

– ຕິດຕາມກວດກາ ປະ​ເມີນ​ຜົນ​ໃນ​ແຕ່ລະ​ໜ້າ​ວຽກ ໃຫ້​ຖືກຕ້ອງ​ຕາມ​ທິດ​ທາງ ໜ້າ​ທີ່​ຈຸດ​ສຸມ​ຂອງ​ແຜນການ ພ້ອມ​ທັງ​ປະຕິບັດ ​ລະບອບການ​ສະຫລຸບລາຍ​ງານ ຢ່າງ​ເປັນ​ປະຈຳຂອງ​ແຕ່​ລະ​ພະ​ແນ​ກ

​​​          – ເຮັດ​ບົດ​ສະຫລຸບ​ສັງ​ລວມລາຍ​ງານ ​ຕໍ່​ການ​ນຳ