ຕົກລົງ 5G ແມ່ນຫຍັງ?

0
44

ກ່ອນທີ່ຈະໄປເຖິງ 5G ເຮົາເລີ່ມຈາກ 1G ກ່ອນ ຍຸກນັ້ນເປັນຍຸກທີ່ເຮົາເວົ້າກັນຜ່ານສຽງຜ່ານໂທລະສັຍມືຖືລະບົບ Analog ຈົນເຮົາສົ່ງຂໍ້ຄວາມ MMS ຫາກັນໄດ້ໃນຍຸກ 2G ຈາກນັ້ນເຮົາເຮົາກໍ່ເຂົ້າສູ່ຍຸກ 3G ທີ່ເຮົາເຊື່ອມຕໍ່ແລະຫຼີ້ນອິນເຕີເນັດຜ່ານ Smart Phone ໄດ້ດ້ວຍຄວາມໄວທີ່ສູງຂື້ນລະຫວ່າງ 20 kbps ເຖິງ 42.2 Mbps ແລະເຂົ້າມາເຖິງຍຸກ 4G ທີ່ເຮົາສາມາດເບິ່ງຮູບແລະສຽງຫຼືໜັງອອນໄລນ໌ພໍໄດ້ເພາະຄວາມໄວທີ່ເພີ່ມຂື້ນເຊັ່ນ 4G LTE (100 Mbps), 4G LTE Cat.4(150 Mbps) ແລະ 4G LTE Advanced (1,000 Mbps)

ສ່ວນຍຸກ 5G ມັນຄື Generation 5 ຫຼື ລຸ້ນທີ5 ຂອງການສື່ສານທີ່ອະນາຄົດມັນຈະບໍ່ແມ່ນແຕ່ໂທລະສັບມືຖືແລ້ວຕ່ເປັນອຸປະກອນທຸກຊະນິດທີ່ເຊື່ອມອິນເຕີເນັດໄດ້ (Internet of Thing ຫຼື loT) ວ່າກັນວ່າຖ້າເຮົາມີ 5G ເຮົາຈະດາວໂຫຼດວິດີໂອ ໜັງຫຼືແອປໄດ້ໄວເຖິງ 10,0000 Mbps ຖ້າໃຊ້ 4G ເບິ່ງວິດີໂອອອນໄລນ໌ (ຂະໜາດ 8K) ຫຼືດາວໂຫຼດໜັງຕ້ອງຖ້າ 6 ນາທີ ແຕ່ຖ້າມີ 5G ໃຊ້ເວລາແຕ່ 6 ວິນາທີ

ເທົ່ານັ້ນບໍ່ພໍ ຖ້່ມີ 5G ເຮົາຈະເຊື່ອມຕໍ່ໄປປາຍທາງໄດ້ໄວກວ່າ 0.001 ວິນາທີ (ຄືໄວຫຼາຍ) ຮັບສົ່ງຂໍ້ມູນຜ່ານອິນເຕີເນັດເພີ່ມເປັນ 1,000 ເທົ່າ ໃຊ້ພະລັງງານໃນການເຊື່ອມຕໍ່ໜ້ອຍລົງ 90% ເຮັດໃຫ້ແບັດຈະຍືດອາຍຸການໃຊ້ງານໄດ້ເຖິງ 10 ປີ

5G ດີກວ່າ 4G ແນວໃດ?

  1. ຕອບສະໜອງໄວກວ່າ.

ຖ້າເຮົາໃຊ້ 4G ສັ່ງງານຄວບຄຸມສິ່ງຕ່າງໆໄດ້ໄວກວ່າທີ່ 20-30 ms (Milli-second ຄື 1:1,000 ວິນາທີ) ແຕ່ຖ້າໃຊ້ 5G ຈະໄວຂື້ນ 10 ເທົ່າ ຈະສັ່ງງານ loT ຫຼືສະມາດດີໄວ໌ໄດ້ໄວແທ້ເຖິງ 3-4 ms

  1. ຮັບສົ່ງຂໍ້ມູນໄດ້ຫຼາຍກວ່າ 4G

ຖ້າ 4G ຮັບສົ່ງຂໍ້ມູນຕໍ່ເືອນໄດ້ແຕ່ 7.2 Exabytes 5G ຈະເຮັດໃຫ້ເຮົາຮັບສົ່ງຂໍ້ມູນໄດ້ເພີ່ມຂື້ນ 7 ເທົ່າ ຄື 50 Exabytes ຕໍ່ເດືອນ

  1. ມີຄວາມຖີ່ສຳລັບໃຊ້ງານຫຼາຍກວ່າ

ຕອນໃຊ້ 4G ມີໃຫ້ໃຊ້ເຖິງແຕ່ 3GHz ແຕ່ຖ້າເປັນ 5G ເຮົາໃຊ້ງານຄື່ນຄວາມຖີ່ໄດ້ເຖິງ 300GHz

  1. ຮັບຮອງການໃຊ້ງານໃນແຕ່ລະພື້ນທີ່ໄດ້ຫຼາຍກວ່າ

ຖ້າ 4G ຮັບຄົນໄດ້ປະມານ 1 ແສນຄົນຕໍ່ພື້ນທີຢ 1 ຕລ.ກມ 5G ຈະຮັບໄດ້ 10 ເທົ່າຄືຮັບໄດ້ 1 ລ້ານຄົນຕໍ່ພື້ທີ່ 1 ຕລ.ກມ

  1. ຖ່າຍໂອນຂໍ້ມູນຕໍ່ວິນາທີໄດຫຼາຍກວ່າ

ຖ້າ 4G ໂອນຂໍ້ມູນເຂົ້າເຄື່ອງໄດ້ແຕ່ 1GB ຕໍ່ວິນາທີ 5G ຈະເຮັດໃຫ້ເຖິງ 20GB ຕໍ່ວິນາທີ ຫຼື 20 ເທົ່າຂອງ 4G

ແລ້ວ 5G ສົ່ງຜົນຕໍ່ຊີວິດປະຈຳວັນຂອງເຮົາແນວໃດ?

ແນ່ນອນວ່າຖ້າມີ 5G ຈະເຮັດໃຫ້ເຮາເບິ່ງໜັງ ຟັງເພງ ຫຼິ້ນເກມ ເປີດເວັບໄຊເທິງໂທລະສັບໄດ້ໄວ ບໍ່ມີສະດຸດ ເຖິງຈະເປັນວິດີໂອທີ່ມີຄວາມລະອຽດສູງໆ ແຕ່ປະໂຫຍດຂອງ 5G ມັນບໍ່ໄດ້ຢຸດຢູ່ແຕ່ຊຳນັ້ນ ເພາະວ່າໃນອະນາຄົດ ຖ້າມີ loT ເຮົາຈະໄດ້ໄດ້ເຫັນການເຮັດວຽກຂອງສະມາດດີໄວ໌ທີ່ຫຼາຍກວ່າແຕ່ສະມາດໂຟນ ສະມາດດີໄວ໌ທີ່ເຊື່ອມຕໍ່ກັນຜ່ານ 5G ກໍ້ຈະສົ່ງຂໍ້ມູນຫາກັນໄດ້ຢ່າງມີປະສິດທິພາບຫຼາຍຂຶ້ນ

ຖ້າ 5G ມາເຮົາໄດ້ເບິ່ງວິດີໂອແບບຄວາມລະອຽດສູງບ່ອນໄດ້ກໍ່ໄດ້

ຖ້າເຮົາມີເກີບທີ່ເຊື່ອມຕໍ່ກັບອິນເຕີເນັດໄດ້ ໂຕເກີບກໍ່ຈະເກັບຂໍ້ມູນວ່າເຮົາ ຍ່າງ ຫຼື ແລ່ນ ໄປໄດ້ຈັກກ້າວ ຍ່າງໄປໄດ້ຈັກກິໂລແມັດ ແລ້ວມັນກໍ່ສົ່ງຂໍ້ມູນຜ່ານ 5G ໄປສະແດງຢູ່ໂທລະສັບ ຫຼື ໂມງ ຂອງເຮົາຕອນໃດ ເວລາໃດກໍ່ໄດ້ ຖ້າມີ 5G

ຖ້າຈະເປັນເລື່ອງຂອງລົດຍົນບໍ່ມີຄົນຂັບ (Driverless Car) ທີ່ໃນອະນາຄົດອາດຈະສາມາດໂຕ້ຕອບກັບລົດອີກຄັນແລະທາງ (Smart Road) ຜ່ານເຊັນເຊີທີ່ຕິດຕັ້ງໄວ້ ແລະ ມີ 5G ໂອນຂໍ້ມູນຫາກັນ ເຊິ່ງຊ່ວຍຫຼຸດອຸບັດຕິເເຫດໄດ້ນຳ ເຊິ່ງຖ້າຍັງໃຊ້ 4G ເຫັນວ່າຈະຮັບສົ່ງຂໍ້ມູນຫາກັນໄດ້ ກໍ່ອາດຈະບໍ່ທັນແຈ້ງເຕືອນອຸບັດຕິເຫດໄດ້

ຍັງບໍ່ເວົ້າເຖິງ Virtual Reality (VR) ແລະ Augmented Reality (AR) ເຊັ່ນ ຖ້າເຮົາເບິ່ງໜັງ ຫຼື ຫຼິ້ນເກມຜ່ານອຸປະກອນ VR ຖ້າໃຊ້ 5G ເຮົາກໍ່ຈະໄດ້ຮັບປະສົບການທີ່ຫຼາຍກວ່າສະມາດໂຟນ ແລະ ຄຸນະພາບດີພໍໆກັບ ເບິ່ງ VR ຜ່ານ Wi-Fi ທີ່ສໍາຄັນຄື AR ທີ່ສາມາດໃຊ້ສະມາດໂຟນສົ່ງໄປວັດຖຸ 2 ມິຕິແລ້ວມີຮູບຫຼືວິດີໂອດິຈິຕ໋ອນປະກົດເທິງໜ້າຈໍ ເຊິ່ງຮູບຫຼືວິດີໂອຈະຕ້ອງດຶງມາຈາກ Cloud ເຮັດໃຫ້ 5G ມີບົດບາດຫຼາຍໃນການດຶງຂໍ້ມູນດັ່ງກ່າວມາຈາກ Cloud ໃຫ້ປະກົດເທິງໜ້າຈໍໄດ້ຢ່າງວ່ອງໄວ ບໍ່ຊ້າ ເຮັດໃຫ້ດຶງຄວາມສາມາດຂອງ AR ໄດ້ທຸກວົງການ

ສະຫຼຸບຖ້າ 5G ມາບ້ານເຮົາ ເຮົາຈະໄດ້ເບິ່ງວິດີໂອ ຫຼິ້ນ ຟັງເພງໄດ້ບໍ່ສະດຸດແທ້ໆ ແຕ່ຖ້າເປັນເລື່ອງຂອງ loT ຕ້ອງເບິ່ງກັນອີກຈັກໄລຍະວ່າຈະເກີດຂື້ນໄດ້ຫຼາຍຊ່ຳໃດ ບໍ່ສະນັ້ນການມີ 5G ກໍ່ໃຊ້ບໍ່ຄຸ້ມຄ່າເລີຍ

ທີ່ມາຂອງຂໍ້ມູນ: https://www.marketingoops.com/reports/understand-what-is-5g/

LEAVE A REPLY

Please enter your comment!
Please enter your name here