ຍົກລະດັບຄວາມຮູ້ກ່ຽວກັບການນຳໃຊ້ໂປູແກຼມ ແລະ ເວັບໄຊ ໃຫ້ແກ່ ພວຕ ແຂວງວຽງຈັນ, ພວຕ ນະຄອນຫຼວງ ແລະ ຄະນະໂຄສະນາຝຶກອົບຮົມຈັດຕັ້ງສູນກາງພັກ

2
30

ຍົກລະດັບຄວາມຮູ້ກ່ຽວກັບການນຳໃຊ້ໂປຼແກຼມນັບຄະແນນສຽງເລືອກຕັ້ງ, ໂປຼແກຼມຖານຂໍ້ມູນບ້ານ,ໂປແກຼມເກັບກຳເອກະສານ ເຂົ້າ-ອອກ, ໂປແກຼມເກັບກໍາຂໍ້ມູນສະຖິຕິພັກ, ການສ້າງ ແລະ ພັດທະນາເວັບໄຊ ໃຫ້ແກ່ ພະແນກວິທະຍາສາດ ແລະ ເຕັກໂນໂລຊີ ແຂວງວຽງຈັນ, ພະແນກວິທະຍາສາດ ແລະ ເຕັກໂນໂລຊີ ນະຄອນຫຼວງ ແລະ ຄະນະໂຄສະນາຝຶກອົບຮົມຈັດຕັ້ງສູນກາງພັກ ພ້ອມດ້ວຍນັກຮຽນຝຶກງານ.

ສະຖາບັນ ເຕັກໂນໂລຊີ ຄອມພິວເຕີ ແລະ ເອເລັກໂຕຼນິກ, ກະຊວງວິທະຍາສາດ ແລະ ເຕັກໂນໂລຊີ (ກວຕ) ໄດ້ຈັດກອງປະຊຸມຝຶກອົບຮົມ ກ່ຽວກັບການນຳໃຊ້ໂປຼແກຼມນັບຄະແນນສຽງເລືອກຕັ້ງ, ໂປຼແກຼມຖານຂໍ້ມູນບ້ານ,ໂປແກຼມເກັບກຳເອກະສານ ເຂົ້າ-ອອກ, ໂປແກຼມເກັບກໍາຂໍ້ມູນສະຖິຕິພັກ, ການສ້າງ ແລະ ພັດທະນາເວັບໄຊ; ໃນລະຫວ່າງວັນທີ 08-11 ກຸມພາ 2021, ທີ່ຫ້ອງປະຊຸມສະຖາບັນ ເຕັກໂນໂລຊີ ຄອມພິວເຕີ ແລະ ເອເລັກໂຕຼນິກ ໂດຍໃຫ້ກຽດເປັນປະທານກ່າວເປີດ-ປິດ ກອງປະຊຸມໂດຍແມ່ນ ທ່ານ ວິລະສັກ ອິນທະປະຖາ, ຫົວໜ້າສະຖາບັນ ເຕັກໂນໂລຊີ ຄອມພິວເຕີ ແລະ ເອເລັກໂຕຼນິກ.

ຈຸດປະສົງຂອງການຈັດຝຶກອົບຮົມໃນຄັ້ງນີ້ແມ່ນເພື່ອແນ່ໃສ່ຍົກລະດັບພະນັກງານ-ວິຊາການໃຫ້ມີຄວາມຮູ້ຄວາມສາມາດຂຶ້ນຕື່ມໂດຍສະເພາະແມ່ນເພີ່ມທັກສະການນຳໃຊ້ໂປຼແກຼມນັບຄະແນນສຽງເລືອກຕັ້ງ, ໂປຼແກຼມຖານຂໍ້ມູນບ້ານ,ໂປແກຼມເກັບກຳເອກະສານ ເຂົ້າ-ອອກ, ໂປແກຼມເກັບກໍາຂໍ້ມູນສະຖິຕິພັກ, ການສ້າງ ແລະ ພັດທະນາເວັບໄຊ ເພື່ອນຳໃຊ້ເຂົ້າໃນໜ້າທີ່ວຽກງານທີ່ຕົນເອງຮັບຜິດຊອບໃຫ້ມີປະສິດທິຜົນສູງຂຶ້ນກວ່າເກົ່າ.

ໃນການຝຶກອົບຮົມຄັ້ງນີ້, ຜູ້ເຂົ້າຮ່ວມໄດ້ຮຽນຮູ້ວິທີການຕິດຕັ້ງລະບົບ, ການຕິດຕາມເກັບກໍາຂໍ້ມູນ, ການນໍາໃຊ້ລະບົບ ແລະ ການຕັ້ງຄ່າຕ່າງໆ ເຊິ່ງໄດ້ລົງມືປະຕິບັດຕົວຈິງ ພ້ອມທັງແລກປ່ຽນຄຳຄິດເຫັນ, ມີສ່ວນຮ່ວມໃນການຕັ້ງບັນຫາ, ເຈາະຈີ້ມ, ຖາມ-ຕອບ, ແລກປ່ຽນບົດຮຽນຂອງນັກສຳມະນາກອນດ້ວຍກັນ ເພື່ອໃຫ້ເຂົ້າໃຈກ່ຽວກັບລະບົບດັ່ງກ່າວ ໂດຍໄດ້ຮັບຟັງການບັນລະຍາຍ ຈາກ ທ່ານ ພອນໄຊ ຈັນທະລັງສີ, ຮອງຫົວໜ້າພະແນກ ຄົ້ນຄ້ວາ ແລະ ພັດທະນາຊອບແວ, ແລະ ທ່ານ ຈະເລີນສຸກ ພັນດາລາ, ວິຊາການ ສູນບໍລິການວິຊາການ ຊຶ່ງມີບັນຍາກາດອັນຟົດຟື້ນ. ເຊີ່ງປະກອບມີນັກສຳມະນາກອນມາຈາກ ພະແນກວິທະຍາສາດ ແລະ ເຕັກໂນໂລຊີ ແຂວງວຽງຈັນ, ພະແນກວິທະຍາສາດ ແລະ ເຕັກໂນໂລຊີ, ນະຄອນຫຼວງ, ຄະນະໂຄສະນາຝຶກອົບຮົມຈັດຕັ້ງສູນກາງພັກ ພ້ອມດ້ວຍນັກຮຽນຝຶກງານ (ລວມທັງໝົດຈຳນວນ 19 ທ່ານ, ຍິງ 10 ທ່ານເຂົ້າຮ່ວມ).

2 COMMENTS

  1. Make Your Hotel Marketing Continuous

    Take your place with your hotel brand on your guests’ cell phones with your mobile application prepared with your own hotel brand. Creating exclusive deals, presenting your guests with your latest instant promotions. Remarket with push notifications daily.

LEAVE A REPLY

Please enter your comment!
Please enter your name here