ພິທີລົງນາມ

0
1536

ໃນຕອນແລງຂອງວັນທີ 28 ສິງຫາ 2017 ທີ່ຫ້ອງປະຊຸມ ຊັ້ນ 3 ຂອງສະຖາບັນ ການທະນາຄານ(ສທຄ), ໄດ້ມີພິທີລົງນາມ ບົດ ບັນທຶກຄວາມເຂົ້າໃຈ(MOU)ວ່າດ້ວຍການຮ່ວມມືດ້ານວິ ຊາການໃນການສ້າງປື້ມແບບເອເລັກໂຕຼນິກ ລະຫ່ວງ ສະຖາ ບັນ ເຕັກໂນໂລຊີ ຄອມພິວເຕີ ແລະ ເອເລັກໂຕຼນິກ, ກະຊວງ ວິທະຍາສາດ ແລະ ເຕັກໂນໂລຊີ ຮ່ວມກັບ ສະຖາບັນ ການທະ ນາຄານ,ທະນາຄານ ແຫ່ງ ສປປລາວ.ໃນພິທີດັ່ງກ່າວ,ທັງສອງ ຝ່າຍເຫັນໄດ້ຄວາມສຳຄັນ ແລະ ຕົກລົງເຫັນດີສ້າງບົດບັນທຶກຄວາມເຂົ້າໃຈສະບັບນີ້ຮ່ວມກັນເພື່ອໃຊ້ເປັນບ່ອນອີງໃນການຈັດຕັ້ງປະຕິບັດສ້າງປຶ້ມແບບເອເລັກໂຕນິກຫຼື E-BOOK ຮ່ວມກັນ, ເພື່ອເປັນການແລກປ່ຽນຂໍ້ມູນຂ່າວສານເຊິ່ງກັນ ແລະ ກັນ, ສ້າງຄວາມເຂັ້ມແຂງທາງດ້ານວິຊາການ ແລະ ການໃຫ້ບໍລິການຂໍ້ມູນຂ່າວສານທີ່ທັນສະໄໝໃຫ້ແກ່ສັງຄົມ.

ຜູ້ລົງນາມຄັ້ງນີ້ຊຶ່ງຕາງໜ້າ ສຄອ ແມ່ນ ທ່ານ ວິລະສັກ ອິນທະປະຖາ, ຫົວໜ້າສະຖາບັນ ເຕັກໂນໂລຊີ ຄອມພິວເຕີ ແລະ ເອເລັກໂຕຼນິກ, ກະຊວງວິທະຍາສາດ ແລະ ເຕັກໂນໂລຊີ  ແລະ ຕາງໜ້າ ຈາກ ສທຄ ແມ່ນ ທ່ານ ນາງ ດວງດີ ພິມວົງສາ ຫົວໜ້າສະຖາບັນ ການທະນາຄານ, ທະນາຄານ ແຫ່ງ ສປປ ລາວ.

ພິທີຄັ້ງນີ້ໄດ້ຮັບກຽດການເຂົ້າຮ່ວມເປັນສັກຂີພິຍານ ຂອງ ທ່ານຮອງຫົວໜ້າສະຖາບັນ ເຕັກໂນໂລຊີ ຄອມພິວເຕີ ແລະ ເອເລັກໂຕຼນິກ, ຮອງຫົວໜ້າສະຖາບັນ ການທະນາຄານ ບັນດາຫົວໜ້າຫ້ອງການ, ກົມ, ສະຖາບັນ ແລະ ພາກສ່ວນກ່ຽວຂ້ອງທັງສອງຝ່າຍ.

 

LEAVE A REPLY

Please enter your comment!
Please enter your name here