ສຄອ ສຳເລັດການຝຶກອົບຮົມການສ້າງ, ຄຸ້ມຄອງ ແລະ ພັດທະນາເວັບໄຊທ໌ ໃຫ້ແກ່ສະມາຄົມສິລະປະແຄນລາວ

0
107

ໃນລະຫວ່າງວັນທີ 10-12 ກັນຍາ 2019, ຢູ່ທີ່: ສະຖາບັນ ເຕັກໂນໂລຊີ ຄອມພິວເຕີ ແລະ ເອເລັກໂຕຼນິກ  ໄດ້ຈັດກອງປະຊຸມຝຶກອົບຮົມ ໃນຫົວຂໍ້ “ການສ້າງ, ຄຸ້ມຄອງ ແລະ ພັດທະນາເວັບໄຊທ໌” ໃຫ້ແກ່ພະນັກງານ ວິຊາການສະມາຄົມສິລະປະແຄນລາວ; ເຊິ່ງຈັດຕັ້ງປະຕິບັດໂດຍ ສະຖາບັນ ເຕັກໂນໂລຊີ ຄອມພິວເຕີ ແລະ ເອເລັກໂຕຼນິກ, (ກະຊວງ ວິທະຍາສາດ ແລະ ເຕັກໂນໂລຊີ) ໂດຍໃຫ້ກຽດເປັນປະທານຂອງທ່ານ ທ່ານ ວິລະສັກ ອິນທະປະຖາ, ຫົວ​ໜ້າສະຖາບັນ ເຕັກໂນໂລຊີ ຄອມພິວເຕີ ແລະ ເອເລັກໂຕຼນິກ (ຈຳນວນຜູ້ເຂົ້າຮ່ວມ​ທັງ​ຫມົດ 3 ຄົນ, ຍິງ 1 ຄົນ).

ຈຸດປະສົງຂອງການຝຶກອົບຮົມຄັ້ງນີ້ ແມ່ນເພື່ອເປັນການຊຸກຍູ້, ສົ່ງເສີມຄວາມຮູ້, ຄວາມສາມາດ ແລະ ພັດທະນາການນໍາໃຊ້ເຕັກໂນໂລຊີ ໃຫ້ມີປະສິດທິພາບ ແລະ ປະສິດທິຜົນ; ໂດຍ​ການນຳ​ໃຊ້​ໂປຼແກຼມ WordPress ສ້າງ​ເວັບ​ໄຊ ​ໂດຍ​ມີ​ເປົ້າ​ຫມາຍ​ສ້າງ​ຄວາມ​ເຂັ້ມ​ແຂງ​ດ້ານ​ວິ​ຊາ​ການ​ໃຫ້​ແກ່​ພະ​ນັກ​ງານວິຊາການຂອງສະມາຄົມສິລະປະແຄນລາວ ເພື່ອຮັບໃຊ້ເຂົ້າໃນການປະຕິບັດວຽກງານໃນສະມາຄົມການຂອງຕົນ.

ພ້ອມດຽວກັນນັ້ນ, ທ່ານ ຈະເລີນສຸກ ພັນດາລາ ວິຊາການ​ສູນບໍ​ລິ​ການ ​ແລະ ວິຊາການ​, ສະຖາບັນ ເຕັກໂນໂລຊີ ຄອມພິວເຕີ ແລະ ເອເລັກໂຕຼນິກ (ກະ​ຊວງ ວິ​ທະ​ຍາ​ສາດ ແລະ ເ​ຕັກ​ໂນ​ໂລ​ຊີ); ຜ່ານ​ບົດ​ສະ​ຫລູບ​ໂດຍ​ຫຍໍ້​ກ່ຽວ​ກັບການ​ຈັດ​ຝຶກ​ອົບ​ຮົມຄັ້ງນີ້: ​ໂດຍ​ຍົກ​ໃຫ້​ເຫັນ​ເຖິງ​ຄວາມ​ຕັ້ງ​ໃຈ​, ຄວາມ​ຫ້າວ​ຫັນຂອງ​ນັກ​ຝຶກ​ອົບ​ຮົມ​ ແລະ ຄວາມ​ຮັບ​ຮູ້​ເຂົ້າ​ໃຈ​ຕໍ່​ບົດ​ຮຽນ​ທີ່​ໄດ້​ຖ່າຍ​ທອດ​ວິ​ຊາ​ຄວາມ​ຮູ້ເພື່​ອສາ​ມາດ​ນຳ​ໄປ​ຜັນ​ຂ​ະຫຍາຍຮັບ​ໃຊ້​ຫນ້າ​ທີ່​ວຽກ​ງານ​ຕໍ່​ໄປ​ໃຫ້​ເກີດ​ປະ​ສິດ​ທິ​ຜົນ​ສູງ.

LEAVE A REPLY

Please enter your comment!
Please enter your name here