ສຄອ ລົງຊຸກຍູ້ວຽກງານເຕັກໂນໂລຊີຄອມພິວເຕີ ແລະ ເອເລັກໂຕຼນິກ ທີ່ແຂວງຫຼວງນ້ຳທາ

1
560

ໃນລະຫວ່າງວັນທີ 11-14ກັນຍາ 2017, ສະຖາບັນ ເຕັກໂນໂລຊີ ຄອມພິວເຕີ ແລະ ເອເລັກ ໂຕຼນິກ (ສຄອ),ກະຊວງວິທະຍາສາດ ແລະ ເຕັກໂນໂລຊີ (ກວຕ) ໄດ້ຈັດກອງປະຊຸມຝຶກອົບຮົມ ໃນຫົວຂໍ້ “ໂປຼແກຼມເກັບກຳ ເອກະສານ, ໂປຼແກຼມ ນັບຄະແນນສຽງເລືອກຕັ້ງ ແລະ ໂປຼແກຼມຕ່າງໆທີ່ກ່ຽວຂ້ອງ” ຢູ່ພະແນກວິທະຍາສາດ ແລະ ເຕັກໂນໂລຊີ (ພວຕ) ແຂວງ ເຊກອງ.

ໃຫ້ກຽດເຂົ້າຮ່ວມເປັນປະທານໃນພິທີເປີດ ແລະ ປິດກອງປະຊຸມດັ່ງກ່າວ ມີ ທ່ານ ສຸລະພົນ ໜື່ນວິ ເສດ, ຫົວໝ້າ ພະແນກວິທະຍາສາດ ແລະ ເຕັກໂນໂລຊີ ແຂວງເຊກອງ ແລະ ທ່ານ ວິລະສັກ ອີນທະປະຖາ, ຫົວໝ້າ ສຄອ.

ຈຸດປະສົງຂອງການຝຶກອົບຮົມຄັ້ງນີ້ ແມ່ນເພື່ອປະຕິບັດແຜນຍຸດທະສາດຂອງພັກ-ລັດ ກ່ຽວກັບການ ພັດທະນາຊັບພະຍາກອນມະນຸດ; ເປັນການຊຸກຍູ້, ສົ່ງເສີມຄວາມຮູ້, ຄວາມສາມາດ ແລະ ພັດທະນາການນໍາໃຊ້ເຕັກໂນໂລຊີ ໃຫ້ມີປະສິດທິພາບ ແລະ ປະສິດທິຜົນ.

ທ່ານ ລຳພັນ ແກ້ວມະຫາໄຊ, ຮອງຫົວໜ້າພະແນກວິທະຍາສາດ ແລະ ເຕັກໂນໂລຊີ ແຂວງເຊກອງ ໄດ້ສະຫຼຸບການຝຶກອົບຮົມຄັ້ງນີ້ວ່າ: ໃນໄລຍະການຝຶກ ອົບຮົມ, ນັກສຳມະນາກອນ ໄດ້ເອົາໃຈໃສ່ຕໍ່ການຝຶກອົບຮົມການນໍາໃຊ້ໂປຼແກຼມຕ່າງໆ ທັງພາກທິດສະດີ ແລະ ປະຕິບັດຕົວຈິງຢ່າງຕັ້ງໜ້າ. ນັກວິທະຍາກອນແລະນັກສໍາ ມະນາກອນໄດ້ສົນທະນາແລກປ່ຽນບົດຮຽນເຊິ່ງກັນ ແລະ ກັນ. ການຝຶກອົບຮົມຄັ້ງນີ້ກໍເພື່ອສ້າງຄວາມເຂັ້ມແຂງ ກ່ຽວກັບການນຳໃຊ້ໂປຼແກຼມຕ່າງໆ ເພື່ອຮັບໃຊ້ເຂົ້າໃນ ການປະຕິບັດວຽກງານໃນຂະແໜງການຂອງຕົນ.

ໂອກາດນີ້, ທ່ານ ສຸລະພົນ ໜື່ນວິເສດ, ຫົວໝ້າ ພະແນກວິທະຍາສາດ ແລະ ເຕັກໂນໂລຊີ ແຂວງເຊກອງ ແລະ ທ່ານ ວິລະສັກ ອີນທະປະຖາ, ຫົວໝ້າສຄອ ໄດ້ຂື້ນໂອ້ລົມ ແລະ ໃຫ້ຄຳຄິດເຫັນພາຍຫຼັງສຳເລັດການຝຶກອົບຮົມໃນຄັ້ງນີ້, ແລະ ໃຫ້ກຽດມອບໃບຢັ້ງຢືນໃຫ້ແກ່ນັກສໍາມະນາກອນ.

ເຂົ້າຮ່ວມການຝຶກອົບຮົມຄັ້ງນີ້ ມີນັກສໍາມະນາກອນມາຈາກ ພະແນກວິທະຍາສາດ ແລະ ເຕັກໂນໂລຊີ ແຂວງຈຳປາສັກ, ແຂວງອັດຕະປື ແລະ ຂະແໜງການ ອ້ອມຂ້າງພາຍໃນແຂວງເຊກອງທັງໜົດ 18ທ່ານ.

1 COMMENT

  1. ສຄອ ລົງຊຸກຍູ້ວຽກງານເຕັກໂນໂລຊີຄອມພິວເຕີ ແລະ ເອເລັກໂຕຼນິກ ທີ່ແຂວງຫຼວງນ້ຳທາ
    (ຫົວຂໍ້ຄືວ່າ ຝຶກຢູ່ຫລວງນ້ຳທາ ແຕ່ການປະຕິບັດຝຶກ ຢູ່ເຊກອງ ?)

LEAVE A REPLY

Please enter your comment!
Please enter your name here