ກອງປະຊຸມປືກສາຫາຫລືກ່ຽວກັບການນຳສະເໜີ ການສ້າງປື້້ມແບບ ເອເລັກໂຕຼນິກ ຫຼື e-book.

0
110

ໃນວັນທີ 31 ກໍລະກົດ 2019 ຢູ່ທີ່​ຫ້ອງ​ປະຊຸ​ມຊັ້ນ 6 ຂອງ​ສະຖາບັນການເມືອງ ແລະ ການປົກຄອງແຫ່ງຊາດ. ໄດ້ຈັດກອງປະຊຸມກ່ຽວກັບ  ການປືກສາຫາຫລື, ນຳສະເໜີ ການສ້າງປື້້ມແບບເອເລັກໂຕຼນິກ ຫຼື e-book    ລະຫວາ່ງ ສະຖາບັນ ເຕັກໂນໂລຊີ ຄອມພິວເຕີ ແລະ ເອເລັກໂຕຼນິກ, ກະຊວງ ວິທະຍາສາດ ແລະ ເຕັກໂນໂລຊີ   ຮ່ວມກັບ ສູນຂໍ້ມູນຂ່າວສານ, ສະຖາບັນການເມືອງ ແລະ ການປົກຄອງແຫ່ງຊາດ ; ໂດຍການເປັນປະທານຂອງ    ທ່ານ ປທ ນ. ວະໄລລັກ ອະໄພ; ຮອງຫົວໜ້າສູນຂໍ້ມູນຂ່າວສານ, ສະຖາບັນການເມືອງ ແລະ ການປົກຄອງແຫ່ງຊາດ ພ້ອມດ້ວຍຄະນະ; ແລະ ທ່ານ ປທ ພອນປະເສີດ ສຸລິນທອນ, ຫົວໜ້າສູນ ບໍລິການວິຊາການ, ສະຖາບັນ ເຕັກໂນໂລຊີ ຄອມພິວເຕີ ແລະ ເອເລັກໂຕຼນິກ, ກະຊວງ ວິທະຍາສາດ ແລະ ເຕັກໂນໂລຊີ ພ້ອມດ້ວຍຄະນະ.

ຈຸດປະສົງ ຂອງກອງປະຊຸມຄັ້ງນີ້ ແມ່ນເພື່ອ​ໃຫ້ຄວາມຮູ້ແກ່​​ພະນັກງານ ແລະ ຄູອາຈານພາຍໃນສູນຂໍ້ມູນຂ່າວສານ, ສະຖາບັນການເມືອງ ແລະ ການປົກຄອງແຫ່ງຊາດ; ໄດ້ເຂົ້າໃຈກ່ຽວກັບ ການສ້າງປື້້ມແບບເອເລັກໂຕຼນິກ ທັງແບບ off line ແລະ On line.

ພ້ອມດຽວກັນນັ້ນ, ທ່ານ ປທ  ພອນປະເສີດ ສຸລິນທອນ; ຫົວໜ້າສູນ ບໍລິການວິຊາການ, ສະຖາບັນ ເຕັກໂນໂລຊີ ຄອມພິວເຕີ ແລະ ເອເລັກໂຕຼນິກ, ກະຊວງ ວິທະຍາສາດ ແລະ ເຕັກໂນໂລຊີ;     ໄດ້ຂື້ນກ່າວນຳສະເໜີວຽກງານ  ການຄົ້ນຄ້ວາຂອງ “ໂຄງການສ້າງປື້ມແບບເອເລັກໂຕຼນິກ ຫຼື e-book”   ແມ່ນເປັນວຽກງານໜຶ່ງທີ່ສຳຄັນ ໃນການເຜີຍແຜ່,  ສົ່ງເສີມໃຫ້ຊາວໜຸ່ມ, ເຍົາວະຊົນ ແລະ ນັກຮຽນຮູ້ປັນຍາຊົນ  ໄດ້ເຂົ້າເຖິງຂໍ້ມູນຂ່າວສ່ານຢ່າງສະດວກສະບາຍຫຼາຍຂື້ນໃນການອ່ານໜັງສື ແບບລະບົບມືຖື (Android, IOS )  ແລະ ລະບົບໂຄງສ້າງຕູ້ປື້ມແຕ່ລະໝວດ, ການຄົ້ນຫາ ແລະ ການເຊື່ອມໂຍງລີ້ງໄປພາກສ່ວນຕ່າງໆ ໃຫ້ແກ່ພະນັກງານ, ຄູອາຈານ ຢູ່ສູນຂໍ້ມູນຂ່າວສານ,  ສະຖາບັນການເມືອງ ແລະ ການປົກຄອງແຫ່ງຊາດ.

ໃນພິທີດັ່ງກ່າວ ບັນດາແຂກທີ່ກ່ຽວຂ້ອງທັງສອງຝ່າຍ ກໍ່ໄດ້ຂື້ນໂອ້ລົມຕັ້ງຄຳຖາມ-ຕອບ ແລະ ປະກອບຄຳຄິດເຫັນໃນການນຳສະເໜີກອງປະຊຸມປືກສາຫາຫລືກ່ຽວກັບການ ການສ້າງປື້້ມແບບເອເລັກໂຕຼນິກ ຫຼື e-book ຄັ້ງນີ້.(ຊື່ງມີຈໍານວນທັງໜົດ 12 ທ່ານເຂົ້າຮ່ວມ) ຍິງ 3 ທ່ານ.

ສຸດທ້າຍນີ້້, ທ່ານ ປທ ນ. ວະໄລລັກ ອະໄພ; ຮອງຫົວໜ້າສູນຂໍ້ມູນຂ່າວສານ, ສະຖາບັນການເມືອງ ແລະ ການປົກຄອງແຫ່ງຊາດ ພ້ອມດ້ວຍຄະນະໄດ້ເຫັນດີໃນການສະເໜີ ການສ້າງປື້້ມແບບເອເລັກໂຕຼນິກ ຫຼື e-book ແລະ ໃນເບື້ອງຕົ້ນນີ້ ມອບໃຫ້ສູນຂໍ້ມູນຂ່າວສານ, ສະຖາບັນການເມືອງ ແລະ ການປົກຄອງແຫ່ງຊາດ ສົ່ງຟາຍຫົວຂໍ້ບົດຕ່າງໆ ເປັນຟາຍ PDF ມາໃຫ້ສະຖາບັນ ເຕັກໂນໂລຊີ ຄອມພິວເຕີ ແລະ ເອເລັກໂຕຼນິກ ເພື່ອຈະນຳສ້າງ, ທົດລອງ ແລະ   ຈະນຳໃຊ້ຢູ່ສູນຂໍ້ມູນຂ່າວສານ, ສະຖາບັນການເມືອງ ແລະ ການປົກຄອງແຫ່ງຊາດໃນເບື້ອງຕົ້ນກ່ອນ.

 

LEAVE A REPLY

Please enter your comment!
Please enter your name here