ພິທິມອບຮັບມະຫາຊົນກ້າວໜ້າເຂົ້າ ເປັນສະມາຊິກພັກສຳຮອງ ຂອງ ສຄອ

0
431

ມະຫາຊົນກ້າວໜ້າ ຜູ້ທີ່ມີແນວຄິດ ແລະ ທັດສະນະ ຫຼັກໝັ້ນທາງດ້ານການເມືອງຖືກຕ້ອງ, ຜົນງານດີ ເດັ່ນ, ຄວາມຫ້າວຫັນໃນການປະຕິບັດໜ້າທີ່ວຽກງານ, ຄວາມອົດທົນຝຶກຝົນຫຼໍ່ຫຼອມຕົນເອງ ຈົນໄດ້ຮັບຄວາມໄວ້ເນື້ອເຊື່ອໃຈຈາກມະຫາຊົນ ແລະ ໜ່ວຍພັກຮາກຖານສະຖາບັນເຕັກໂນໂລຊີ ຄອມພິວເຕີ ແລະ ເອເລັກໂຕຼນິກ ໄດ້ຮັບເຂົ້າເປັນສະມາຊິກພັກສຳຮອງ ຂອງພັກປະຊາຊົນປະຕິວັດລາວ.

ໃນວັນທີ 26 ຕຸລາ 2018 ທີ່ສະຖາບັນ ການຄຸ້ມຄອງວຶທະຍາສາດ ແລະ ເຕັກໂນໂລຊີ ໜ່ວຍພັກສະຖາບັນເຕັກໂນໂລຊີ ຄອມພິວເຕີ ແລະ ເອເລັກໂຕຼນິກ ຈັດພິທີ ຮັບເອົາມະຫາຊົນກ້າວໜ້າເຂົ້າເປັນສະມາຊິກພັກສຳຮອງ ໂດຍການເປັນກຽດເຂົ້າຮ່ວມເປັນປະທານຂອງສະຫາຍ ບຸນຕີ ທະມິດ, ຄະນະພັກກະຊວງ, ຮອງລັດຖະມົນຕີ ກວຕ.

ໃນພິທີສຳຄັນຄັ້ງນີ້, ສະຫາຍ ບຸນຕີ ທະມິດ, ຄະນະພັກກະຊວງ, ຮອງລັດຖະມົນຕີ ກວຕ ໄດ້ໃຫ້ກຽດໂອ້ລົມຊຶ່ງ ສະຫາຍໄດ້ຍ້ອງຍໍຊົມເຊີຍ ທີ່ໄດ້ສ້າງສະມາຊິກພັກສຳຮອງໃໝ່ຂອງຕົນ ແລະ ຊົມເຊີຍບັນດາມະຫາຊົນກ້າວໜ້າ ທີ່ໄດ້ຕັ້ງໜ້າຝຶກຜົນຫຼໍ່ຫຼອມຮອບດ້ານ ເພຶ່ອກ້າວເຂົ້າເປັນສະມາຊິກພັກສຳຮອງໃນຄັ້ງນີ້. ສະຫາຍ ຄະນະພັກກະຊວງ ໄດ້ເນັ້ນໜັກຕໍ່ສະມາຊິກພັກໃໝ່ ແລະ ເກົ່າ ຈົ່ງພ້ອມກັນເພີ່ມທະວີຄວາມຮັບຜິດຊອບຕໍ່ໜ້າວຽກຂອງຕົນ,ມີສະຕິຕໍ່ການຈັດຕັ້ງສູງ, ຢຶດໝັ້ນ ແລະ ເປັນເອກະພາບຕໍ່ແນວທາງນະໂຍບາຍຂອງພັກ-ລັດ, ປະກອບສ່ວນຄວາມຮູ້ຄວາມສາມາດຂອງຕົນ ເຂົ້າໃນການປະຕິບັດວຽກງານ ທີ່ການຈັດຕັ້ງ ມອບໝາຍໃຫ້ປະສົບຜົນສຳເລັດ, ເອົາໃຈໃສ່ຍົກລະດັບຄວາມຮູ້ຄວາມສາມາດຂອງຕົນ ແລະ ເອົາໃຈໃສ່ສຶກສາ, ຄົ້ນຄວ້າໃນຍຸກເຕັກໂນໂລຊີທີ່ມີການພັດທະນາຢ່າງຕໍ່ເນື່ອງ ເພື່ອນຳໃຊ້ເຂົ້າໃນຂະແໜງການຂອງຕົນ ແລະ ຮຽນຮູ້ສິ່ງໃໝ່ໆຂອງໂລກ ເພື່ອປະກອບສ່ວນເຂົ້າໃນການສ້າງສາພັດທະນາປະເທດຊາດ ໃນໄລຍະໃໝ່ນີ້.

LEAVE A REPLY

Please enter your comment!
Please enter your name here