6 ຄາດການດ້ານ Internet of Things ໃນປີ 2019

0
60

ເວັບ​ໄຊ້ Network World ໄດ້​ຄາດ​ກາ​ນ​ສິ່ງ​ທີ່​ຈະ​ເກີດ​ຂຶ້ນ​ກັບ​ເທັກ​ໂນ​ໂລ​ຢີ Internet of Things (IoT) ບໍ່​ວ່າ​ຈະ​ເປັນ​ທາງ​ດ້ານ​ຄວາມຫມັ້ນຄົງ​ປອດ​ໄພ ທັກ​ສະ​ຂອງ​ບຸ​ກຄະລາກ​ອນ ຫລື​ແມ່ນແຕ່​ຜົນ​ກະທົບ​ຂອງ​ເຄືອ​ຂ່າຍ 5G ທັງຫມົດ​ທັງ​ສິ້ນ 6 ລາຍ​ການ ຊຶ່ງ​ສາມາດ​ສະຫລຸບ​ໄດ້ ດັ່ງ​ນີ້:

  1. IoT ຍັງ​ຄົງ​ເຕີບໂຕ​ຢ່າງ​ຕໍ່​ເນື່ອງ ທັງ​ໃນ​ສ່ວນ​ຂອງ​ອຸປະກອນ ຂໍ້​ມູນ ແລະ ​ການ​ລົງ​ທຶນ

ລາຍ​ງານ​ຈາກ IDC ລະ​ບຸ​ວ່າ IoT ຍັງ​ຄົງ​ໄດ້ຮັບ​ຄວາມ​ນິຍົມ​ຢ່າງ​ແຜ່​ຫຼາຍ ຄາດ​ວ່າ​ຈະ​ມີ​ການ​ລົງ​ທຶນ​ສູງ​ເຖິງ $1 ລ້ານ​ລ້ານ ດອນລາ. ພາຍ​ໃນ​ປີ 2020 ຊຶ່ງ​ຈະ​ຊ່ວຍ​ສະໜັບ​ສະໜູນ​ເງີນ​ທຶນ​ທາງ​ດ້ານ​ການ​ເຊື່ອມ​ຕໍ່​ຜ່ານ Cellular ຂອງ​ອຸປະກອນ IoT 30% ໃນ​ແຕ່​ລະ​ປີ​ໄປ​ຈົນ​ເຖິງ​ປີ 2023 ນອກ​ຈາກ​ນີ້ ຄາດ​ການວ່າ​ປະລິມານ​ການ​ເຊື່ອມ​ຕໍ່​ຈະ​ເພີ່ມ​ຂຶ້ນ​ເຖິງ 1,300 ລ້ານ​ໃນ​ປີ 2019 ນີ້

  1. ເຄືອ​ຂ່າຍ 5G ຍົກ​ລະດັບ​ສັກກະຍະພາບ​ຂອງ IoT

ແນ່ນອນ​ວ່າ​ອຸປະກອນ IoT ສ່ວນ​ໃຫຍ່​ມັກ​ຖືກ​ໃຊ້​ເທິງ​ເຄືອ​ຂ່າຍ​ທີ່​ມີ​ການ​ຮັບ​ສົ່ງ​ຂໍ້​ມູນ​ຕ່ຳ​ ແລະ ​ປະ​ຫຍັດ​ພະລັງ​ງານ ເຊັ່ນ: NB-IoT ຫລື Cat-M ແຕ່​ການ​ມາ​ເຖິງ​ຂອງ​ເຄືອ​ຂ່າຍ 5G ຈະ​ສົ່ງ​ຜົນ​ກະທົບ​ຕໍ່​ແອັບ​ພິ​ເຄ​ຊັ່ນ IoT ລະ​ດັບ High-end ທີ່​ເຊື່ອມ​ກັບ​ລະບົບ Robotics & Automation, VR/AR ແລະ AI/ML ເປັນ​ຢ່າງ​ຫລາຍ ເຊັ່ນ: ລົດຍົນອັດຕະໂນມັດ​ທີ່ບໍ່ມີຄົນຂັບ​ ແລະ Smart Cities ນອກ​ຈາກ​ນີ້ 5G ຍັງ​ຊ່ວຍ​ພິກ​ໂສມ​ອຸດສາຫະກຳ​ການ​ຜະລິດ ການ​ຂົນ​ສົ່ງ ຄວາມ​ປອດ​ໄພ ​ສາທາລະນະ​ໂດຍ​ມີ IoT ຄອຍ​ຖ້າ​ສະໜັບ​ສະໜູນ​ອີກ​ດ້ວຍ

  1. ຄວາມຫມັ້ນຄົງ​ປອດ​ໄພ​ເທິງ IoT ຈະ​ກາຍ​ເປັນ​ປະ​ເດັນ​ສຳຄັນ​ອັນ​ດັບ​ໜຶ່ງ

ປະລິມານ​ອຸປະກອນ IoT ທີ່​ເພີ່ມ​ຂຶ້ນ​ສົ່ງ​ຜົນ​ໂດຍ​ກົງ​ກັບ​ປະລິມານ​ຊ່ອງ​ໂຫວ່​ດ້ານ​ຄວາມຫມັ້ນຄົງ​ປອດ​ໄພ ແລະ ​ຍິ່ງ​ມີ​ຊ່ອງ​ໂຫວ່​ຫລາຍ​ຂຶ້ນ ຍິ່ງ​ກໍ່​ໃຫ້​ເກີດ​ການ​ໂຈມ​ຕີ​ ແລະ ​ຄວາມ​ເສຍ​ຫາຍ​ທີ່​ເພີ່ມ​ຂຶ້ນ​ຕາມ ອັນ​ທີ່​ຈິງ​ແລ້ວ ການ​ທີ່​ອຸປະກອນ​ມີ​ຄວາມຫມັ້ນຄົງ​ປອດ​ໄພຕ່ຳ​ບໍ່​ແມ່ນ​ແຕ່ເຮັດໃຫ້ IoT ກາຍ​ເປັນ​ເຫຍື່ອ​ຂອງ​ການ​ໂຈມ​ຕີ​ພຽງ​ຢ່າງ​ດຽວ ລວມ​ທັງຫມົດ​ໄປ​ເຖິງ​ການ​ທີ່ IoT ຖືກ​ປ່ຽນ​ໄປ​ເປັນ​ກອງທັບ Botnet ເພື່ອ​ໃຊ້​ໂຈມ​ຕີ​ເປົ້າ​ໝາຍ​ອື່ນ​ໆ ຕໍ່​ອີກ​ດ້ວຍ ຄາດ​ກາ​ນວ່າ​ໃນ​ປີ 2019 ຈະ​ໄດ້​ເຫັນ​ການ​ໂຈມ​ຕີບ​ນ​ອຸປະກອນ IoT, Routers ແລະ​ເຄືອ​ຂ່າຍ Wi-Fi ຫລາຍ​ຍິ່ງ​ຂຶ້ນ

  1. ຈັບ​ກຸ່ມ​ກັບ​ຜູ້​ໃຫ້​ບໍລິການ​ລາຍ​ໃຫຍ່​ເພື່ອ​ຊ່ວງ​ຊິງ​ຄວາມ​ໄດ້​ປຽບ

Data Art ຄາດ​ກາ​ນວ່າ ບໍລິສັດ​ຂະໜາດ​ໃຫຍ່​ຈະ​ໃຊ້​ຫຼາຍ​ໆ ວິທີ​ໃນ​ການ​ເຂົ້າ​ມາ​ຄອງ​ຕ​ະຫຼາດ IoT ໃນ​ປີ 2019 ນີ້ ຜູ້​ໃຫ້​ບໍລິການ​ແພັດຟອມ​ຢ່າງ AWS, Microsoft ແລະ Google ຕ່າງ​ພະຍາຍາມ​ເພີ່ມ​ບໍລິການ​ໃຫ້​ຄອບ​ຄຸມ​ຄວາມ​ຕ້ອງ​ການ​ຮູບ​ແບບ​ຕ່າງ​ໆ ໃນ​ຂະນະ​ທີ່​ບໍລິສັດ​ອື່ນ​ໆ ກໍ​ພ້ອມ​ທີ່​ຈະ​ຈັບ​ມື​ກັບ​ຜູ້​ໃຫ້​ບໍລິການ​ເຫຼົ່າ​ນີ້​ເພື່ອ​ສົ່ງ​ມອບ​ບໍລິການ​ທີ່​ພ້ອມ​ຂະຫຍາຍ​ລະບົບ​ໄດ້​ງ່າຍ​ໃນ​ອະນາຄົດ

  1. ບາງ​ບໍລິສັດ​ເລີ່ມ​ຍອມ​ພ່າຍແພ້​ໃນ​ຕ​ະຫຼາດ IoT

ແມ່ນ​ຜູ້​ໃຫ້​ບໍລິການ​ແພັດ​ຟອມລາຍ​ໃຫຍ່​ໆ ຈະ​ແຂ່ງ​ຂັນ​ກັນ​ເພື່ອ​ຊ່ວງ​ຊິງ​ສ່ວນ​ແບ່ງ​ກາ​ນຕະຫຼາດ ຍັງ​ຄົງ​ມີ​ຜູ້​ໃຫ້​ບໍລິການ​ລາຍ​ຍ່ອຍ​ທີ່​ມຸ່ງ​ເນັ້ນ​ການ​ຕອບ​ໂຈ​ດ​ສະເພາະ​ກຸ່ມ​ເຊັ່ນ​ກັນ ເຊັ່ນ: Data Movement, Industry-specific Challenge ແລະ ​ອຸປະກອນ​ທີ່​ຖືກ​ອອກ​ແບບ​ມາ​ສະເພາະ​ງານ ໃນ​ຂະນະ​ດຽວ​ກັນ ຜູ້​ໃຫ້​ບໍລິການ​ຫຼາຍ​ລາຍ​ຈະ​ຄົ້ນ​ພົບວ່າ​ຕົວ​ເອງ​ໄປ​ບໍ່​ລອດ​ໃນ​ຕະຫຼ​າດ IoT ດັ່ງ​ເຊັ່ນ: GE ແຍກ​ການ​ໃຫ້​ບໍລິການ​ແພັດຟອມ IoT ອອກ​ເປັນ​ບໍລິສັດ Predix ຫລື​ຂາດ​ເງີນ​ທຶນ​ສະໜັບ​ສະໜູນ​ຈົນ​ຕ້ອງ​ປິດ​ໂຕ​ລົງ

  1. ການ​ຂາດ​ແຄນ​ທັກ​ສະ​ດ້ານ IoT

ຈາກ​ລາຍ​ງານ​ຂອງ Canonical ພົບວ່າ ຫລາຍກວ່າ 2 ໃນ 3 ຂອງ​ບໍລິສັດ​ບໍ່​ສາມາດ​ຈ້າງ​ຜູ້​ຊ່ຽວ​ຊານ​ດ້ານ IoT ຕາມ​ທີ່​ຕົນເອງ​ຕ້ອງ​ການ​ເຂົ້າ​ມາ​ໄດ້ ໃນ​ຂະນະ​ທີ່​ຄວາມ​ຕ້ອງ​ການ​ດ້ານ​ທັກ​ສະ IoT ເພີ່ມ​ຂຶ້ນ​ເຖິງ 1/3 ເນື່ອງ​ຈາກ​ປະລິມານ​ຂອງ​ອຸປະກອນ IoT ທີ່​ເພີ່ມ​ຫລາຍ​ຂຶ້ນ​ເລື້ອຍ​ໆ ນອກ​ຈາກ​ນີ້ ຜູ້​ຊ່ຽວ​ຊານ​ດ້ານ Big Data ແລະ Cybersecurity ທັງຫມົດ​ໄປ​ເຖິງ​ສາຍ​ງານ IT ທີ່​ມີ​ປະສົບການ​ດ້ານ Device Equipment, Application Development ແລະ​ ການ​ໃຊ້​ເທັກ​ໂນ​ໂລ​ຢີ IoT ທົ່ວ​ໄປ​ກໍ​ຍັງ​ເປັນ​ທີ່​ຕ້ອງ​ການ​ຂອງ​ຕ​ະຫຼາດ​ເປັນ​ຢ່າງ​ຫລາຍ

ຂອບໃຈບົດຂ່າວຈາກ: www.laotechtalk.com

LEAVE A REPLY

Please enter your comment!
Please enter your name here