ສຄອ ສຳເລັດການຈັດຝຶກອົບຮົມການສ້າງ ແລະ ການບໍລິຫານ ຈັດການເວັບ ໄຊທ໌ ຢູ່ທີ່: ພະແນກວິທະຍາສາດ ແລະ ເຕັກໂນໂລຊີ, ແຂວງຈຳປາສັກ

0
537
ໃນລະຫວ່າງວັນທີ 15-24 ມັງກອນ 2018,  ສະຖາບັນ ເຕັກໂນໂລຊີ ຄອມພິວເຕີ ແລະ ເອເລັກໂຕຼນິກ,(ກະຊວງ ວິທະຍາສາດ ແລະ ເຕັກໂນໂລຊີ) ຮ່ວມກັບ ພະແນກ ​ວິ​ທະ​ຍາ​ສາດ ​ແລະ​ ເຕັກ​ໂນ​ໂລ​ຊີ, ​ແຂວງ ຈຳປາສັກ   ໄດ້ຈັດກອງປະຊຸມຝຶກອົບຮົມ ໃນຫົວຂໍ້ “ການສ້າງ ແລະ ການບໍລິຫານ ຈັດການເວັບໄຊທ໌”ໃຫ້ແກ່ພະນັກງານວິຊາການພະແນກວິທະຍາສາດ ແລະ ເຕັກໂນໂລຊີ, ແຂວງຈຳປາສັກ ແລະ ຫ້ອງການ ວຕ 5 ຕົວເມືອງ; ໂດຍໃຫ້ກຽດເປັນປະທານຂອງທ່ານ ທ່ານ ​ສີ​ຟອງ ແກ້ວ​ເຮືອງ​ມະ​ນີ, ຫົວ​ໜ້າພະ​ແນກ ວິ​ທະ​ຍາ​ສາດ​ ແລະ ​ເຕັກ​ໂນ​ໂລ​ຊີ, ແຂວງ ຈຳປາສັກ;   ພ້ອມດ້ວຍບັນດາແຂກຜູ້ເຂົ້າຮ່ວມໃນຄັ້ງນີ້ທ່ານ ສົມ​ຈິດ ໂພ​ທິ​ສານ ຮອງຫົວ​ຫນ້າພະ​ແນກ ວິ​ທະ​ຍາ​ສາດ​ ແລະ ​ເຕັກ​ໂນ​ໂລ​ຊີ, ແຂວງ ຈຳປາສັກ; ທ່ານ​ ວຽງ​ລະ​ຄອນ ບົວ​ລະ​ພັນ ຮອງຫົວ​ຫນ້າພະ​ແນກ ວິ​ທະ​ຍາ​ສາດ​ ແລະ ​ເຕັກ​ໂນ​ໂລ​ຊີ, ແຂວງ ຈຳປາສັກ; ແລະ ທ່ານ ພອນ​ປະ​ເສີດ ສຸລິນ​ທອນ ຮັກສາການ​ຫົວ​ຫນ້າ​ສູນບໍ​ລິ​ການ ​ແລະ ​ຖ່າຍ​ທອດ, ສະຖາບັນ ເຕັກໂນໂລຊີ ຄອມພິວເຕີ ແລະ ເອເລັກໂຕຼນິກ(ກະ​ຊວງ ວິ​ທະ​ຍາ​ສາດ ແລະ ເ​ຕັກ​ໂນ​ໂລ​ຊີ) ພ້ອມທີມງານ; ສະ​ຫະ​ພັນ​ນັກ​ຮົບ​ເກົ່າ, ທ່ານ ​ຂັນ​ຄຳ ແກ້ວ​ບຸດ​ຕາ, ພະ​ແນກ​ການ​ຕ່າງ​ປະ​ເທດ, ທ່ານ​ ສີ​ສຸ​ວັນ ບົວ​ລະ​ພາ, ຮອງ​ຫົວໜ້າຂະ​ແໜງ ຫ້ອງວ່າ​ການ​ປົກ​ຄອງ​ແຂວງຈຳປາສັກ; ຕາງ​ຫນ້າຫ້ອງ​ການ ວ​ຕ 5 ຕົວເມືອງ, ນັກວິທະຍາກອນທີ່ມາຈາກຫ້ອງການອ້ອມຂ້າງເມືອງ ແລະ ພະ​ນັກ​ງານ​ວິ​ຊາ​ການ​ໃນ​ພະ​ແນກ ວ​ ຕ ແຂວງ (ຈຳນວນເຂົ້າຮ່ວມ​ທັງ​ຫມົດ 40 ຄົນ, ຍິງ 7 ຄົນ).

ຈຸດປະສົງຂອງການຝຶກອົບຮົມຄັ້ງນີ້ ແມ່ນເພື່ອປະຕິບັດແຜນຍຸດທະສາດຂອງພັກ-ລັດ ກ່ຽວກັບການພັດທະນາ ຊັບພະຍາກອນ ມະນຸດ; ເພື່ອເປັນການຊຸກຍູ້, ສົ່ງເສີມຄວາມຮູ້, ຄວາມສາມາດ ແລະ ພັດທະນາການນໍາໃຊ້ເຕັກໂນ ໂລຊີ ໃຫ້ມີປະສິດທິພາບ ແລະ ປະສິດທິຜົນ; ໂດຍ​ການນຳ​ໃຊ້​ໂປ​ຼແກ​ຼມ WordPress ສ້າງ​ເວັບ​ໄຊ ​ໂດຍ​ມີ​ເປົ້າ​ຫມາຍ​ສ້າງ​ຄວາມ​ເຂັ້ມ​ແຂງ​ດ້ານ​ວິ​ຊາ​ການ​ໃຫ້​ແກ່​ພະ​ນັກ​ງານວິ​ທະ​ຍາ​ສາດ ​ແລະ ​ເຕັກ​ໂນ​ໂລ​ຊີ, ແຂວງ ຈຳປາສັກ ແລະ ຫ້ອງ​ການ ວ​ຕ 5 ຕົວເມືອງ ເພື່ອຮັບໃຊ້ເຂົ້າໃນການປະຕິບັດວຽກງານໃນຂະແໜງການຂອງຕົນ.

ພ້ອມດຽວກັນນັ້ນ, ທ່ານ ພອນ​ປະ​ເສີດ ສຸລິນ​ທອນ ຮັກສາການ​ຫົວ​ຫນ້າ​ສູນບໍ​ລິ​ການ ​ແລະ ​ຖ່າຍ​ທອດ​, ສະຖາບັນ ເຕັກໂນໂລຊີ ຄອມພິວເຕີ ແລະ ເອເລັກໂຕຼນິກ (ກະ​ຊວງ ວິ​ທະ​ຍາ​ສາດ ແລະ ເ​ຕັກ​ໂນ​ໂລ​ຊີ); ຜ່ານ​ບົດ​ສະ​ຫລູບ​ໂດຍ​ຫຍໍ້​ກ່ຽວ​ກັບການ​ຈັດ​ຝຶກ​ອົບ​ຮົມຄັ້ງນີ້: ​ໂດຍ​ຍົກ​ໃຫ້​ເຫັນ​ເຖິງ​ຄວາມ​ຕັ້ງ​ໃຈ​, ຄວາມ​ຫ້າວ​ຫັນຂອງ​ນັກ​ຝຶກ​ອົບ​ຮົມ​ ແລະ ຄວາມ​ຮັບ​ຮູ້​ເຂົ້າ​ໃຈ​ຕໍ່​ບົດ​ຮຽນ​ທີ່​ບັນ​ດາ​ຄູ​ຝຶກ​ຖ່າຍ​ທອດ​ວິ​ຊາ​ຄວາມ​ຮູ້ເພື່​ອສາ​ມາດ​ນຳ​ໄປ​ຜັນ​ຂ​ະຫຍາຍຮັບ​ໃຊ້​ຫນ້າ​ທີ່​ວຽກ​ງານ​ຕໍ່​ໄປ​ໃຫ້​ເກີດ​ປະ​ສິດ​ທິ​ຜົນ​ສູງ.

ໂອກາດນີ້, ທ່ານ ສົມ​ຈິດ ໂພ​ທິ​ສານ, ຮອງຫົວ​ຫນ້າພະ​ແນກວິ​ທະ​ຍາ​ສາດ ​ແລະ​ ເຕັກ​ໂນ​ໂລ​ຊີ, ແຂວງ ຈຳປາສັກ ໄດ້ໃຫ້ກຽດຂຶ້ນມອບໃບ​ຢັ້ງ​ຢືນ​ໃຫ້​ແກ່ ນັກສໍາມະນາກອນ ແລະ​ ມອບ​ໃບ​ຍ້ອງ​ຍໍ​ໃຫ້​ແກ່​ທິ​ມງານ​ຄູຝຶກຢ່າງ​ສົມ​ກຽດ.

ທ່ານ​ ພັນ​ໂທ ສົມ​ຫວັງ ພັນ​ພົມ​ມາ, ຮອງ​ຫົວ​ຫນ້າ​ສະ​ຫະ​ພັນ​ນັກ​ຮົບ​ເກົ່າ; ມອບ​ເງິນ​ອຸ​ປະ​ຖຳ ແລະ​ໃບ​ກຽດ​ຕິ​ຄຸນໃຫ້​ແກ່​ຫົວ​ຫນ້າ​ພະ​ແນກ ວິ​ທະ​ຍາ​ສາດ ​ແລະ​ ເຕັກ​ໂນ​ໂລ​ຊີ, ແຂວງ ຈຳປາສັກ ແລະ​ ຄ​ູຝຶກຈາກສະຖາບັນ ເຕັກໂນໂລຊີ ຄອມພິວເຕີ ແລະ ເອເລັກໂຕຼນິກ, ກະຊວງ ວິທະຍາສາດ ແລະ ເຕັກໂນໂລຊີ.

ທ່ານ​ ວຽງ​ລະ​ຄອນ ບົວ​ລະ​ພັນ; ຮອງ​ຫົວ​ຫ້ນາ​ພະ​ແນກ ວິ​ທະ​ຍາ​ສາດ ​ແລະ ​ເຕັກ​ໂນ​ໂລ​ຊີ, ແຂວງ ຈຳປາສັກ ໄດ້ໃຫ້ກຽດຂຶ້ນມອບ​ ຄອມ​ພິວ​ເຕີໂ​ນດ​ບຸກ (Notebook)​ໃຫ້​ແກ່​ຫ້ອງ​ການວິ​ທະ​ຍາ​ສາດ​ ແລະ ​ເຕັກ​ໂນ​ໂລຊີ, ປະ​ຈຳ​ເມືອງ​ 5 ຕົວ​ເມືອງ; ເມືອງ ລະ 1 ເຄື່ອງ.

ສຸດທ້າຍນີ້, ທ່ານ ​ສີ​ຟອງ ແກ້ວ​ເຮືອງ​ມະ​ນີ, ຫົວ​ຫນ້າພະ​ແນກ ວິ​ທະ​ຍາ​ສາດ​ ແລະ ​ເຕັກ​ໂນ​ໂລຊີ, ແຂວງຈຳປາສັກ ໄດ້ຂື້ນໂອລົມ ​ໄດ້​ເນັ້ນ​ຫນັກ​ໃຫ້​​ຜູ້​ເຂົ້າ​ຝຶກ​ອົບ​ຮົມໄດ້​ນຳເອົາ​ບົດ​ຮຽນ​ທີ່​ຄູ​ຝຶກ​ໄດ້​ຖ່າຍ​ທອດ​ໃຫ້ນຳ​ໄປ​ຜັນ​ຂ​ະຫຍາຍຈັດ​ຕັ້ງ​ໄປ​ປະ​ຕິ​ບັດ​ໃຫ້​ເກີດ​ປະ​ສິດ​ທິ​ຜົນສູງສຸດເພື່ອຮັບໃຊ້ເຂົ້າໃນ ການປະຕິບັດວຽກງານໃນຂະແໜງການຂອງຕົນ. ພ້ອມດຽວກັນນັ້ນ ກ່າວປິດພິທີຢ່າງເປັນທາງການ.

 

LEAVE A REPLY

Please enter your comment!
Please enter your name here