ສຄອ ຈັດງານສໍາມະນາ ດ້ານວຽກງານ ເຕັກໂນໂລຊີ ຄອມພິວເຕີ ແລະ ເອເລັກໂຕຼນິກ ໃນຍຸກອຸດສາຫະກຳ 4.0, ໃນວັນທີ 8 ສິງຫາ 2019, ທີ່ ກະຊວງ ວິທະຍາສາດ ແລະ ເຕັກໂນໂລຊີ

0
162

ໃນວັນທີ 8 ສິງຫາ 2019 ຢູ່ທີ່​ຫ້ອງ​ປະຊຸ​ມຊັ້ນ 4 ຂອງ​ກະຊວງ ວິທະຍາສາດ ແລະ ເຕັກໂນໂລຊີ. ໄດ້ຈັດກອງປະຊຸມ ສຳມະນາ ດ້ານວຽກງານ ເຕັກໂນໂລຊີ ຄອມພິວເຕີ ແລະ ເອເລັກໂຕຼນິກ ໃນຍຸກອຸດສາຫະກຳ 4.0 ; ໂດຍການເປັນປະທານຂອງ ທ່ານ ບັນດິດ ສຈ. ບໍ່ວຽງຄຳ ວົງດາລາ; ລັດຖະມົນຕີກະຊວງ ວິທະຍາສາດ ແລະ ເຕັກໂນໂລຊີ; ແລະ ຫົວໜ້າຫ້ອງການ, ຫົວໜ້າກົມ, ສະຖາບັນ, ບັນດາຫົວໜ້າພະແນກ, ສູນ ແລະ ວິຊາການທີ່ກ່ຽວຂ້ອງ.

ຈຸດປະສົງ ຂອງກອງປະຊຸມສຳມະນາຄັ້ງນີ້ ແມ່ນເພື່ອ​ໃຫ້ຄວາມຮູ້ແກ່​​ພະນັກງານ ພາຍໃນກະຊວງ ວິທະຍາສາດ ແລະ ເຕັກໂນໂລຊີ ໄດ້ເຂົ້າໃຈກ່ຽວກັບ ວຽກງານເຕັກໂນໂລຊີ ຄອມພິວເຕີ ແລະ ເອເລັກໂຕຼນິກ ໃນຍຸກອຸດສາຫະກຳ 4.0

ພ້ອມດຽວກັນນັ້ນ, ທ່ານ ວິລະສັກ ອິນທະປະຖາ; ຫົວໜ້າສະຖາບັນ ເຕັກໂນໂລຊີ ຄອມພິວເຕີ ແລະ ເອເລັກໂຕຼນິກ ໄດ້ຂື້ນກ່າວດ້ານວຽກງານ ເຕັກໂນໂລຊີ ຄອມພິວເຕີ ແລະ ເອເລັກໂຕຼນິກ ໃນຍຸກອຸດສາຫະກຳ 4.0   ແມ່ນເປັນວຽກງານໜຶ່ງທີ່ສຳຄັນ ໃນການເຜີຍແຜ່ວຽກງານການຄົ້ນຄວ້າກ່ຽວກັບການສ້າງຖານຂໍ້ມູນ ສູ່ການພັດທະນາ ທີ່ຍືນຍົງ ໂດຍການນຳໃຊ້ Data Science,  ການຄົ້ນຄວ້າ ແລະ ພັດທະນາ ປັນຍາປະດິດ ເພື່ອພັດທະນາ ເສດຖະກິດ-ສັງຄົມ, ຄົ້ນຄວ້າ ແລະ ພັດທະນາ ກະສິກຳທັນສະໄໝ ເພື່ອການຍົກສູງຄຸນນະພາບຂອງການຜະລິດກະສິກຳ ແລະ ຫຸ່ນຍົນດ້ານການກະເສດ ໃນຍຸກ 4.0 ໃຫ້ແກ່ຄະນະນຳກະຊວງ, ຫົວໜ້າຫ້ອງການ, ຫົວໜ້າກົມ, ສະຖາບັນ ແລະ ບັນດາພະນັກງານວິຊາການພາຍໃນກະຊວງ ວິທະຍາສາດ ແລະ ເຕັກໂນໂລຊີ ໄດ້ເຂົ້າໃຈກ່ຽວກັບການພັດທະນາວຽກງານເຕັກໂນໂລຊີໃນຍຸກ 4.0.

ໃນພິທີດັ່ງກ່າວ ຄະນະນຳກະຊວງ, ຫົວໜ້າຫ້ອງການ, ຫົວໜ້າກົມ, ສະຖາບັນ ແລະ ບັນດາພະນັກງານວິຊາການ ກໍ່ໄດ້ຂື້ນຕັ້ງຄຳຖາມ-ຕອບຈາກນັກສຳມະນາ ແລະ ປະກອບຄຳຄິດເຫັນໃນວຽກງານ ເຕັກໂນໂລຊີ ຄອມພິວເຕີ ແລະ ເອເລັກໂຕຼນິກ ໃນຍຸກອຸດສາຫະກຳ 4.0 ຄັ້ງນີ້.(ຊື່ງມີຈໍານວນທັງໜົດ 50 ທ່ານເຂົ້າຮ່ວມ).

ສຸດທ້າຍນີ້້, ທ່ານ ບັນດິດ ສຈ. ບໍ່ວຽງຄຳ ວົງດາລາ; ລັດຖະມົນຕີກະຊວງ ວິທະຍາສາດ ແລະ ເຕັກໂນໂລຊີ ໄດ້ສະຫຼຸບຫຍໍ້ຂອງກອງປະຊຸມ ສຳມະນາ ດ້ານວຽກງານ ເຕັກໂນໂລຊີ ຄອມພິວເຕີ ແລະ ເອເລັກໂຕຼນິກ ແມ່ນວຽກງານໜື່ງທີ່ສຳຄັນ ກ່ຽວກັບການພັດທະນາເຕັກໂນໂລຊີຢູ່ ສປປລາວ ໃນຍຸກອຸດສາຫະກຳ 4.0 ນີ້ ພ້ອມໄດ້ກ່າວປິດພິທີ

       

LEAVE A REPLY

Please enter your comment!
Please enter your name here