ສຄອ ໄດ້ສໍາເລັດ ຈັດຝຶກອົບຮົມ “ ການສ້າງ,ພັດທະນາເວັບໄຊ ແລະ ການນໍາໃຊ້ ໂປຼແກຼມນັບຄະແນນສຽງເລືອກຕັ້ງ, ໂປຼແກຼມ ຖານຂໍ້ມູນບ້ານ, ໂປຼແກຼມເກັບກຳຂໍ້ມູນ ສະມາຊິກພັກ”

0
152

ສຄອ ໄດ້ສໍາເລັດ ຈັດຝຶກອົບຮົມ “ ການສ້າງ,ພັດທະນາເວັບໄຊ ແລະ ການນໍາໃຊ້ໂປຼແກຼມນັບຄະແນນສຽງເລືອກຕັ້ງ, ໂປຼແກຼມຖານຂໍ້ມູນບ້ານ, ໂປຼແກຼມເກັບກຳຂໍ້ມູນສະມາຊິກພັກ”

ເພື່ອຍົກປະສິດທິພາບຂອງການປະຕິບັດວຽກງານໃຫ້ກັບທ້ອງຖິ່ນ, ໂດຍໃຫ້ກຽດເປັນປະທານຂອງ ທ່ານ ຂັນໄຊ ຣັດຖະເຮົ້າ, ກຳມະການພັກແຂວງ, ຫົວໜ້າ ພວຕ ແຂວງ ສາລະວັນ ແລະ ທ່ານ ປະລິຕະ ແສງຈັນທ໌, ຮອງຫົວໜ້າສະຖາບັນ ເຕັກໂນໂລຊີ ຄອມພິວເຕີ ແລະ ເອເລັກໂຕຼນິກ, ກະຊວງວິທະຍາສາດ ແລະ ເຕັກໂນໂລຊີ.

ຈຸດປະສົງຂອງການຝຶກອົບຮົມຄັ້ງນີ້ ແມ່ນເພື່ອຝຶກອົບຮົມຮຽນຮູ້ວິທີການນໍາໃຊ້ວຽກງານງານ ເຕັກໂນໂລຊີ ຄອມພິວເຕີ ແລະ ເອເລັກໂຕຼນິກ ເພື່ອນໍາໄປຈັດຕັ້ງຜັນຂະຫຍາຍເຂົ້າໃນວຽກງານຂະແໜງຂອງຕົນ ແລະ ເພື່ອໃຫ້ຜູ້ເຂົ້າ ຮ່ວມໄດ້ຮຽນຮູ້ ແລະ ເຂົ້າໃຈ, ສາມາດນໍາໃຊ້ລະບົບເຂົ້າໃນວຽກງານຕົວຈິງ ທັງເປັນການຍົກສູງປະສິດທິພາບຂອງການປະຕິບັດວຽກງານຂອງທ້ອງຖິ່ນ.

ໃນການຝຶກອົບຮົມຄັ້ງນີ້, ຜູ້ເຂົ້າຮ່ວມໄດ້ຮຽນຮູ້ການຕິດຕັ້ງເວັບໄຊ, ການຂຽນຂ່າວລົງເວັບໄຊ, ການຈັດການໜ້າຕ່າງເວັບໄຊ ແລະ ວິທີຕິດຕັ້ງໂປຼແກຼມ, ການນຳໃຊ້ລະບົບໂປຼແກຼມ ນັບຄະແນນສຽງເລືອກຕັ້ງ, ໂປຼແກຼມຖານຂໍ້ມູນບ້ານ, ໂປຼແກຼມເກັບກໍາຂໍ້ມູນສະມາຊິກພັກ, ຊຶ່ງໄດ້ມີການລົງປະຕິບັດຕົວຈິງ ພ້ອມທັງແລກປ່ຽນຄຳຄິດເຫັນ, ມີສ່ວນຮ່ວມໃນການຕັ້ງບັນຫາເຈາະຈີ້ມ, ຖາມ-ຕອບ, ແລກປ່ຽນບົດຮຽນກັບນັກວິທະຍາກອນ ແລະ ນັກສຳມະນາກອນດ້ວຍກັນ ເພື່ອໃຫ້ເຂົ້າໃຈກ່ຽວກັບລະບົບດັ່ງກ່າວ.

ພາຍຫຼັງສຳເລັດການຝຶກອົບຮົມດັ່ງກ່າວ ກໍໄດ້ມີພິທີປິດຊຸດຝຶກອົບຮົມຄັ້ງນີ້ ຢູ່ຫ້ອງປະຊຸມ ພະແນກ ວິທະຍາສາດ ແລະ ເຕັກໂນໂລຊີ ແຂວງ ສາລະວັນ ໃຫ້ແກ່ນັກສຳມະນາກອນ ຊຶ່ງໃຫ້ກຽດເປັນປະທານປິດກອງປະຊຸມໃນຄັ້ງນີ້ ໂດຍ ທ່ານ ຂັນໄຊ ຣັດຖະເຮົ້າ, ກຳມະການພັກແຂວງ, ຫົວໜ້າ ພະແນກ ວິທະຍາສາດ ແລະ ເຕັກໂນໂລຊີ ແຂວງ ສາລະວັນ.

ຊຸດຝຶກອົບຮົມດັ່ງກ່າວແມ່ນໄດ້ດໍາເນີນເປັນ ເວລາ 3 ວັນ ຊຶ່ງເລີ່ມແຕ່ ວັນທີ 10-12 ສິງຫາ 2020 ໂດຍມີນັກສໍາມະນາກອນຈາກ ຈາກ ພະແນກວິທະຍາສາດ ແລະ ເຕັກໂນໂລຊີ ແຂວງ ສາລາວັນ ແລະ ພະແນກພາຍໃນແຂວງ, ເມືອງ ເຂົ້າຮ່ວມຈໍານວນ 19 ທ່ານ.

ຂ່າວ ແລະ ຮູບພາບ: ຈະເລີນສຸກ ພັນດາລາ

LEAVE A REPLY

Please enter your comment!
Please enter your name here