ສະຖາບັນ​ ເຕັກໂນໂລຊີ​ ຄອມພິວເຕີ​ ແລະ​ ເອເລັກໂຕຼນິກ,​ (ກຕສ) ຮ່ວມກັບ​ພະແນກ ເຕັກໂນໂລຊີ​ ແລະ​ ການສື່ສານ, ແຂວງ ຈຳປາສັກ.​ໄດ້ຈັດຕັ້ງປະຕິບັດ​ ການຝຶກອົບຮົມໃນຫົວຂໍ້: ການນຳໃຊ້ລະບົບໂປຼແກມເຊັ່ນ: ລະບົບ​ ໂປຼແກຼມ​ ນັບຄະແນນສຽງເລືອກຕັ້ງ,​ ລະບົບ​ ໂປຼແກຼມ​ ເກັບກຳຂໍ້ມູນ-ຕິດຕາມສະມາຊິກພັກ ແລະ ລະບົບ​ ໂປຼແກຼມ​ ບໍລິຫານຈັດການຖານຂໍ້ມູນບ້ານ

5
45
ໃນລະຫວ່າງວັນທີ 14-15 ຕຸລາ​ 2021,​ ສະຖາບັນ​ ເຕັກໂນໂລຊີ​ ຄອມພິວເຕີ​ ແລະ​ ເອເລັກໂຕຼນິກ,​ (ກຕສ) ຮ່ວມກັບ​ພະແນກ ເຕັກໂນໂລຊີ​ ແລະ​ ການສື່ສານ, ແຂວງ ຈຳປາສັກ.​ໄດ້ຈັດຕັ້ງປະຕິບັດ​ ການຝຶກອົບຮົມໃນຫົວຂໍ້: ການນຳໃຊ້ລະບົບໂປຼແກມເຊັ່ນ: ລະບົບ​ ໂປຼແກຼມ​ ນັບຄະແນນສຽງເລືອກຕັ້ງ,​ ລະບົບ​ ໂປຼແກຼມ​ ເກັບກຳຂໍ້ມູນ-ຕິດຕາມສະມາຊິກພັກ ແລະ ລະບົບ​ ໂປຼແກຼມ​ ບໍລິຫານຈັດການຖານຂໍ້ມູນບ້ານ; ໂດຍຈັດຕັ້ງປະຕິບັດ​ ແບບກອງປະຊຸມທາງໄກ​ ຜ່ານລະບົບອອນລາຍ.​
ໂດຍໃຫ້ກຽດເປັນປະທານ: ທ່ານ ປະລິຕະ ແສງຈັນທ໌,​ ຮອງຫົວໜ້າສະຖາບັນ ເຕັກໂນໂລຊີ ຄອມພິວເຕີ ແລະ ເອເລັກໂຕຼນິກ (ກຕສ) ແລະ ຕາງໜ້າໃຫ້ກຽດເຂົ້າຮ່ວມເປີດພິທີໃນຄັ້ງໂດຍທ່ານ ທຽນໄຊ ສະຖາພອນ,​ ຮອງຫົວໜ້າພະແນກ ເຕັກໂນໂລຊີ​ ແລະ​ ການສື່ສານ, ແຂວງ​ຈຳປາສັກ.​
ຈຸດປະສົງຂອງການຈັດຝຶກອົບຮົມໃນຄັ້ງນີ້ແມ່ນເພື່ອແນ່ໃສ່ຍົກລະດັບພະນັກງານ-ວິຊາການໃຫ້ມີຄວາມຮູ້ຄວາມສາມາດຂຶ້ນຕື່ມໂດຍສະເພາະແມ່ນເພີ່ມທັກສະການນຳໃຊ້ລະບົບ​ ໂປຼແກຼມ​ ນັບຄະແນນສຽງເລືອກຕັ້ງ,​ ລະບົບ​ ໂປຼແກຼມ​ ເກັບກຳຂໍ້ມູນ-ຕິດຕາມສະມາຊິກພັກ ແລະ ລະບົບ​ ໂປຼແກຼມ​ ບໍລິຫານຈັດການຖານຂໍ້ມູນບ້ານ,​ ເພື່ອນຳໃຊ້ເຂົ້າໃນໜ້າທີ່ວຽກງານທີ່ຕົນເອງຮັບຜິດຊອບໃຫ້ມີປະສິດທິຜົນສູງຂຶ້ນກວ່າເກົ່າ.
ໃນການຝຶກອົບຮົມຄັ້ງນີ້, ຜູ້ເຂົ້າຮ່ວມໄດ້ຮຽນຮູ້ວິທີການຕິດຕັ້ງລະບົບໂປຼແກຼມ, ການຕິດຕາມເກັບກໍາຂໍ້ມູນ, ການນໍາໃຊ້ລະບົບ ແລະ ການຕັ້ງຄ່າຕ່າງໆ ເຊິ່ງໄດ້ລົງມືປະຕິບັດຕົວຈິງ ພ້ອມທັງແລກປ່ຽນຄຳຄິດເຫັນ, ມີສ່ວນຮ່ວມໃນການຕັ້ງບັນຫາ, ເຈາະຈີ້ມ, ຖາມ-ຕອບ, ແລກປ່ຽນບົດຮຽນຂອງນັກສຳມະນາກອນດ້ວຍກັນ ເພື່ອໃຫ້ເຂົ້າໃຈກ່ຽວກັບລະບົບດັ່ງກ່າວ ໂດຍໄດ້ຮັບຟັງການບັນລະຍາຍ ຈາກ ທ່ານ ພອນໄຊ ຈັນທະລັງສີ, ຮອງຫົວໜ້າພະແນກ ຄົ້ນຄ້ວາ ແລະ ພັດທະນາຊອບແວ,
(ກອງປະຊຸມຝຶກອົບຮົມຜ່ານລະບົບອອນລາຍຄັ້ງນີ້​ ມີຜູ້ເຂົ້າຮ່ວມທັງໜົດ 18 ທ່ານ​ ).

5 COMMENTS

  1. I’ve been browsing on-line more than 3 hours lately, but I never discovered any fascinating article like yours.
    It’s lovely worth enough for me. In my view, if all webmasters and bloggers made excellent content material as you did, the net might be a lot more useful than ever before.

LEAVE A REPLY

Please enter your comment!
Please enter your name here